InfoHub Logo

Máńgilik El! Árbir adam úshin eń asyl qazyna- otanyn, týǵan elin súıý. Halyq batyry Baýyrjan Momyshuly bylaı degen eken: «Bizdiń tarıhymyz batyrǵa baı tarıh, halqymyz batyrlyqty bıik dáriptep, azamattyq pen kisiliktiń sımvoly, úlgisi sanaǵan. Batyrlyq , erlik degen urpaqtan urpaqqa ata dástúr bolyp qala bermek. Ótkenin bilmegen, tálim — tárbıe, ǵıbrat almaǵan halyqtyń urpaǵy — tul, keleshegi turlaýsyz. Bizdiń qazaq halqy — batyr halyq». Qazaq halqyn quryp ketý qaýpinen saqtap qalǵan, jerin jaýǵa bermeı, ulan baıtaq ólkesin qazaq eline máńgi qonys etý maqsatynda jarǵaq qulaǵy jastyqqa tımeı, elim dep eńirep ótken has batyrlar qanshama deseńizshi! Bulardyń erligi bizderge qashan da bolsa ónege bolmaq. Árbir adam bizdiń memleketimizge, sonyń baı da dańqty tarıhyna, onyń bolashaǵyna óziniń qatysty ekenin maqtanyshpen sezine alatyndaı eńbek etýi qajet. Otanshyldyq sezim erteden qalyptasqan, eskirmeıtin, máńgilik, qasıetti uǵymdy  Otanǵa degen súıispenshilik, boıyndaǵy bar kúsh – qýatyn, erik-jigerin Otan ıgiligi men múddesine aıamaı jumsaý, týǵan jerin, qasıetti ana tilin, eldiń ádet-ǵurpy men salt-dástúrin qurmetteý dep túsinemin. Árbir adam bala kezinen « Qazaqstan – meniń Otanym, men úshin jaýapty ekeni sıaqty men de ol úshin jaýaptymyn» degen qarapaıym oıdy boıyna sińirip ósýi tıis emes pe? «Qazaqstan- bizdiń ortaq  úıimiz, bizdiń ózimiz de, bizdiń babalarymyz da osy jerdi meken etedi. Eger biz ózimizdiń ómirimizdi ,týǵan jerimizdiń qadirin biler bolsaq, ony jasampazdyqpen jańǵyrtyp, boı kórsetken árbir talshybyqty mápelep ósirip otyrmasaq, onda biz ózimizdi naǵyz patrıot dep sanaı almas edik. Ustazdarymyz aıtqandaı adamgershilikti, tárbıeli adam – kez kelgen memlekettiń baılyǵy, áleýmettik ómirdegi beıbitshilik pen mádenıettiliktiń kepili. Olaı bolsa eń aldymen tilimizdi, dinimizdi, salt — dástúrimizdi bilsek, til — qazaq bolýymyz úshin, din — adam bolýymyz úshin, salt – dástúr — ult bolýymyz úshin qajet.

---