InfoHub Logo

Men búgin erekshe sezimmen oıandym,

Sáýleli aq tańnyń shýaǵyna boıaldym.

Júrekte qýanysh, boıda kúsh tasyǵan,

Taǵy da baqshama aıańdap kelemin,

Búldirshin únimen jumysta qıalym.

Mynaý meniń balabaqsham... Qazirgi jumys jasap júrgen «Nursát» balabaqshasyna osy bir óleń shýmaqtarynyń kúsh-qýatymen kele jatyrmyn. Mynaý meniń kishkentaı bóbekterim... Ár kúni olardyń súıkimdi júzin kórgende eriksiz kúlimsireımin. Óıtkeni olar meni qýana qarsy alady. Qýanyshyn jasyra almaı erkeleı aldyma keledi. Bir úıdiń úmiti, shyraǵy, aıaýlysy, ardaǵy, erkesi, buzyǵy, qyzyǵy. Men olarmen birge júrsem, balasha qýanyp, myna ómirge balasha qaraǵym keledi.

Men tárbıeshimin... Osy mamandyqtyń qyzyǵy men qıyndyǵyn bala ortasynda júrgen menen artyq eshkim seze almaıdy. 

Biz, tárbıeshiler úshin balaǵa neniń durys-burystyǵyn, ne ystyq, ne sýyq ekenin, ne jaman, ne jaqsy ekenin sary aýyz balapandarǵa úıretýden qıyn is joq.

Kózderi móldiregen, júzderinde kúlki oınaǵan balalarǵa qarasańyzshy...

Kúnde erteńgisin balabaqshada jas búldirshinderdi qarsy alyp, olardyń jaǵymdy únderin, syńǵyrlaǵan tátti kúlkilerin, «Sálemetsiz be?», «Qaıyrly tań!» degen sózderin estigende, boıym bir serpilip qalǵandaı bolady. Balalarmen bolǵan árbir ýaqytym meni jańa bir álemge jetelegendeı. Árdaıym balalardyń maǵan degen yqylasyn, maǵan umtylǵan úmitke toly kózderin, ne nárseni bilýge qushtar shabytty, suraýly janarlaryn baıqaımyn. Olardyń menen kútetinderi óte kóp ekenin sezemin.

Balabaqshanyń ý-shýynsyz ómirimdi elestete almaımyn. Ár bala ózinshe bir álem... Tym jaqsy, tap-taza, sezimderi pák, ańǵal, súıkimdi jandar. Endeshe olardy qalaı ǵana, jaqsy kórmeısiń. Meni ózderine asqar taýdaı súıenish dep bilip turǵanyn seze tura, men olarǵa jan-tánimmen berilmesem kim bolǵanym...

Meniń negizgi maqsatym – balalarǵa jaqsy kóńil – kúı syılaı otyryp, sanaly tárbıe, sapaly bilim berý. Ózimdi ár oqý qyzmeti  ústinde balalarǵa baǵyt berýshi, jol silteýshi róline qoıamyn. Bul balalardyń ózine de¬gen senimin arttyryp, oqý qyzmetine degen turaqty zeıin qalyptastyrýǵa, qyzyǵýshylyǵyn oıatýǵa jaǵdaı týǵyzady.

Bala júregi – kishkentaı kúı sandyq. Ol sandyqtyń kiltin tapsań ǵana ashylady. Tárbıeshiniń qolynda ár kezde sol kilt júrýi kerek. Men ózgeniń balalary bolsa da, óz balalarymnan da artyq kóremin. Bala tárbıesiniń jolynda talmaı qyzmet etip kelemin. Qyzmet etýdi azamattyq, ustazdyq boryshym dep sanaımyn. Áli de qyzmet etemin, balamen jumys jasaý men úshin óte qyzyqty7

Mine, osyndaı kerbez, kishipeıil, meıirimdi, shýaqty tárbıeshi atansam - adamı paryzymnyń oryndalǵany bolar.

Meniń mamandyǵym álemdegi eń qajet mamandyqtardyń biri. Sondyqtan men  mamandyǵymdy maqtan tutamyn.

---