InfoHub Logo

«Búgingi kún bolashaqtyń sulbasy» Ýılám Gıbson .Bolashaǵyn oılamaıtyn adam joq. Eshkim erteńgi kúni qalaı bolatynyn bilmeıdi. Ótkenimizge qarap bolashaǵymyz tanylady. Al, bolashaq búginnen bastalady. Erteńimiz jarqyn bolsyn desek, búginimizdi bos júrispen ótkizbeýimiz qajet. Sebebi, búgingi kún — erteńniń kóleńkesi sekildi. Keleshegimiz kemeldi bolǵanyn qalasaq, búgin áreket jasaıyq. Bastysy-erteńge degen senimimiz joǵalmasyn.  

  Mine, búginde bolashaqqa degen bir satyny adymdadym.  Onyń bir dáleli qazirgi tańda Halel Dosmuhamedov atyndaǵy ýnıversıtette bilim alyp jatyrmyn.  H.Dosmuhamedov atyndaǵy memlekettik ýnıversıtette oqý men úshin zor maqtanysh. Óıtkeni, bireýdin qoly jetse, keıbiriniń kóz aldynda bulbuldaı ushqan mereıli mekenim Atyraýdaǵa bedeldi oqý orny.

Halel Dosmuhamedov atyndaǵy Atyraý memlekettik ýnıversıteti – Qazaqstan Respýblıkasynyń bilim berý júıesinde ózindik tarıhy men tájirıbesi bar halyqaralyq deńgeıdegi básekege qabiletti mamandar daıarlaıtyn joǵary oqý oryndarynyń biri.

  Negizinde bul ,ǵalym týraly toqtalsam- Halel Dosmuhamedov (24.04.1883-1939) — Alash qozǵalysynyń qaıratkeri, dáriger, ustaz, ǵalym. Mamandyǵy dáriger bola tursa da, qoǵam ómiriniń san salaly máselelerine aralasqan kóp qyrly daryn: saıası jáne qoǵam qaıratkeri, tarıhshy, tabıǵattanýshy, tiltanýshy, ádebıetshi, aýyz ádebıetiniń sırek úlgilerin jınap, nasıhattaýshy, sheber aýdarmashy. Bul kisi týraly qansha madaqtap maqtaý aıtý artyq etpeıdi.  Ásirese, qıyn qystaýymen ótken sýtdenttik shaǵyn aıtpaı ketý úlken ábestik boldy. Mańdaıynan ter tógilgenshe eli men jeri úshin shyryldaǵan Haleldi kez-kelgen stýdent bilip, ony úlgi tutýy tıis. «Mende eliminiń órkendeýine kómek qolymdy sozamyn» degen uranmen alǵa qaraı jyljyı berýi qajet. Muny tek stýdent Haleldiń sol kezdegi ómirimen tanysqan adam ǵana uǵynyp, túsine alady.

Jýbangalıeva Gúlden ustazdyń bastaýmen Ýnıversıtetimizde Haleltaný atty sabaqta ótedi. Bunda H.Dosmuhametovtyń ómiri men tynys tirshiligi, ár salaǵa qosqan úlesimen eren eńbegimen shyǵarmashylyǵymen stýdenttik ómirimen tanysamyz. Sonymen qatar bilim alyp jatyrǵan qara shańyǵyraǵymyzdyń tarıhynan tereń sýsyndap bilip jatyrmyz.
Osynyń ózi Ýnıversıtetke degen súıispennshilik , ıaǵnı oqý ornyna degen qurmettiń belgisi dep bilemin.

   Bul jerde stýdenterge kóp múmkinditer berilgen.

1 kýrsta oqyp júrgende ýnıversıtetimmen tanysý úrdisim ıneniń jasýyndaı sózderden bastalǵan-dy… Asa kóp ýaqyt ótpeı men de oqý ornyma tonnyń ishki baýyndaı bolyp kettim. Jabaıy tulpar úıirin tapqandaı sezimdi serik ete júrgenim de ras.

   Kóp  nárseni kórip bilip, paıymdap parqyna jetip kelemin. 

 Bálkim bireýlerge sózim ýnıversıtetimdi asyra maqtaǵandyq bolar… Báribir, men tek óz oıymdy shamam kelgenshe jetkize alǵanyma shatty bolyp júremin. Bizdiń ýnıversıtetimiz «El bolam deseń besigińdi túze» degen M.Áýezov atamyzdyń ósıetin jerge tastamaı, «Arystandaı aıbatty, jolbarystaı qaıratty, men jastarǵa senemin!», – degen Maǵjan aǵamyzdyń sózin jelge ushyrmaı senimin aqtap júrgen oqý orny ekenine kámil senemin.

Shattyǵyma shań juqtyrmaı, kókiregimdi oıatyp júrgen H.Dosmuhamedov oqytýshylaryna dán rızamyn. Kezindegi stýdent Halel sekildi eren eńbek kórsetpesede, bolmasańda uqspa baq degendeı áıteýir tyrysyp jatady. Osy ýnıversıtette alǵan bilimim keıingi bolashaqtaǵy ornymdy sút betindegi qaımaqtaı iriktep, shyńyraý kókke tartatyny aıtpasa uǵynyqty. Tas shaınap qum túkirer, tepse temir úzer jastar da osy oqý ordasynan… «ózegi órt óleńge toly aqyn» jandar da sezim tamshylaryn bilim báıtereginiń japyraǵynan tamyzýda.

Samǵat Nargız

Atyraý memlekettik ýnıversıteti. Jýrnalısıka 2-kýrs

---