InfoHub Logo

Ustazdyq etý -álemdegi  mamandyqtyń  anasy,

Ustazynan bilim  alyp  adamzattyń  oıanady  sanasy .

Bul mamandyq jemisi mol  báıterektiń  aǵashy,

Sondyqtan da qymbat onyń altynnan da  baǵasy.

Avtor

Qara sózdiń qas sheberi, halqymyzdyń uly aqyny Abaı atamyz:  «Sen de bir kirpish dúnıege, ketigin tap ta bar qalan», - demekshi qaı qoǵam bolmasyn árbir azamat «Ómir» atty dúnıeniń tabaldyryǵyn attaǵannan keıin óz ornyn taýyp, ózi súıgen mamandyq ıesi bolyp, óz bolashaǵynyń kirpishin qalaýǵa tyrysady.

Men óz ómirińniń irgetasyn berik qalaǵan  jáne tańdaǵan súıikti ustazdyq mamandyǵymnan esh ókinbeımin. Bul mamandyq meniń ómirime kún nuryndaı shýaq shashyp, aınalamdaǵy adamdarǵa meıirimdilik pen adaldyq  qasıetterdi  oıata bildi.

Men dene shynyqtyrý pániniń muǵalimi bolýdy ómirlik qatelespes kásibim etip nege tańdadym  jáne osy kásipke meni ıtermelegen qandaı kúsh? degen suraqtarǵa eń birinshiden: "Bala kezimnen sport dese ishken asymdy jerge tógetin" -sportqa degen qulshynysym  teńizdiń jaǵaǵa uryp soqqan tolqyny sekildi asaý bolsa, qushtarlyǵym bala kezimdegi aýyl balalarymen asyr salyp tańnyń atysymen keshtiń batysyna deıingi dop tebýmen óter edi.

Synybymyzda muǵalimimiz bizderden "qaı mamandyq ıesi bolǵylaryń keledi?" -dep suraq qoıǵanda ár  oqýshy ár túrli mamandyqty bir atap jatsa, meniń júregimde bir ǵana mamandyq ıesi bolý armanym edi. Ol-dene shynyqtyrý páni muǵalimi bolatyn.

Meniń dene shynyqtyrý páni muǵalimi bolýdaǵy  maqsatym -  óskeleń jas urpaqqa sorttyq bilim berip, túrli jarystarǵa qatystyryp, qazaqtyń asqaq bedelin kóterip, kók týyn jelbiretý edi.  Shákirtterim jeńiske jetkende qýanyshym qoınyna  sımaǵan júregimniń  tusyna oń qolymdy qoıyp ánurandy tyńdaǵanǵa ne jetsin,shirkin!

Men osy ustazdyq mamandyqty tańdaǵan soń  tek qana óz maqsatymdy kózdep, nan tapsam boldy deıtin oılardan aýlaqpyn, kerisinshe  óz kásibime shyn berilip, qyr-syryn ıgerip, jumysymda  aıanbaı qyzmet etip, oqýshylarǵa sporttyq  bilim berip qarańǵyda qalǵan oı-sanasyna bilimniń shamyn shaǵyp jaryqqa alyp shyǵamyn. Aǵartýshy, aqyn Sultanmahmut Toraıǵyrov aıtqandaı:  "qarańǵy  qazaqtyń kógine órmelep shyǵyp, kún bolýǵa tyrysamyn.

Toqsan aýyz sózimniń tobyqtaı túıinin túıer bolsam: «Shabytyndy sharyqtat, sonda ǵalam sen úshin buryn qamal turǵan jerlerden jol ashady»  dep danalarymyz aıtqandaı  men ózim unatqan mamandyqty  ıesimin. Endi osy mamandyǵymmen baqyttymyn!

 

---