BǴM mektepterdi balanyń sanyna qaraı qarjylandyrýǵa kiristi
Ázirshe atalǵan júıe úsh qalanyń mektepterinde pılottyq joba retinde iske asatyn bolady.
«Byltyr biz «Bilim berý týraly» zańǵa ózgeristerdi engizdik. Sonyń aıasynda memlekettik tapsyrys jeke jekemenshik mektepterge de berile bastady. Máselen, osy jyldan bastap Aqtóbe qalasyndaǵy jeke menshik mektepte pılottyq joba qolǵa alyndy. Shymkentte qyrkúıek aıynda bastalady. Aǵymdaǵy jyldyń 1 qyrkúıeginen bastap Astana qalasynda da jeke menshik mektepterdi oqýshylardyń sanyna qaraı qarjylandyrýdyń pılottyq jobasy qolǵa alynady. Shamamen, 3 720 oryn bolady», - dedi QR Bilim jáne ǵylym vıse-mınıstri Bıbigúl Asylova búgin Úkimet úıinde ótken baspasóz máslıhatynda.
Onyń aıtýynsha, Astana men Shymkenttiń tájirıbesi negizinde oqýshylardyń sanyna qaraı qarjylandyrý júıesi basqa aımaqtarǵa da taralatyn bolady. Budan bólek, mektepter qurylysyna ınvestorlardy tartý maqsatynda osy sanattaǵy qurylys nysandardyń normalaryn jetildirip, biliktilik talaptaryn jeńildetý josparlanǵan.
«Al bilim berý salasyn lıberalızasıalaý aıasynda mektepterdi uıymdastyrý formasyn ózgertý kózdelip otyr. Ondaı nysandar sharýashylyq maqsattaǵy memlekettik kásiporyndar bolady. Osyǵan oraı, biz tıisti zańnyń jobasyn ázirledik», - dep atap kórsetti B.Asylova.
QazAqparat
You Might Also Like
-
Búginde Aýstralıada shamamen 25 myń shetel stýdenti týrısik jáne jumys isteý vızalarymen aǵylshyn tiliniń qysqa merzimdi kýrstarynan, sondaı-aq týrısik baǵdarlama boıynsha taǵylymdamalardan ótken.
-
QR Bilim jáne ǵylym mınıstrligi oqýshylardyń júktemesin azaıtý boıynsha jumys júrgizýdi bastady.
