Mánshúk Mámetova
Mánshúk Mámetova Jeńsikáliqyzy (Jıenǵalıqyzy) 1922 Batys Qazaqstan qazirgi Oral oblysynyń Orda aýdanynda týǵan. Mánshúktiń ata-anasy erte qaıtys boldy da, bes jasar balany onyń tátesi Ámına Mámetova baýyryna basady. Mánshúktiń balalyq shaǵy Almatyda ótti.
Uly Otan soǵysy bastalǵan kezde Mánshúk medısına ınstıtýtynda oqyp, sońymen bir mezgilde respýblıka Halyq Komısarlary Sovetiniń sekretarıatynda qyzmet etip te júrgen. 1942 jyldyń avgýsynda ol óz erkimen Qyzyl Armıa qataryna alynady da, maıdanǵa attanady. Óz bóliminde Mánshúk tańdaýly pýlemetshi atanady. Alǵashynda brıgada shtabynda qyzmet etti, keıinnen pýlemetshiler bólimshesiniń komandıri boldy. Aǵa serjant Mánshúk Mámetova Pskov oblysyndaǵy Nevel qalasy úshin bolǵan keskilesken sheshýshi urysta erlikpen qaza tapty.
Batyr qyzdyń qurmetine Ońtústik Qazaqstan jáne Pavlodar oblysynyń eńbekshileri «Mánshúk atyndaǵy tank kolonnasyn» qurý úshin qarajat jınap (1944), oǵan jasalǵan 26 tank maıdanǵa jiberildi. 1944 jyldyń 1 martynda SSSR Joǵarǵy Soveti Prezıdıýmynyń Ýkazymen aǵa serjant Mánshúk Mámetova Jıenǵalıqyzyna qaza tapqannan keıin Sovet Odaǵynyń Batyry ataǵy berildi. Batyrdyń týǵan jerinde memorıaldyq mýzeı, Oral qalasynda da mýzeı ashyldy. Nevel Oral, Almaty qalalarynda eskertkish ornatylyp, Almatydaǵy 28-orta mektep pen medısınalyq ınstıtýt aldynda eskertkish taqta qoıylǵan. Qazaqstannyń aqyn jazýshylary Mánshúk Mámetova týraly kóptegen óleń, poemalar jazdy.
Oqýǵa keńes beremiz:
Álıa Nurmuhambetqyzy Moldaǵulova
You Might Also Like
-
Muhtar Omarhanuly Áýezov (1897—1961) — qazaqtyń áıgili jazýshysy, qoǵam qaıratkeri, Qazaq KSR Ǵylym akademıasynyń akademıgi, fılologıa ǵylymynyń tuńǵysh doktory, profesor, Qazaq KSR-nyń ...
-
Maqta, qoza — qulqaıyr tuqymdasyna jatatyn kóp jyldyq baǵaly talshyqty daqyl. Maqtanyń 35 túri bar, onyń 5 túri qoldan ósiriletin bir jyldyq shóptesin ósimdikterdiń bir týysy. Negizinen, tropık...
