InfoHub Logo

2011-2012 oqý jylynda Qazaqstan Respýblıkasynyń jalpy bilim beretin mektepterindegi oqytý Qazaqstan Respýblıkasy Bilim jáne ǵylym mınıstrliginiń 2002 jylǵy 24 qyrkúıektegi № 693 buıryǵymen bekitilgen jalpy orta bilim berýdiń jalpyǵa mindetti memlekettik standarty negizinde júzege asyrylady.Bilim berý uıymdarynda paıdalanýǵa ruqsat etilgen oqý basylymdarynyń tizimi Qazaqstan Respýblıkasy Bilim jáne ǵylym mınıstrliginiń 2009 jyldyń 3 sáýirindegi № 160 buıryǵymen,2009 jylǵy 14 mamyrdaǵy № 217 buıryǵymen anyqtalǵan.
«Matematıka» oqý páni retinde Qazaqstan Respýblıkasy jalpy orta bilim berýdiń bazıstik oqý josparynyń memlekettik komponentin quraýshylardyń biri bolyp tabylady.
Bazalyq bilimniń negizgi komponenti retindegi matematıkanyń máni praktıkalyq is-árekette qoldaný úshin qajetti,basqa oqý pánderin zerdeleý úshin,úzdiksiz bilim berý júıesinde oqýdy jalǵastyrý úshin jetkilikti naqty matematıkalyq bilimdi ıgertý arqyly onyń adamzat órkenıetin,ǵylymı-tehnıkalyq progresti damytýdaǵy,qazirgi ǵylymdaǵy jáne óndiristegi rólimen,sondaı-aq óskeleń urpaqtyń rýhanı ortasyn qalyptastyrýdaǵy,olardyń ıntellektýaldyq jáne basqa da sapalaryn damytýdaǵy matematıkalyq bilimniń mańyzdylyǵymen anyqtalady.
Matematıkany oqytý:
- esepteý mádenıetin jáne esepteýdiń praktıkalyq daǵdylaryn damytýdy;
- formaldy-operatıvtik algebralyq apparatty jáne ony ártúrli máselelerdi sheshýge qoldana alý biligin meńgertýdi;
- elementar fýnksıalardyń qasıetteri men grafıkterin oqytyp-úıretýdi,naqty táýeldilikterdi sıpattaý jáne taldaý úshin fýnksıonaldyq-grafıktik túsinikterdi paıdalanýdy;
- statısıkalyq málimetterdi usyný men taldaýdyń negizgi tásilderimen,naqty bolmystaǵy statısıkalyq zańdylyqtarmen tanystyrýdy,qarapaıym yqtımaldyq boıynsha túsinikterdi berýdi;
- planımetrıanyń negizgi faktileri men ádisterin ıgertýdi jáne keńistiktik túsinikterdi damytýdy qamtamasyz etedi.
Soǵan baılanysty oqý baǵdarlamasynda oqýshylarǵa bilim alý tásilderin úıretý sıaqty matematıkany oqytýdyń barynsha naqty dıdaktıkalyq mindetteri júzege asyrylady.
Bazıstik oqý josparynda jaratylystaný-matematıkalyq baǵytta matematıkany oqytýǵa aptasyna 4 saǵat (11-shi synypta barlyǵy 136 saǵat) bólingen. Kez-kelgen baǵdarda matematıkaǵa jáne onyń qoldanystaryna yntalanǵan oqýshylarǵa qoldanbaly kýrstardy uıymdastyrý arqyly matematıkaǵa bólingen saǵat sanyn arttyra alady.
Jaratylystaný – matematıkalyq baǵyttaǵy synyptardy matematıkany oqytý oqýshylarǵa matematıkany belgili bir deńgeıde meńgerýin talap etetin kez-kelgen oqý oryndarynda tańadaǵan mamandyqtary boıynsha bilimderin jalǵastyrýǵa qajetti múmkindiktermen qamtamasyz etilýi qajet.