InfoHub Logo

Kitaphana – baspa týyndylary men basqa da aqparat kózderin qoǵamdyq paıdalaný jolyn uıymdastyratyn mádenı-aǵartý aqparat mekemesi. Mektep kitaphanalary – mektep oqýshylary men muǵalimderine kitaphanalyq qyzmet kórsetýdi uıymdastyratyn oryn.

Kitaphanashy – kóp salaly eńbek adamy. Kitaphanashynyń jumys jospary adamdarmen qarym- qatynas túri bolyp tabylady. Kitaphanashylar árbir oqýshynyń talabyn eskerip, jan-jaqty damýyn uıymdastyrýshy birden-bir  tulǵa. Kitaphanashy oqyrmannyń tek kitapty alýyna kómektesip qana qoımaı, sol kitapty nasıhattaý jumysyn da qosa mindetine alady.

Kitaphana oqyrmany –ol belgilengen qujattardy  resmı tirkeý negizinde kitaphanany  paıdalanatyn adam. Kitaphananyń negizgi jumysy oqyrmandarmen baılanysty. Sondyqtan oqyrmandarǵa qyzmet kórsetýdi uıymdastyrý degenimizdiń ózi –kitaphananyń kitap qorynyń durys ornalasýy, katalog, kartotekanyń alfavıtti durys ornalasýy. Kitap kórmeleriniń durys ornalasýy. Mekteptegi kitaphanashy maman jumystyń kúrdeligine qaramastan biliktilik deńgeıimen qosa, tájirıbesin de damytyp otyrýy qajet. Kitaphanalyq qyzmet kórsetý kópshilik kitaphanalarǵa qaraǵanda, mektep kitaphanalarynda jalǵyz kitaphanashy mamannyń qolynda. Ol mektepte kitaphanashy mamandyǵymen qosa, psıholog, oqytýshy, tárbıeshi, marketolog, menejment, baǵdarlamashy syndy túrli mamandyq ıeleri jumystaryn qosa atqara bilýi qajet. Sonymen qatar, jańartylǵan bilim berý júıesi boıynsha da baǵdarlama negizin muǵalimdermen birdeı bile otyryp, oqýshylardyń qabilet-darynyn odan ári jetildirýge úles qosa bilýi qajet. Fýnsıonaldyq oqý saýattylyǵy boıynsha kitaphanashy maman retinde óz qyzmetinde kúndelikti tájirıbege eńgizip, osy negizde jumasyna bir ret oqýshylardy qosymsha aqparatpen qamtyp, mektep baǵdarlamasyna jańadan qosylǵan «oqý saýattylyǵy», «matematıkalyq saýattylyq» syndy pánderge ádistemelik kómek bere bilýi de qajet. Mektep kitaphanashysy tek kórkem ádebıetti ǵana nasıhattap, sol boıynsha shara ótkizip qoımaı, negizgi qor boıynsha tolyq jumys jasaýy qajet. Ol eń birinshi oqýshylardyń beıindiligin anyqtaı otyryp (mys, bıologıa, fızıka, hımıa),  sol boıynsha jumys tájirıbesin jetildire damytýy tıis. Kitap pen kitaphananyń tirshiligine jan berip, ulttyq qundylyqtar men oqyrmandar arasyn jalǵastyrýshy – ol árıne kitaphanashylar. Kitaphanashy degen sóz bizge qarapaıym bolyp estilgenimen, ol mamandyqtyń qyry men syryn, qyzyǵy men qıynshylyǵyn bir aýyzben aıtyp jetkizý múmkin emes. Qasıetti qazynamyzdy kózdiń qarashyǵyndaı saqtap, nasıhattap, el ıgiligine jaratyp júrgen  kitaphanashylar – eń qajetti, abyroıly mamandyq ıeleriniń biri. Oıy zerek, qıaly ushqyr, óziniń kásibı sheberligin shyńdaǵan, oqyrmandarǵa bilim men qajetti aqparattyń  tıimdisin berip otyrǵan, oı-órisi keń, jan-jaqty bilimdi, parasatty kitaphanashylardyń orny da ózinshe bir bólek. Búgingi kúni  kásibı sheberlik, kez-kelgen mamannyń qoǵamdaǵy suranysy men ornyn anyqtaıtyn basty ustanym. Ár maman ıesiniń qyzmet kórsetý deńgeıi eń áýeli qyzmetkerlerdiń kásiptik deńgeıimen anyqtalady.

«HHİ ǵasyr – mádenıettiń, ǵylym men bilimniń ǵasyry. Bar bilimniń qaınar kózi – kitaphana»,-dep Tuńǵysh Prezıdentimiz N.Á.Nazarbaev aıtqandaı oqýǵa umtylǵan árbir jas urpaqtyń sanasyn, dúnıetanymyn keńeıtip, jan-jaqty bilim alýyna  kómektesetin birden-bir oqý ortalyǵynyń kıeli ordasy – kitaphana. Al, kitaphanashy oqyrman men kitap arasyn baılanystyrýshy kópir.

---