InfoHub Logo

Mal sharýashylyǵymen kún ótkizgen qazaq halqynyń Ertis boıyn mekendeıtin bir toby qunarly ólkeni qutty qonysqa balap, uzaq jyldaryn sol arada ótkizedi. Ertis boıynyń shóbi qunarly, sýaty mol bolǵandyqtan odan alystap kete almaı, kúngeıin qystap, teriskeıin kúzep-jaılap degendeı kúnderdi ótkize beredi. Kúzeý men jaılaý ózenniń bir jaq ańǵarynda, qystaý bir jaq ańǵarynda bolady da ekeýin bóle aǵyp Ertis
jatady. Ertis — endi, sýy aýqymdy ózen. Qystaýdan jaılaýǵa barý úshin ózen sýy tasymaı turǵanda ótip almasa, usaq mal túgil, atty kisige jol bermeıdi. Jyl saıyn bir mezgilde kóship daǵdylanyp alǵan aýyldar bir jyly kútpegen jerden qıynshylyqqa tap bolady. El beıqam otyrǵanda jaz erte shyǵyp, saı-salanyń qary erip, ózen arnasynan asyp-tasyp ketedi de, dúıim el ótkel taba almaı qamalyp qystaý jaq arnany jaılap qalady. Qystaýlyq óris qansha degenimen tarlyq isteıdi de jer kóńildegideı kóktemeıdi, tebindegen kókti mal jep taýysady. Mal jazdan da jarasymdyq semizdik ala almaıdy. Bul azdaı-aq, sol jyly qys qatty bolyp, qar qalyń túsedi. Osylaısha ıý-qıýy sáıkesedi de, el-jurt kóptegen malyn jutatyp alady.

Maldyń jutaýyn, jaılaýǵa óte almaı qalǵanyn el ózimizdiń beıǵamdyǵymyzdan boldy demeıdi. Ertistiń tolqynynan boldy, — deıdi. Qyrýar shyǵynǵa ushyratqan Ertistiń aq órkesh tolqyndaryn kúıge qosady.

 

---