InfoHub Logo

Júrekte turar jalqy úniń,
Janymnan jalyn jiger kút.
Ustazym, seniń ár kúniń,
Ár sátiń turǵan bir erlik!

Farıza Ońǵarsynova

Ulyqbek atyndaǵy jalpy orta bilim beretin mektebindegi eńbekke baýlý pániniń muǵalimi, meniń súıikti ustazym Babahanova Gúlnar Qorǵanbaıqyzyna arnaımyn.

Ustaz-taýdan aqqan ózen sekildi, jer betin nurlandyratyn, shákirtterine shýaq syılaıtyn  Kún-Ana.Men úshin ustaz –ekinshi ata-anam, bolashaqqa aıqyn jol silter aqylshy. Onyń júregi meıirimge toly.Bizdiń aǵattyqtarymyzdy keshire biledi.. Sondyqtan úlgi-ónege bolǵan súıikti muǵalimimdi ustazym dep ataımyn.

Ustazym meniń, ustazym! Ózińmen ótken qys- jazym. Meniń ustazym-Gúlnar apaıymnyń úni áserli, asyqpaı mánerlep sóıleıtin jan. Onyń boıynan bizge degen qamqorlyǵy,analyq sezimniń dana oıdyń ystyq lebi esip turady.Iá, apaıym meniń janymdy túsinedi, renjitpeı, qateligimdi sezdiredi. Bul tek qana  dúnıetanymy tereń jáne keń júrekti adamnyń qolynan keledi.Ol -naǵyz ustaz. Óz kásibin, óz pánin, barlyq shákirtin sheksiz súıedi.

Gúlnar apaı-óte qarapaıym, sypaıy adam. Kıim kıisi, mádenıetti sózi,ádepti júris-turysy, jınaqy is-áreketi bizge ónege.Ol bizge qurmetpen qaraıdy.Alǵash bastaýysh synybynan keıin ortańǵy býynǵa óter sátte  kishkene qorqaqtap, qobaljyǵanym ras. Alaıda synyp jetekshim Gúlnar apaımen alǵash tanysý sátinen bastap, qorqynyshym sý sepkendeı basyldy.Ol óz meıirimdiligimen baýrap aldy .Bizdi zor yqylaspen qarsy aldy.Anam qandaı qadirli bolsa, ustazym da men úshin qymbat janǵa aınaldy.

Áli esimde ustazymdy kórgenim,

Óz anamdaı bolǵan edi ol meniń.

Sodan beri muǵalimimdi qadirlep,

Bilim degen asqar taýǵa órledim.

Myna óleń joldary Gúlnar apaıyma arnalǵandaı.Ustazymnan talaı qyzyqty áńgimeler tyńdap,ómirlik keńester alýdamyn.Birde tárbıe saǵatynda óz oıymdy aıtyp bolǵanym sol edi, ustazym  maǵan burylyp, meni maqtaı bastady. Keýdemde maqtanysh sezimi bılep, synyptastarymnyń aldynda ózimdi tik ustap, ishteı qýandym.

Meniń apaıym eshkimge uqsamaıtyn eńbekqor, bilimdi, meıirimdi jan. Ol kisi ár synyp saǵatyn qyzyqty etip ótkizedi. Mektepte ótetin sharalarǵa bizdi daıyndaıdy.Kórkemsóz ónerine daýys yrǵaǵyn úıretedi.Tipti úzilis kezderinde qyzyqty oıyndar oınatyp, áńgimeler aıtyp,eńbek sabaqtarynda ádemi oıynshyqtar jasaýǵa úıretip qyzyqtyrady.Bárimizdi óz balasyndaı kórip,aqyl aıtyp, kóp nárselerdi úıretip júretin ardaqty jan.Ómirde neǵurlym adaspaı, durys jolmen júrýge úıretedi.Ómir súrýdiń mánin uǵyndyryp, onyń qyr-syryn ashady. Dana Abaıdyń myna sózderi eske oralady: «Bes nárseden qashyq bol, bes nársege asyq bol.Adam bolam deseńiz! Ósek, ótirik,maqtanshaq, erinshek beker mal shashpaq».Bul qasıetterden aýlaq júrý kerek. «Talap, eńbek, tereń oı, qanaǵat, raqym oılap qoı». Bul asyl qasıetterge jaqyn bolý kerek.Iá, netken dana sózder! Apaıymyz: « Dana Abaıdyń sózderin únemi jadylaryńa saqtańdar!»- deıdi.Mine ustazymnyń bergen baǵyty osyndaı. Men Gúlnar apaıymmen maqtanamyn da, maqtan tutamyn.Meniń ustazym eń bedeldi, keremet jan.

Ǵalym da, batyr da, aqyn da, malshy da, zańger de bári-bári ustazdan bilim, tálim alǵan.Sondyqtan ulaǵatty ustazdarǵa búkil adam balasy qurmetpen bas  ıedi.Bilimdi, tárbıeli, el bolashaǵyn oılaıtyn sanaly urpaqqa tárbıe beretin ustazyma myń alǵys! Gúlnar apaıym, denińiz saý bolsyn, bizge árdaıym ádildiktiń, eńbekqorlyqtyń, bilimdiliktiń, tárbıeliktiń Uly Ustazy bolyp júre berińiz.Biz ,shákirtterińiz, árdaıym sizden úlgi-ónege alyp, Bilim taýyna tasymyzdy domalatyp  júre bereıik! Ustaz, Siz, bergen baǵyttan taımaı, týra jolmen júremin dep ýáde beremin.

Shymkent qalasy №3 jobbm
6 «d» synyp oqýshysy Qudaıbergenov Rýslan

---