InfoHub Logo

Bórili baıraǵyn jelbiretken ata-babalarymyz san ǵasyrlar boıy saıyn dala tósin erkin jaılaǵan el bolatyn. Jan-jaqtan antalaǵan dushpan bizdiń ulan baıtaq jerimizge kóz alarta qarady. Azattyq jolyndaǵy kúres qazaq balasynyń basyn bir týdyń astyna biriktirdi. Túbi bir túrki balasynyń kóksegeni – táýelsizdik edi. Jeltoqsan qurbandary ata-baba jolyn jalǵastyrýshy, táýelsizdik jolyndaǵy kúreskerler desek qatelespeımiz. Jalǵan aıyp taǵylǵan, «Búlikshi» degen jalamen qoǵamnyń qanshama belsendi jastary qýǵynǵa ushyrap, taǵdyr taýqymetin tartty.

1986 jylǵy jeltoqsan oqıǵasyna belsene qatysqan jastar arasynda Qaırat Rysqulbekov te boldy. Qaırattyń týystaryna jazǵan «Baq tússe – mańdaıymnan, tas tússe talaıymnan», kórip aldym, maǵan ólim qorqynyshty emes, óıtkeni adaldyǵym odan bıik tur» degen hat joldary sot aldyndaǵy zulymdyqqa qarsy tura bilgen ór minezdi qazaq jasynyń batyrlyq beınesin aıqyn kórsetedi. Qaırat «...Janym – arymnyń sadaǵasy» dep batyl qadam jasaǵan jastardyń biri edi.

Jeltoqsan qurbanyna aınalǵan Qaırat er minezdi kúreskerligimen qatar aqyn da bolatyn. Qaırattyń shyndyq  dep shyrqyraǵan úni túrmedegi óli tynyshtyqty buzǵandaı edi. Qaırat Rysqulbekovtyń «Emenniń ıir butaǵy» atty óleńder jınaǵyndaǵy «Aqtyq sóz» óleńinde:

Qaırat degen atym bar,

Qazaq degen zatym bar.

«Erkek toqty qurbandyq»,

Atam deseń, atyńdar! – degen óleń joldary Qaırattyń janaıqaıy bolatyn. Jyraýlyq poezıanyń úlgisinde jazylǵan bul óleń jas aqynnyń talantynyń bir qyry desek te bolady. Biz tek jeltoqsannyń yzǵary shalǵan bir ǵana taǵdyr jaıly sóz etkenmen, osyǵan uqsas qanshama adamnyń taǵdyrlary bar.

Qoryta kele, jeltoqsan aıyndaǵy qazaq jastarynyń basyn biriktirip, alańǵa shyǵýlaryna túrtki bolǵan bılik basyndaǵylardyń qazaq eliniń taǵdyryna degen nemquraılylyǵy bolatyn. Óz eliniń azattyq jolyndaǵy kúresiniń tarıhyn jaqsy bilip ósken qazaq jastary qazaq eliniń azattyq jolyndaǵy kúresiniń sońǵy núktesin qoıdy.

7-synyp oqýshysy Amangeldi Meıram

---