InfoHub Logo

Elimizde 1200 pedagog asıstent bilim sapasyn arttyrýǵa úles qosyp júr. Bul jańashyldyq týraly QR Bilim jáne ǵylym mınıstri Ashat Aımaǵambetov Facebook paraqshasynda jazdy.

Jazbada mınıstr pedagogterdi jumysqa qabyldaý dırektorlardyń jeke dara qalaýy boıynsha iske aspaıtynyn eske saldy.

«Endi naqty krıterııler belgilenip, muǵalimder jumysqa qyzmetiniń nátıjesi men jetistikteri negizinde konkýrs arqyly ornalasady. Bıyl bul rásim sıfrlyq formatqa kóshiriledi», - deıdi vedomstvo basshysy.

Onyń aıtýynsha, 2021 jyly pedagogterden basy artyq esepter suratyp, muǵalimdi kásibı mindetine kirmeıtin jumystarǵa tartqan júzdegen basshy men laýazymdy tulǵa jazalanǵan.

«Ótken jyly alǵash ret erekshe qajettilikteri bar balalarmen jumys isteıtin pedagog-assıstent qyzmeti engizildi. Búginde elimizdegi mektepterde osyndaı 1200 muǵalim jumys isteıdi. Bul – ınklúzıvti bilim berýdi damytý boıynsha mańyzdy shara. Sondaı-aq 2021 jyly respýblıka boıynsha 50-ge jýyq ınklúzıany qoldaý kabınetteri ashyldy, psıhologıalyq-medısınalyq-pedagogıkalyq kabınetter sany 12 birlikke ósti, psıhologıalyq-pedagogıkalyq túzetý kabınetteriniń sany 13-ge ósti. Aýtızm ortalyqtary nomenklatýraǵa engizildi», - dep jazdy Ashat Aımaǵambetov.

---