InfoHub Logo

Sen jalǵyz emessiń!
Kókte nuryn shashqan kún,
Jerde jupar shashqan gúl,
Júrekte jalyn atqan óleń,
Ózindi kúni-túni oılap júrgen MEN barmyn!

* * *

Shapaqty nuryn tógip atar tańymsyń,
Basyma bitken baǵymsyń,
Bulaqtan móldir tamshy bop aqqan aǵynsyń,
Sen – meniń ǵana janymsyń!

* * *

Meıirim nuryn shashqan kúnimdeısiń
Ómirimniń qýat kózi óziń deımin
Janym meniń jalǵysyrap qalǵandaıyn
Bir kórmesem ózińdi men izdeımin.

* * *

Ómir saǵan jyly sózin arnasyn,
Qaıǵy-muńǵa júrekte oryn bolmasyn.
Janaryńnan kún kúlimdep árqashan,
Aı men juldyz keýdeńe kep ornasyn.

* * *

Mahabbat degen qazyna,
Kúshin jetip qaza alsan.
Mahabbat degen oralmas,
Kútip qansha sazarsan.
Mahabbat degen torda bar,
Shyǵa almassyn qamalsan.
Mahabbat degen ólmeıdi,
Naıza da bolyp qadalsa.
Osynyń bárine tózgeısin,
Mahabbat úshin jaralsan.

* * *

Kóńilim saǵan degen sýydy janym,
Sezimimdi sen meniń oılamadyń.
Keshire almadym onyńdy, keshirmeımin,
Bir aıtarym máńgi meni umyt deımin.
Aqymaqtyq bopty saǵan sengenim,
"Janym" degen sózderińe kóngenim.
Úzdiń ǵoı sol bir názik úmitti,
Endi qalaı sezimge men seneıin.
Mahabbatty bir úlken sezim deıdi,
Túsiner ony úlkeni, jasy meıli
Ol degen eki jastyń qalaýy ǵoı,
Kedergiler tap bolsa da kidirmeıdi.
Al sen bolsań kedergiden qasha bardyń
Batyrlyqty, batyldyqty tanytpadyń
Biraq saǵan esh jamandyq tilemeımin
Nege bárin bir sátte umyta saldyń?
Demek saǵan umytý ońaı boldy,
Ósirgen "Mahabbat gúli" erte soldy.
Endi qaıtip kórispeımiz eshqashan,
Átteń-aı, nege bárı solaı boldy?!
Qatelik jiberdi kim aramyzdan,
Jan ediń sen men úshin dara týǵan
Qaıtemiz, qalmady basqa amal da,
Júregimiz túıispedi bir arnada.
Eń alǵash unatqanym sen ediń,
Sezimimdi máńgige sen órtediń.
Biraq endi júregimdi qınamaımyn,
Seni umytam, saǵynbaımyn, jylamaımyn.

* * *

Máni ketti.
Sáni ketti.
Ómirim bosqa ótýde.
Úndemeısiń.
Sóılemeısiń.
Al men júrmin kútýde.
Jazdyń sońy.
Gúlder soldy.
Janbyrly kún tolassyz.
Jastar degen
Júr ekeýden
Al men júrmin joldassyz.
Keshir meni
Men de endi
Mazańdy senniń almaımyn.
Sózder aıttyp
Seni muńaıtyp
Áýrege seni salmaımyn.

* * *

Júregim nur syılaǵan ǵaıyptan,
Sen ekensiń, aldan atar jaryq tań!
Seni oılaımyn shabyttanǵan shaǵymda,
Seni oılaımyn kezderimde jabyqqan.

* * *

Mahabbat ótirikti qalamaıdy,
Kóz salyp eshbirjanǵa qaramaıdy.
Eger de ýádesinen taıyp ketse,
Júrekti atqan oqtaı jaralaıdy.
Ne qıyn, súıgenińdi kórmeý qıyn!
Júrektiń qyzǵanyshyn búrkeý qıyn!
Tańdaǵan top ishinde súıgenińdi,
Basqanyń qushaǵynan kórý qıyn!

* * *

Súıemin seni nege ekenin bilmeımin
Nege janym seni izdeıdi kúni-tún
Bolsam deımin máńgi seniń qasynda
Biraq qazir armanymsyń tek qana....

* * *

Araılaǵan tań atyp,
Nuryn shashty ǵaryshtan.
Saǵat onnan bes ketti,
Qaıyrly kún Danyshpan!

