InfoHub Logo

Dúnıedegi mamandyq ataýlynyń tóresi - ustazdyq, demekshi, shákirt boıyna erekshe ynta-jigerdi, shyǵarmashylyq qabiletin shyńdaýǵa daǵdylandyryp kele jatqan ulaǵatty da úlgili ustazym Tólegenova Meıramkúldi mamandyq tańdaýdan qatelespegen dep maqtanyshpen aıta alamyn. Qaı zamanda bolsyn, ustardarǵa qurmet joǵary bolǵan. Búginnen nemese kesheden ǵana uly mamandyq ıelerine qurmet kórsetilip kele jatqan joq, yqylym zamannan beri ustazdyqtyń shoqtyǵy bıik tur. Tólegenova Meıramkúl qazaq tili men ádebıeti pániniń muǵalimi retinde shákirt izdenisin qajet etip, shyǵarmashylyqqa baýlıtyn jan. Óıtkeni, ustazdyń shákirt tárbıeleý isindegi negizgi ustanymynyń biri-shákirttiń qaıtalanbas adamdyq tulǵasy qalyptasýyna yqpal etý bolyp tabylady.

Bıyl mektepte qyzmet jasap, shákirt tárbıelep, olarǵa bar bilgenin úıretip kele jatqanyna - 28 jyl. Qonysbaev aıtqandaı: «Ómirim báıgege uqsaıdy. Topty kórsem typyrshyp otyra almaımyn» demekshi, ustazymyz árkez oqýshylardy barynsha shyǵarmashylyqqa degen qushtarlyqtaryn oıatýdy kózdeıdi. Jáne de ár shákirtimen ón-boıyn erekshe sezim kernep, solardy maqtanysh etedi. Oǵan dálel - oqýshylarynyń jetistikteri. Aıtalyq, I aýdandyq jyrshylar baıqaýyna qatysqan 9 «b» synyp oqýshysy Ońǵarbek Asylbek I-orynmen marapattaldy. Keıinnen oblysqa joldama alyp, oblystan «Qaıratty týǵan er edi..» taqyrybynda 3-shi oryn ıelenip, «Fly» smartfonyn utyp aldy. Aýdandyq Mahambet oqýlarynda 11-synyp oqýshysy Rysjan Gúlsezim «El qutqarar er edim» jatqa oqý konkýrsy boıynsha «Alǵys hatpen», «Tartynbaı sóıler asylmyn» daryndylar konkýrsy boıynsha Jambylova Sanıa 3-orynmen marapattaldy. Al, XV aýdandyq Abaı oqýlarynda «Óleń-sózdiń patashasy, sóz sarasy» baǵamy boıynsha Smaǵulova Gúlnur 3-orynmen, «Uly arman» ánderdi oryndaý konkýrsy boıynsha Asanjanova Uldanaı 3-orynmen, «Tartynbaı sóıler asylmyn» daryndylar konkýrsy boıynsha Mahambetálıeva Zere 3-orynmen marapattaldy. Osy atalǵan oqýshylardyń barlyǵy bunysymen shektelip qoıǵan joq. 11-synyp oqýshysy Muratova Gaýhar «Ustazymmen maqtanamyn» atty joba qorǵap, Respýblıkalyq sertıfıkatpen marapattaldy. Oqý ozaty atanyp júrgen Mahambetálıeva Zere Aral aýdany kóleminde taratylatyn «Úmitti Aral» gazetinde «Ustazy jaqsynyń ustanymy jaqsy» taqyrybynda jazylǵan maqalasyn ózine úlgi kóretin ustazyna arnaǵan. Bul, árıne  shákirtti shyǵarmashylyqqa baýlýdaǵy eńbektiń aqtalǵany dep bilemin.

---