InfoHub Logo

Aqtóbe oblysy Hromtaý aýdany
Abaı negizgi mektebi
8-synyp oqýshysy Shamhan Ersultan

Táýelsizdik qasıetti sóz. Osynaý qasıetti uǵymdy ańsap kútken qazaq balasy eki jarym ǵasyr boıy duǵadaı jattap, urpaqtan-urpaqqa naızanyń ushy, qylyshtyń júzimen,  ata-baba qanymen amanat etti, namys jigerin bolat kezdikteı janyǵan batyr babalarymyzdyń azattyq jolyndaǵy kúresteri – osynyń jemisi.

Táýelsizdik bizge ońaılyqpen kelgen joq. Bugingi urpaq egemendiktiń ǵasyrlar boıǵy kúrestiń, «Elim, jerim» dep qasyq qandaryn qıyp, eli úshin janyn pıda etken aǵa-apalarymyzdyń qanymen kelgendigin este saqtaǵanymyz jón.

«Erlik-urpaqqa uran, elge mura» degen babalar ósıetin boıyna darytqan halqymyz búginde jas urpaqtyń boıyndaǵy patrıotızmdi damytý úshin zor kóńil bólýde. Sonyń biri jalpylaı birdeı mektepterimizde ózin-ózi taný páni engizedi. Bul pánde biz shyǵarmashylyq jumyspen aınalysýǵa múmkindik beredi. Pánniń ereksheligi, biz erkindikti sezine otyryp, jan jaqty bilim alamyz. Elbasynyń bastaýymen uıymdastyrylǵan balalar men jasóspirimderge arnalǵan «Jas Ulan» uıymy-sonyń aıqyn kórinisi. Biz, jastar, «Bir jeńnen qol, bir jeńnen bas shyǵaryp», bir qozǵalysqa birigip, bıik asýlardy baǵyndyrýymyz qajet,  «Jas Ulan»  uıymy osy ıgi isterdiń bastaýy dep oılaımyn. Osy oraıda jas urpaqtyń bolashaǵyna alańdaýly Q.J. Toqaev aǵamyz ben elimizdegi belsendi jastardyń oıy ushtasyp jatqandaı. Sebebi quramyna oqý úlgerimimen, úlgili tártibi men kózge túsken úzdik oqýshylardy qabyldaıtyn uıymnyń maqsaty-elim dep emirengen, batyr da dana, aqyldy da aıbarly , ushqyr da ozyq oıly, sanaly da úmitti urpaq tárbıeleý bolyp otyr. Búgingi kezde rýhanı dúnıesi keń, ultyn súıetin, bilimge degen qushtarlyǵy mol, dástúrimizdi, ulttyq qundylyqtarymyzdy qasterleıtin jas azamat qalyptastyrýda uıymnyń atqarar jumystary kóp ekendigine senimi mol. Qazirgideı jahandaný kezinde ulttyq qundylyqtar álsirep, zamandas ul-qyzdarymyz qazaqy bolmysymyzǵa saı kelmeıtin áreketterge boı uryp jatqan búgingi zamanda qoǵamymyzǵa osyndaı uıymdar qajet-aq. Meniń oıymsha, jas urpaqty ultjandylyq rýhta tárbıeleý úshin ulttyq ıdeologıamyz myqty bolý kerek. Sondyqtan da osyndaı uıym táýelsizdiktiń alǵashqy jyldarynda-aq qurylýy kerek edi degen oı da keledi. Degenmen, eshten kesh jaqsy degendeı,u ıym jas óskinderdiń talaı izgilikti sharasyna arqaý bolyp, tárbıe jumysyna járdemin tıgizip, patrıottyq sezimniń mán-mazmunyn baıyta túsetinine kámil senemin.   1»6 jeltoqsan – Táýelsizdik kúni» qarsańynda  búkil respýblıka boıynsha oqýshylardy «Jas ulan» uıymynyń qataryna saltanatty túrde qabyldaý rásimi ótedi. Osy kúni men de uıym qataryna  kire otyryp, mindetterimdi jaýapkershilikpen atqarýǵa ant beremin, moınyma baıraq tústes kók galstýk pen keýdeme  tósbelgi taǵylǵanda, boıyma jańa bir tyń kúsh qosylǵandaı boldy. Sol sátte keýdemdi kernegen  qýanysh sezimi men jaýapkershiliktik sezimi de qatar kelip, júregim atsha týlaǵany ras...

Kóp bilýge umtylamyz,

Óner, bilim ǵylymǵa.

Keýdemizde ar men namys,

Jeteleıdi bizdi alǵa,- dep uıymnyń ánuranynda aıtylǵandaı, bıik maqsatymyz, ór minezimiz, ushqyr qıalymyz,t ereń bilimimiz, asqaq armanymyz bizdi qashan da alǵa jetelemek!

Iá, men kúni kúlimdegen,tańy jarqyraǵan táýelsizdiktiń jıyrmasynshy jylyn artqa tastaǵan ulan-ǵaıyr keń dalasy, jany jaısan jomart halqy bar Qazaqstan degen úlken ári qýatty eldiń ulanymyn. El táýelsizdiginiń bolashaǵy men taǵdyry jastardyń saıası-azamattyq, rýhanı baǵdar-ustanymyna, patrıotızmine, qandaı azamattyq qundylqtardy qasterlep baǵalaıtyndyǵyna tikeleı baılanysty. Sondyqtan da týǵan jerimizdi, telegeı teńimizdi, ushar taýyn mángi qar basqan záńgir taýdy, kókpenbek orman-toǵaıy, kóz jetkizgisiz dalamyzdy qorǵap, qasterleý egemendi eldiń tól perzentteri, táýelsiz memlekettiń ulandary-bizdiń mindetimiz dep oılaımyn.

Táýelsizdik-Qazaq halqynyń

San ǵasyrlyq armany

Bizdiń týysymyz-Táýelsizdik

Bizdiń tilegimiz-Beıbitshilik.

---