* * *

Sen meniń jalǵyz janymsy,
Sen joqta múshkil halim shyn
Muń basyp túndeı túnersem,
Aǵaryp atar tańymsyń.
Basyma qonǵan baǵymsyń,
Kóńilimniń altyn taǵysyń.
Qasymda dáıim júrseń de,
Armandaı alys saǵymsyń.
Aınaldym qońyr kózińnen,
Aıyrǵan meni tózimnen.
Jarylsyn júrek shattanyp,
Súıemin degen sózińnen.
Sondaısyń, sáýlem, sondaısyń,
Jaǵasy bulǵyń tondaısyń.
Jaralyp jandy jylatpaı,
Basyma baq bop qonǵaısyń.
Taǵastyz kútip-tosamyn,
Jyryma seni qosamyn.
Sózińdi berseı, bolaıyn,
Táńiri qosqan qosaǵyń!
Tezirek, janym, jetseńshi,
Saǵyndym.... óldim...tek senshi.
Tolqyǵan júrek tynshysyn,
Senimniń gúlin ekseńshi.

* * *

Saǵyndym seni, saǵyndym,
Kórkińe seniń tabyndym.
Ǵashyq ta qylǵan ózińe,
Sezimge sulý tabyndym.
Aınaldym senen, aınaldym,
Qazyqtaı saǵan baılandym.
Sendikpin degen sózińnen,
Jabyrqaı kóńilim jaılandyń.
Baqytym bolǵan baq-qusym,
Perishte syndy páktisiń?!
Súıgende tiliń bal-sheker,
Ne degen, janym táttisiń.

* * *

Júrmeıdi tek júrekke ámir bóten,
Shyn sezim-qol jetpeıtin táńirge teń.
Óksikpe óte shyǵar súrgen ómir,
Eger de mahabbatty jábirleseń.

* * *

Tosylam aıtýǵa til jetpeı,
Tur sezim aqylǵa bıletpeı.
Tuńǵıyq oılarǵa batyrdyń,
Ulylar qaldyrǵan sýretteı.
Sulýlyq aldynda bas urdym,
Kelmeıdi syrymdy jasyrǵym.
Mendegi oıatar shabytty,
Mýza ǵoı ár taly shashyńnyń.
Sezimge mendegi til bitti,
Túlettiń, gúl ettiń tirlikti.
Kózderim - elshisi júrektiń,
Jasyra almaıtyn shyndyqty.

* * *

Jastyqtyń shamy – mahabbat,
Baqyttyń dámi – mahabbat.
Súıýdiń ursa kıesi,
Janarlar óter botalap.
Mahabbat – máńgi taýsylmas,
Múskinge moıyn ol burmas.
Júrekpen adal súıgender
Sezimniń gúlin soldyrmas.
Mahabbat – asyl gaýhar tas,
Mahabbat jyry taýsylmas.
Jalyn bop janǵan ǵashyqtar
Bir-birin jolda qaldyrmas.
Júrektiń nári – mahabbat,
Syılastyq máni – mahabbat.
Tirlikke tirek bolatyn,
Ómirdiń máni – mahabbat!

* * *

Men sensiz ómirimdi elestete almaımyn múlde, múlde.
Ekeýimizde tań men tús, túnde birge.
Júrek syryn shertýden basqa adammen,
Óńim túgil, oılaýǵa jasqanam men.
Men mynaý dúnıeniń keleń kezi, asýlaryn,
Asýlardan qınalsań qasyńdamyn.
Júreginen jaralaıdy ǵashyq janym,
Mahabbattyń áýeli jasyl baǵyn.

* * *

Men seni saǵynǵanda,
Qaramaı jaýyndarǵa, daýyldarǵa.
Qarsy qarap júzemin aǵyndarǵa,
Keýdemde qımyldaǵan janym barda.
Men seni saǵynǵanda,
Bir mınýtta qaqym joq damyldarǵa.
Saǵynyshtyń saǵymyn jamylǵanda,
Qaramaı qara nóser qaǵynǵanǵa,
Saǵan usham, qalmaıdy sabyr janda,
Men seni saǵynǵanda, saǵynǵanda.

* * *

Kórkem kelbet kózdiń bolar álegi,
Ǵashyqtyqtan adam máńgi dámeli.
Kókireginde jaýqasyn jyr kóktese,
Jan dúnıeniń taza bolǵan álemi.
Qaıyrly tún, jana ǵana sóılesken,
Sulýlyqtyń jan tolqytqan dánegi.
Sende úlken parasattyń lebi bar,
Tunyp turǵan dert bitkenniń bar emi.
Súıip alńym kep, shaqqa men toqtadym,
Meniń janym meıirimge zar edi.
Pák peıildik, ak nıettik negizi,
Saltanatty ómirimniń sáni edi.
Kishipeıil, ashyq adam bop kettim,
Kókirektik mende tegi bar edi.
Men ózińdi qurmetteımin dep aıta alam,
Adamdyǵym adaldyqtyń jaǵy edi.
Tún qoınaýy saǵan sıqyr tús syılap,
Tús kór, janym, men týraly ádemi.

