InfoHub Logo

Otyz jyl boıy oraza ustaǵan bir adam qudyq basyna kelip, sý alý úshin kezekke turady. Ol kisi kezek qansha úlken bolsa da, talasyp-tarmaspaı sabyr saqtap turǵanda, kezektiń sońǵy jaǵynan bireý aıqaıǵa basyp:

— Men búgin orazamyn! Kezek berińder! Qarnym ashty, shóldedim, — dep shý shyǵarady.

Álgi aıqaıshy ár adamǵa sony aıtyp, birtindep alǵa jaqyndaı beredi. Otyz jyl boıy oraza ustaǵan kisi basynda mán bermeı turǵanmen, bir kezde shydamy taýsylyp:

— Áı, baýyrym, eger oraza tutqanǵa jol berý kerek bolsa, onda kezekti otyz jyl boıy oraza tutqan men birinshi alýym kerek emes pe? Sen nege bir kún tuttym dep, eldi qyryp kete jazdap tursyń?! — dep ashýlanypty. Sonda álgi kisi qarqyldap kúlip jiberip:

— Men shaıtanmyn. Saǵan otyz jyl boıy sózim ótpep edi. Endi mine, orazańdy mindet qylyp, bar saýabyńnan aıyryldyń. Maǵan da keregi osy edi, — dep kózden ǵaıyp bolypty.

---