Qarasazdyń sý iship bulaǵynan,
Júretuǵyn qulpyryp qula qunan.
Qylyǵy da, jup-jumyr músini de,
Aýmaıtuǵyn kıiktiń laǵynan
Qımyldasa shı basy, sekem alyp,
Quıyn bolyp dalada ketedi aǵyp.
Úıirinen úzilip, jeke qalyp,
Jarysatyn jelmenen jeke baryp,
Jelige de baılanbaı qulynynda,
Jel oınatyp júretin tulymynda.
Taı boldy, qunan boldy, áli biraq
Kórgen joq jylqyshynyń quryǵyn da.
Jylqyshy qart erekshe ardaqtaǵan.
(Biledi ǵoı, qazaq qoı mal baptaǵan)
Ózi kelip, úıretip,miner degen,
Aman kelse maıdannan soldat balam.
.Dónen boldy, qaldy artta balalyq shań,
Qart mine dónenine buǵalyq cap,
Balasynan habar joq, qart tur endi,
Básireni maıdanǵa shyǵaryp cap.
«Júrgen jeriń ot bolsyn, hosh, janýar!
Báleketi joq bolsyn, hosh, janýar!»...
Básiresin, balasyn bizdiń qarttar,
Báıgesine maıdannyń qosqany bar.

---