* * *

Arta sap kúndi bir kúnge,
Oıǵa almaý seni múmkin be.
Jylýlyq seniń tánińde,
Sulýlyq seniń kúlkińde.
Meniń de, janym, seniń de
Kıemiz asqak teginde.
Shashyńdy maıda jel súıse,
Demim de, meniń lebim de.
Janymdy sózben emdersiń,
Kelme demessiń, kel dersiń.
Janyńa bireý súıense,
Sen sony, janym, men dersiń.
Ózińdi alsam tek oıǵa,
Teńeımin kún men seni aıǵa.
Uıkyǵa batar shaq týsa,
Ótinem, janym, meni oıla.
Jandardy jaısań aq keýde
Qısyn kelmes jat deýge.
Kórpeńdi men dep elestet,
Jamylyp jatqan sátterde.
Kóńildiń júrek tórinde,
Sezimniń tynyq kólinde,
Basyńa tósep jastyqty –
Ol meniń oń jaq qolym de.
Iiskesem appaq moınyńnan,
Bolshy bir men dep boı urǵan.
Tósińe tartqan oramal,
Túskende sýsyp qoınyńnan,
Atymdy meniń bir aıtshy,
Men shyqpaıyn tek seniń oıyńnan.

* * *

Tabam ba dep jan dertime emimdi,
Talaı túnder jastyqqa bas berildi.
Aıtshy, janym, nege qaıta men jutpaımyn,
Senen shyqqan jupar aýa demińdi.
Aq bilektiń arman bolyp elesi,
Jalǵyz júzdi júregimniń kemesi.
Ǵadaýatqa ońaılyqpen aldyrmas,
Mahabbat qoı ǵashyqtyqtyń egesi.
Ótken shaqtan bul dáýrenge keldi úlgi.
Maǵan, qalqam, búkil sendik ber muńdy.
Ókinishti-aý eń bolmasa qasyq bop.
Mezgil saıyn óppegenim ernińdi.
Jantaıyp ap sezim jannyń qaýsaryn,
Basar edim qumar kóńil ańsaryn.
Ókinishti-aq taraǵyńnyń ornynda
Bolmaǵany keń salaly saýsaǵym.
Bes mınýtsyz ýakytsha qur jeliksiz,
Aıalasam, aımalasam eriksiz.
Janym! - dep aıtqan jalǵyz sóılemdi
Aıta berem qalǵan shaqta eriksiz.
Mine osylaı kúnder ótip barady,
Tyrna qaıtyp, kók jolaq jol tarady.
Meni mynaý áldıleıdi jelpip tek,
Seni jazǵan aq dápterdiń paraǵy.

* * *

Júrekpen seni án etken,
Izgiligimen dán ekken.
Men bir jaraly úırekpin.
Ózińnen shıpa dámetken.
Bal shárbatyńa qansam ǵoı.
Mahabbat degen dánekpen.
Tamsanyp qaraı beremin.
Dıdaryńdy uǵyp agentten.
Qys qara jerdi qar etken.
Joqty ǵashyqtyq bar etken.
Jutynýmen men júrmin,
Kyzyǵyp qazir álekpen.
Sen meni qarsy alasyń ba,
Qasyńa barsam «moment» men?
Júre berem be osy álde,
Qur sózben, jyrmen, agentpen.
Qyzyǵyma áli qanbassyń.
Ekeýmiz qalyp arhıvte,
Hıqaıamyzdy shań bassyn.
Osy aıtqandar dál kelip.
Alla-taǵala qoldasyn.
Salem jazǵan Jańalyk.
Jaýabyn, qalqam, jazarsyń.

* * *

Men seni izdep júrmin kósheden de,
Kóp boldy maǵan etken osy eleńge,
Bireýdiń arqaý bop júr joldasy ánge.
Bireýdiń qosylyp júr dosy óleńge.
Men seni izdep júrmin daladan da,
Iz tastap ketti me dep appaq qarǵa.
Alaıda qar ústinde óz izim qap,
Sharshap ketip jantaıam jaǵalaýǵa.
Men seni izdep júrmin teńizden de,
Daýyl máz meni shaıqap dem úzgenge.
Birine tiken kirse teń shanshıtyn
Ekeýmiz uqsaımyz-aý egizderge.
Men seni izdep júrmin kyr belesten,
Julyp ap jýsan túbin irgeme ósken.
Ýmajdap alaqanǵa ıiskeıin kep,
Shyqqandaı umytylyp birdeńe esten.
Men seni izdep júrmin qalalardan.
Qol bulǵap qarsy aldymnan baǵaly arman.
Janymnyń jyrtyǵynan jel úrleıdi.
Ózińsiz paıdasy jok jamaǵannan.
Osylaı izdeı berem, izdeı berem.
Men seni jemisi kóp kúzdeı kórem.
Kúbirlep onasha bir sátterimde.
Qaı kezde kezdesermiz biz, deı berem.
Men ony, meni osyndaı izdeıdi óleń.

