InfoHub Logo

QR Bilim jáne ǵylym mınıstrligi oqýshylardyń júktemesin azaıtý boıynsha jumys júrgizýdi bastady.

«Biz qazir oqýshyǵa artylatyn tutas júktemeni azaıtý boıynsha jumys istep jatyrmyz. Sanıtarlyq talaptarǵa oqý baǵdarlamasyn 5 kúnge syıǵyzýǵa múmkindik beretin normalar engizildi. QR BǴM buıryǵynda  bul normalar barlyq bilim berý toptary úshin naqty kórsetilgen. Úıge beriletin oqý júktemesi 150 mınýttan aspaýy tıis, bul da bizdiń buıryqta kórsetilgen», - dedi vıse mınıstr Bıbigúl Asylova Úkimet úıinde ótken baspasóz máslıhatynda.

Sondaı-aq, ol mınıstrliktiń oqýshyǵa artylatyn júktemeni azaıtý boıynsha júıeli jumys júrgizilip jatqanyn atap ótti. 

«Ótken jyly QR BǴM «Úı tapsyrmasyn retteý týraly» buıryǵy qabyldandy. Búginde balalarǵa beriletin úı tapsyrmasynyń úshten biri qysqartyldy. 1 qyrkúıekten bastap, bul qujat normatıvti deńgeıde kúshine endi», - dedi B.Asylova.

Onyń aıtýynsha, bul másele pedagogtar qaýymynda keń talqylanady, al aqparat óńirlik deńgeıdegi bilim berý qyzmetkerlerine jetkizilgen.

QazAqparat

---