InfoHub Logo

Ulan Qundyz

Qazirgi bilim berýdiń mańyzdy mindetteri júıeli bilimdi, oqý daǵdylary men iskerlikterin qalyptastyrý ǵana emes, sonymen qatar oqý tanymdyq is-árekette ózin-ózi basqarý daǵdylary men kommýnıkatıvti daǵdylaryn damytý bolyp tabylady.

Sońǵy jyldardaǵy Qazaqstandaǵa bilim berý júıesiniń ózgerýi mektep jumysynyń barlyq jaqtaryna áser etti.

Engizilip jatqan jeke tulǵaǵa baǵyttalǵan, ındıvıdýaldylyq bilim berý tásilderi men oqytýdaǵy bilim berý úrdisine oqytýdyń jańa ádisterin, bilim berý qyzmetin júzege asyrýdyń balama nysandary men tásilderin qoldanýdy, bilim berý mekemeleriniń bilim berý konteksine bilim alýshylardyń zertteý jáne jobalaý qyzmeti negizinde ádister men tehnologıalardy engizýdi talap ettip otyr.

Osy atalǵan talaptarǵa sáıkes keletin ınovasıalyq pedagogıkalyq tehnologıalardyń biri - álemdik tájirıbede júzege asyrylyp jatqan
jobalyq oqytý nemese oqý jobalaryn qoldana otyryp oqytý.

Ár túrli ınovasıalyq tehnologıalar arasynda jobalyq oqytýdyń birqatar artyqshylyqtary bar, óıtkeni ol oqýshyǵa kóptegen aqparat kózderimen, qurylǵylarmen jáne zerthanalyq jabdyqtarmen jumys jasaı otyryp, óz betinshe (muǵalimniń konsýltasıalyq qoldaýymen) bilim alýǵa, sonymen birge qurdastarymen qarym-qatynasta iskerlik pen daǵdylaryn damytýǵa múmkindik beredi. Sonymen qatar, bul "bilim berý standartymen anyqtalǵan oqytý mazmunyna áser etpesten, oqý prosesine ońaı endiriledi..."

Jobalyq oqytý degenimiz - dástúrli oqytý mazmunnan aıryqsha túrimen, ıaǵnı jobalyq mazmunymen, oqýshylardyń belsendiliginiń aıryqsha túrimen, ıaǵnı jobalyq is-áreketten, oqytýdyń aıryqsha nátıjesimen - jobalyq qabiletterdi qalyptastyrýmen erekshelenetin tutas pedagogıkalyq júıe.

Mekteptegi bilim berýdi modernızasıalaý, onyń oqýshynyń jeke basyn damytýǵa baǵyttalýyn júzege asyrý jáne osy prosesterge yqpal etetin hımıany jobalyq oqytýdyń teorıalyq jáne praktıkalyq damymaýy bizdiń zertteý taqyrybymyzdyń ózektiligin anyqtaıdy.

Bizdiń zertteý jumysymyzdyń maqsaty: jalpy bilim beretin mekteptiń orta synyptaryndaǵy hımıa sabaqtarynda jobalyq qyzmetti
júzege asyrý arqyly oqý prosesindegi tıimdilikter men problemalardy (qıyndyqtardy) anyqtaý.

Osy maqsatqa jetý úshin jáne gıpotezaǵa sáıkes zertteýdiń kelesi mindetteri anyqtaldy:

1. Jobalyq oqytýdyń psıhologıalyq-pedagogıkalyq negizderin anyqtaý, onyń qalyptasýy men damý tarıhyn zertteý úshin psıhologıalyq-
pedagogıkalyq jáne ádistemelik ádebıetterdi taldaý.

2. Mekteptegi hımıalyq bilim berý praktıkasyndaǵy jobalyq oqytýdyń jaı-kúıin zertteý.

3. 8 synyptarda hımıany jobalyq oqytý ádistemesiniń modelin jasaý.

4. Hımıany jobalyq oqytýdyń ázirlengen modelin jalpy bilim beretin mekteptiń orta synyptaryndaǵy hımıa sabaqtaryn júrgizýde qoldaný;

5. Onyń tıimdiligin tekserý.

Gıpoteza: Eger jobalyq oqytý tehnologıasyn hımıa sabaǵynda tıimdi paıdalansa, oqýshylardyń pánge degen qyzyǵýshylyǵy, zertteýshilik iskerligi men bilimi artady.

Zertteý bazasy: Shyǵys Qazaqstan oblysy bilim basqarmasy Óskemen qalasy boıynsha bilim bóliminiń «Shoqan Ýalıhanov atyndaǵy No3 orta mekte-lıseıi» KMM.

Zertteý merzimi: 2021-2022 oqý jyly.

Zertteý nysany: jalpy bilim beretin mekteptegi jobalaý qyzmeti.

Qoıylǵan mindetterdi sheshý jáne gıpotezany tekserý úshin kelesi zertteý ádisteri qoldanyldy:

1. Zertteý taqyryby boıynsha psıhologıalyq-pedagogıkalyq jáne hımıalyq ǵylymı-teorıalyq ádebıetterdi zertteý jáne taldaý;
2. Hımıa páni muǵalimderimen áńgimelesý;
3. Oqýshylardyń hımıa pánine degen qyzyǵýshylyqtaryn tájirıbe aldynda jáne tájirıbe sońynda anyqtaý.
4. Hımıa pánin oqytý úderisinde oqýshylardyń qyzmetin baqylaý;
5. Oqýshylar arasynda saýalnama júrgizý;
6. Oqý sabaqtary júıesinde jobalyq tapsyrmanyń tájirıbelik-eksperımenttik oryndalýyn taldaý.

Eksperımenttik zertteýdiń ádebıettik sholýdan keıingi kezeńiniń maqsaty mektep muǵalimderiniń hımıa sabaqtarynda jobalyq oqytýdy qanshalyqty qoldanatynyn, muǵalimderdiń jobalyq oqytýǵa kózqarastary qandaı ekenin jáne ony júzege asyrý formalary týraly aqparat alý boldy. Muǵalimder jobalyq qyzmetti sabaqtarda qoldana ma, joq pa ekenin anyqtaý úshin jáne olar negizinen qandaı is-áreketterdi qoldanatynyn anyqtaý úshin biz «Hımıa sabaqtarynda oqýshylardyń qandaı is-áreketterin uıymdastyrasyz?» degen suraq qoıdyq. Hımıa muǵalimderiniń bul suraqqa jaýaptarynyń nátıjeleri. Bul saýalnamaǵa №3, №15 qala mektepteriniń muǵalimderi qatysty.

Sonymen qatar, Shyǵys Qazaqstan oblysy bilim basqarmasy Óskemen qalasy boıynsha bilim bóliminiń «Shoqan Ýalıhanov atyndaǵy No3 orta mekte- lıseıi» KMM hımıa páni muǵalimimen jeke áńgimelesý jumysyn júrgizdik.

---