* * *

Janym bolshy jarqyrap kúndeı kúlgen,
Jalyn bolshy ot demin birdeı bilgen.
Arym bolshy, ózgesin bilmeımin men.
Bárin kórshi sen úshin gúldeı bilem.
Janym dese - degendeı barsyń janym.
Mendeı jaısań jandarǵa jansyń málim.
Kelshi, qalkam, ómirdi bir kesheıik.
Adam izi túspegen qar shyńdaryn.

* * *

Bireý tap bolsa júrekti jyldam baýraǵan,
Ashyq aıta ber, ol adam  - emes jaý magan.
Mende bar sezim, múmkin, sende de bar shyǵar.
Kóńilinde kóktem, mahabbat gúli qaýlaǵan.
Qyzganysh jetken túbine talaı jandardyń,
Basqadan baqyt taba alsań - demeım aldandym.
Ǵashyk boldym, amalym joq, qaıteın.
Men múmkin álsiz, sabyrsyz, ańqaý, ańǵalmyn.
Aq kóılek kıgen túsimde kórdim keıpińdi,
Tún tolkyp bittim, buzdym da shyryn uıqymdy.
Onsyz da ońbaı júrgen jan dúnıem edi ǵoı.
Ǵashyqtyq meniń shyǵardy uıqy-tuıqymdy.

* * *

Júregim egiz be eken júregińmen,
Qadirin óziń shyǵar bile bilgen.
Syryma túndegi aı men juldyz uıyp,
Jyryma kókte kúndiz kún egilgen.
Sen meni izdeısiń be saǵynyp shyn,
Sóıleskende baıqadym jabyǵypsyń.
Sońynnan asyl qaıyrmalaryńmen.
Janymdy dál ózimdeı jaqsy uǵypsyń.
Qımaımyn, sagynamyn, egilemin.
Adaldyk, ádilettik - meniń elim.
Kózimdi árbir keshte jatar aldy.
Janyma jar bola gór dep ilemin.

* * *

Mahabbat – uly jalǵanda eń,
Teńeser oǵan káne, kúsh!
Mahabbat – asyl arman men
Órtený, janý, saǵynysh.
Mahabbat – qýǵa jat meken,
Qudiret onyń aty da.
Mahabbat - ǵajap aqbóken,
Aıyrylyp qalsań qapyda.

* * *

Súıemin saǵynamyn men ózińdi
Súıgen adam saǵynady tek ózińdi,
Men emespin,men emespin ǵashyq adam
Tek janym ǵoı AIDA dep saryldaǵan.
Ómirde kóp emes aý ǵashyq adam,
Qandaı shara,ne isteımin,ne isteı alam?!
Men ózińdi saǵyndym,saǵyna alam.
Tek shyn ǵashyq adam,
Shyn júrekten bir adamdy saǵyna alǵan!
Saǵynamyn, bara almaımyn janyńa,
Ashynamyn sorly mynaý basyma.
Saǵyndym, ózińdi saǵyndym,
Saǵynyshtan saǵymyńa tańyldym
Kórgen saıyn kóleńkeńdi
Janymda bol dep jalyndym

* * *

Túsinbedim ómirdiń tylsym syryn,
Kimge baryp, kimge aıtam kóńil muńyn.
Juldyzdardyń tamashalap appaq nuryn,
Aıdyndaǵy aqqýdaıyn jalǵyz júrmin,
Aı júzinen jyr túzilip, samal esse,
Tańǵy shyqtaı aq tamshydan monshaq terem,
Nege sonsha egilip jylaı berem,
Baǵym, sorym – qaısysyn saǵym der em.
Shyn ǵashyqtar saǵynýdan sharshamaıdy,
Shyn asyqtar máńgi birge bola almaıdy –
Munyń bári júregimdi jaralaıdy,
Biraq ta men sensiz ómir súre almaımyn.
Sensiz janym solǵan gúlmin tasty jarǵan,
Sondyqtan da seniń baǵyń – maǵan arman.
Bir sen úshin qular edim bıik jardan,
Biraq birge, óıtkeni ómir qalar jalǵan.

