InfoHub Logo

Orazalına Erkenaz Maratqyzy

Bógetsaı mektep-gımnazıasy 9-synyp oqýshysy

Jetekshisi: B.R.Mahanalına

Adam óse kele óz bolashaǵy jaıly kóp oılanady eken. Jastyq shaqtyń qalaı tez ótip ketetinin de baıqamaı qalady. Ómirdegi basty maqsat osy bes kúndik jalǵannan óz ornyn tabý emes pe?! Men áli mektep tabaldyryǵynda oqyp júrgen oqýshymyn, ata-anamnyń kózine kishkentaı qyz bolsam da, óz bolashaǵym jaıly kóp oılanamyn. Aldaǵy ómirim qandaı bolmaq? Bolashaqta men kim bolamyn? Qandaı mamandyq ıesi atanamyn?- degen suraqtar jıi mazalaıdy.  Jaı ǵana oılanýdyń az ekendigin de bilemin. Sondyqtan da qazirden bastap aldyma maqsat qoıyp, oǵan tabandy túrde kirisip, armanymnyń jetegine erip kelemin. Negizinen mamandyq tańdaý degen - óziń aınalysqyń keletin jumysty tańdaý ǵana emes, óziń aralasqyń keletin ortany da tańdaý. Iaǵnı qarapaıym ómir súrý kózi bolyp tabylatyn jáne qandaı da bir daıyndyqty, jaýapkershilikti talap etetin eńbek qyzmetiniń mańyzdy bóligi. Bireýler úshin - ol oıǵa alǵan armannyń oryndalýy, otbasy dástúrin jalǵastyrý, kelesi bireýler úshin jańalyqqa,  derbestikke talpynys.

Elbasy «Bolashaq-bilimdi jastardyń qolynda» demekshi , bizdiń bolashaǵymyz - óz qolymyzda. Keleshegimizdi búginnen de nurlandyra túsý  óz qolymyzda. Al bolashaǵymyz baıandy da baqytty, nurly da shýaqty bolýy úshin, meniń oıymsha, eń aldymen ózine laıyq mamandyq ıesi ataný. Sebebi, ár mamandyqtyń ózine tán erekshelikteri men mańyzy bar. Mysalǵa ustazdyqty alatyn bolsaq, Maǵjan Jumabaev «Qazaqtyń qany da bir, jany da bir jolbasshysy - muǵalim» demekshi, ustazdyq eń joǵaryda turatyn, óte qurmetti de qadirli mamandyq. Ustaz aldyndaǵy shákirtti qandaı jolǵa túsirse, shákirt sol baǵytty ómir boıy ustanyp júredi dep oılaımyn. Jalpy jalǵyz ustazdyq qana emes, meıli shahter bolsyn, aspazshy, qurylysshy bolsyn, óz aldynda jeke bir mamandyq dep bilemin.

Al ózim jaıly aıtatyn bolsam, bolashaqta qandaı salada jumys isteımin? degen suraqqa men oılanbastan bıologıa salasy der edim. Elbasymyz N.Á.Nazarbaev «Qazirgi zamanda bıologıa, hımıa, fızıka jáne matematıka salalaryna jete kóńil bólinsin» demekshi, men jeke bıologıa salasyn odan ári damytqym keledi. Ataqty ǵalymdar sıaqty jańalyqtar ashý -  meniń basty maqsatym. Árıne, bunyń barlyǵy da qazir arman bolsa da, joǵaryǵa kóterilý jolynda qıyndyqtar týyndaıtynyn bilsem de, men bul maqsatyma jetetinime senimdimin. Sebebi, meniń maqsatym aıqyn ári naqty. Aldymen óz tandaǵan mamandyǵym boıynsha bilim alyp, sodan keıin sol mamandyǵym boıynsha jumys jasap, tájirıbeler alyp, jańalyqtar ashý. Bul oıymdy júzege asyrý maqsatynda qazirgi kúnnen bastap men alǵa qaraı qadam basýdamyn.

---