InfoHub Logo

Men jáne meniń álemim
Maqsaty: Balalardyń ózine degen qurmetin qalyptastyrý. Óz álemin meıirimdilik álemimen baılanystyrý. Balalar boıyna izgilik sezimder men adamgershilik minez - qulyqtaryn qalyptastyrý. Jaqsylyq jasaýǵa, ózin qurmetteı bilýge tárbıeleý.
Mindeti: Salaýattaný jáne ózin oqýshynyń jan dúnıesine boılaı enip, ony tazalyq pen adamı jaqsy qasıetterge baýlı bilý
Aldyn ala jasalatyn jumystar: «Bolaıyqshy osyndaı!» ániniń sózin qaıtalaý
Ádis - tásilder: túsindirý, áńgimelesý, oıyn, ǵajaıyp sózder, ertegi qoıylymyn sahnalaý
Kórnekilikter: túrli - tústi júreksheler, kún sýreti, sharlar
Shattyq sheńberi:
Kel, balalar, kúleıik,
Kúlkimenen túleıik!
Kúlki kóńil ashady,
Kúlip ómir súreıik!
-«Qaıyrly kún, balalar! Men sendermen kezdeskenime qýanyshtymyn. Qanekı bárimiz shattyq sheńberimizge jınalyp, bir - birimizge qýanysh syılap kóreıikshi. Ol úshin bir - birimizge qarama qarsy turaıyq! Shyn júrekten bir - birimizge kúlki syılaıyq».

İzdený - uıymdastyrýshylyq
Áńgimelesý.
- Balalar, «Ózin - ózi taný áleminiń» «Adam» aıaldamasyna keldik. Bul aıaldamadan biz qandaı balamyz? degen suraqqa jaýap taýyp, jaqsy bala bolý úshin ne isteý kerektigin úırenetin bolasyńdar. Qane, osy aıaldamadaǵy sýretterge qarap, jaǵdaıattardy shesheıik. Balalar sýretterdi qarastyryp, jaǵdaıattardy sheshedi, suraqtarǵa jaýap beredi.
Áńgimeleý.
- Balalar, Á. Dúısenbıevtiń «Men osyndaı adammyn» óleńin tyńdaıyq. Balalar óleńdi muqıat tyńdaıdy.
Meni eshkim jalqaý demeıdi,
Jumysym búgin kóbeıdi.
Ákem men anam jumysta
Ájem de ketken týysqa
Jalǵyz qaldym úıde men
Qoryqpaımyn biraq men
Boldym da jınap tósekti
Eńbekke berdim kezekti
Tetigin ashyp sýlardyń
Gúlderdi jaılap sýǵardym
Keltirip úıdiń sánin de
Ydystyń jýdym bárinde

Tamaq ta túste pisip te
Toıdyrdy qarnyn kúshik te
Kiná taǵady maǵan kim?
Men osyndaı adammyn!

Balalar suraqtarǵa jaýap beredi, óz oılarymen bólisedi.
- Shyǵarmadaǵy bala qandaı bala?
- Balanyń qandaı isterinen jaqsy adam ekenin bilemiz?
- Sender úılerińde jaqyndaryna qalaı kómektesesińder?
- Jaqsylyq otbasynan bastalady.
Olaı bolsa «Qolǵanattar» oıynyn oınaıyq!

Róldik oıyn «Qolǵanattar»
Tárbıeshi balalardy úsh topqa bóledi. Ár top óz tapsyrmalaryn oryndaıdy: oıynshyqtardy jınaý, dastarhan ázirleý, jemis - jıdekterdi jýyp tabaqqa salý
Balalar úsh topqa bólinip, tapsyrmalardy oryndaıdy.
- Sender naǵyz qolǵanat ekensińder! Rahmet.

«Dáıeksóz»
Tárbıeshi balalarǵa «Jaqsy bala qýanysh» degen naqyl sózdi búgingi sabaqtyń dáıeksózi retinde túsindiredi. Jaqsy bala jaqsy isterimen ata - anasyn, týǵan týystaryn, jaqyndaryn, dostaryn qýantady.

Kollaj - joba.
Balalar, senderdiń árqaısyń jaqsy adam ekenderine senimdimin. Jaqynyraq kelip, ústeldiń ústinen jaqsy balanyń isteri beınelengen sýretti tańdap alyńdar. Sodan keıin sol sýretti kún shýaqtaryna jabystyryp, nege sol sýrettegi balalardy jaqsy dep oılaıtyndaryńdy aıtyńdar.

Oıyn – jattyǵý.
«Men – jaqsy balamyn!»
Balalar, biz bir qyzyqty oıyn oınaıyq. Oıyn «Men – jaqsy balamyn!» dep atalady. Ol úshin barlyǵymyz jaıǵasyp, aqyryn: «Men – jaqsymyn!» dep aıtaıyq. Endi biraz kóterilip, qattyraq: «Men - eń jaqsymyn!»- dep aıtaıyq. Tik turyp, eńsemizdi kóterip, qatty: « Men - jaqsy balamyn!» - dep aıtaıyq. Tamasha! Endi keri aıtyp kóreıik.

Tynyshtyq sáti.
Úntaspadan jaǵymdy áýen estilip turady.
- Balalar, denelerińdi túzý ustap, bastaryńdy joǵary kóterip, yńǵaılanyp otyryńdar. Aýany tereń jutyp, erkin tynys alyńdar. Ózderińniń tynys alýlaryńdy baqylap, baqytqa, mahabbat pen tynyshtyqqa toly taza, shıpaly aýanyń tula boılaryńa tolǵanyn sezinińder. Al endi kózderińdi ashsańdar da bolady.

Sergitý sáti.
Mynaý - meniń júregim,
Bári osydan bastalǵan.
Mynaý - basym aqyldy
Bárin osy basqarǵan.
Mynaý - meniń oń qolym
Mynaý - meniń sol qolym
Barlyq isti atqarǵan.

Shyǵarmashylyq jumys
Balalarǵa qoldan júreksheler jasaýdy usynady.

Ǵajaıyp sózder.
«Jaqsy bala - qýanysh»,
«Jaqsy adam adal bolady», « Men jaqsy balamyn», «Jaqsylyq otbasynan bastalady"

Refleksıvti - túzeýshi
Qorytyndylaý.
«Jaqsy bala» degen atyńa laıyq bolý úshin biz ádepti, qamqor, adal, shynshyl, kómek kórsetýge daıyn bolýymyz kerek. Sender jaqsy qasıetterińmen syıly, súıkimdi bolasyńdar.
- Jaqsy bala bolý úshin qandaı qasıetter qajet eken?
Men jáne meniń álemim júkteý