* * *

Ózińsiń
Nurymen arbaıtyn,
Tek meniń kúnimsiń.
Qasymnan qalmaıtyn,
Kóleńkem ózińsiń.

Gúlimen jaýlaıtyn,
Kóktemgi ánimsiń.
Kóńilde qaýlaıtyn
Mahabbat baǵymsyń.

Janyma nár bergen
Tek seniń azyǵyń.
Júrekti órtengen
Ótemes jazyǵyń.

Sen meniń baqytym,
Sen meniń jyrymsyń,
Máńgilik jaqutym –
Syı tolǵan syrymsyń.

Armanym kóktegi,
Janymnyń kóktemi –
Ózińsiń, ózińsiń
Syńarym tek meniń.

* * *

Saǵyný
Kúnim-aý, jaryǵysyń júregimniń,
Kúńirensem janyńmen jylaı bildiń.
Kún saıyn Jaratqanǵa jalbarynam,
Sheshilse dep suraqtary bul ómirdiń.
Sen jaıly tús kórem de, jylap turam,
Bar qaıǵym – júregińde jyraqtaǵan.
Saz-saǵynysh ózegimdi quryptady-aý,
Qaıtsem eken kúdigimidi shyraqtanǵan.
Senen máńgi kóz jazyp qalǵanymda,
Sóner edi bári de, armanym da.
Men qorqamyn az ǵana alshaq ketseń,
Bóten jannyń túsem be dep qarmaǵyna.
Óz túsime ózim jalǵap úmitimdi,
Seni oılaýmen ótkizem kún-túnimdi.
Búgin taǵy armandadym atar tańdy,
Bir sátke ysyryp bar kúdigimdi.

* * *

Aınasyz álem, jumyr Jer
Aınalmas Kúndi bekerge,
Aımalap Aı da serigin,
Aıaldap qalmas bir dem de.
Aspandaǵy juldyzdar
Atar ma kúndiz keýdemde?
Allaǵa madaq! Saýal bar:
Armanym ańyz, jetem be?
Aıalap ótem án-jyrdy,
Aıyrbas etpen bótenge,
Súıem dep soqqan ózińdi
Júrekke ámir etem be?

* * *

Tań atqanda júgiretin, kúshigimen kórshi qyz,
Atyn tanyp bilmeýshi edim, biraq, bizder kórshimiz!
Terezeden syǵalaǵan - meni baıqap qoıatyn,
Sezimimdi sezbeýshi ediń,
Átteń, átteń, kórshi qyz!
Sýrettedim, uıyqtap jatyp túsimde,
Sýret pa ediń, ǵajap pa álde, músin be?
Terezeden syǵalaǵan – maǵan qarap jymıdyń,
Bul ne pále? Joq, sıqyrly kúshiń be?
Kóńilimde kóktem ornap ketetin de turatyn,
Seni kórip, arnasynan tasyp jatty qýatym.
Ózgerisin sezesiń be, kórshi qyz-aý, sezimniń
Qylqalamyn qolyna ap, jıi shabyt tunatyn?
Til qatamyn saǵan qarap, biraq, áınek artynda.
Sulýlyǵyń saqtala ma ómir boıy qalpynda?
Senimenen shektep qoıǵan ylǵı shyny bolatyn,
Sen dep júrmin meniń jubym, meniń jubym, jartym da.
Júgiresiń, kúshigińdi oınaqtatyp janyńda,
Bop turasyń aınalardaı gúl beıneńmen saǵymǵa.
Seni kórip, syrǵa batyp, túıinimdi túsindim,
Shekteýdiń joq ekendigin sezim deıtin aǵynǵa.
Shyny artynda áli júrmin til qatýǵa bata almaı,
Terezede áli turmyn, ilmekti ustap asha almaı.
Seni kórip, kútip alyp, sezsem be dep qolyńdy
Esikti asham, irkilemin, tysqa qadam basa almaı.
Sol bir túni men ózimde batyldyqty ashqanmyn
Al, tańerteń júgiretin – seni kútip tosqanmyn
Burylystan seni kórip qýanǵan em, Qap! Átteń!
Kúshigiń joq, Qolyn ustap kele jattyń basqanyń.
Ǵashyq bolǵan júregime joq eshqashan keshirim,
Tımegeni durys boldy meniń saǵan kesirim.
Saǵan qarap syǵalaıtyn áınektegi jaqtaýda
Qalyp qoıdy sýretiń men «Kórshi qyz» dep esimiń.

* * *

---