Mektepte jas muǵalimderdi qoldaýdyń jańa formaty engizilmek
Mektep pen kolejderde dırektorlardyń tapshylyǵy baıqalyp otyr. Bul týraly pedagogterdiń respýblıkalyq tamyz konferensıasynda Oqý-aǵartý mınıstri Ashat Aımaǵambetov aıtty.
«Aldaǵy ýaqytta mamandyǵy boıynsha jumys bastaıtyndarǵa arnalǵan jańa joba iske qosylady. Iaǵnı, mektepke jańadan kelgen áriptesterimiz úshin jyl boıy mamandyqty meńgerý baǵytynda jeke baǵdarlama bolady. Olardyń árqaısysyna jetekshisi bekitiledi. Osy oraıda oqý jyly barysynda jas mamanǵa qoldaý kórsetiledi. Jyl qorytyndysy boıynsha ary qaraı júrgiziletin jumys jaıynda sheshim qabyldaımyz. Iaǵnı, jas maman júkteletin qyzmetti tolyqtaı oryndaýy úshin tıisti kómek kórsetiledi», — dedi A. Aımaǵambetov.
Onyń aıtýynsha, osy baǵytta shetel tájirıbesi nazarǵa alynatyn bolady.
«Shetelde jas maman kelse, oǵan sabaqtar boıynsha tolyq júkteme berilmeıdi. Onyń biliktiligin arttyrýǵa kóbirek mán beriledi jáne jas maman oqý ornyndaǵy áriptesteriniń sabaǵyna qatysady. Degenmen, osy jas muǵalimge tolyq jalaqy tólenedi. Aldaǵy jyldan bastap osy tektes júıeni elimizde engizbekpiz», — dedi vedomstvo basshysy.
Budan buryn habarlanǵandaı, Qazaqstanda oqý úlgerimi tómen oqýshylar úshin arnaıy joba iske qosylady.
You Might Also Like
-
Bıylǵy oqý jylynda Almatyda birinshi synypqa 32 myńǵa jýyq bala bardy. Qala mektepterinde barlyǵy 317 myń oqýshy bilim alatyn bolady. Bıyl bastaýysh synyp oqýshylary tegin ystyq tamaqpen qamtamasyz eti...
