InfoHub Logo

Bilimniń jınaı bilsek búgin nárin,
Ustazdyń eńbegi dep uǵynǵanym.
Alǵashqy ustaz, bir sizdiń arqańyzda,
Bul kúnde sharlaı alsaq bilim baǵyn.

Ǵabıden Qojahmet

Ustaz –degen ulaǵatty sóz. «Ustaz» sózinde qanshama maǵyna, qudiretti kúsh,qasıetti uǵym jatyr. Ómirde óz anańnan keıingi qadirli taǵy bir adam bolsa, ol-alǵashqy ustaz.Ustaz -bizdiń ekinshi anamyz.Ár balanyń súıikti ustazy bolady.Meniń alǵashqy da súıikti ustazym- Málıka Baqtıarqyzy.

Eń alǵash bul sózdi mektep tabaldyryǵyn attaǵan kezimde  úırendim.Meniń ustazym qolymnan jetektep synypqa kirgizdi.

Esimde álippeni jattatqyzyp,

Eń alǵash qolǵa qalam ustatqanyń,-dep óleń sózderinde jazylǵandaı Málıka apaıdyń maǵan álippe men qalamdy alǵash ustatyp,kúlimsirep oqýshy atanǵanymyzben baıyptylyqpen quttyqtaǵany áli esimde. Málıka Baqtıarqyzy eń alǵash maǵan partaǵa otyrýdan bastap, álippe oqýlyǵyn qolyma ustatyp, árip tanı bilýdi úıretti.Sondaı-aq án aıtýdy, dúnıeni tanyp bilýdi, esep shyǵarýdy úıretti. Ómirdiń qyr-syryn bilýge,san qıly qubylystardy tereń túsinýge, adamgershilikke baýlydy.

Meniń ustazym óte kórikti,aqyldy, meıirimdi. Ol- keremet muǵalim.Men apaıymdy jaqsy kóremin, onyń aıtqanyn muqıat tyńdaımyn, renjitpeýge tyrysamyn.Ustazymyz bizge eshqashan daýys kóterip sóılemeıdi.Qansha qatelik jibersek te shydamdylyqpen, yjdaǵatpen úıretedi.Biz túsinbegenimizdi suraımyz. Bárimizdi óz balasyndaı kórip,aqyl aıtady. Barlyǵymyz birdeı «apaılaǵanda» ustazymyzdyń meıirimdi jymıysyn umytý múmkin emes. Ustazym- kúlimdegen, kúnim degen, júregimizge bolashaqqa maqsat qoıa bilýge senim uıalatqan zor tulǵa.

Ustazymyz, Málıka apaıymyz biz qýansaq,qýanyp, al qaıǵyrsaq qaıǵyrady.Men úshin Málıka apaıdyń beınesi –adamgershiliktiń eń joǵary úlgisi.Shákirtteriniń súıispenshiligine bólengen ustazymyzǵa, ekinshi anamyzdaı bolyp ketken Málıka Baqtıarqyzyna alǵysym sheksiz.Ustazymyzdyń eńbegi zor.Málıka Baqtıarqyzy, sizge zor densaýlyq,eńbegińizge shyǵarmashylyq tabys tileımin.Óz shyǵarmamdy  Ǵabıden Qojahmettiń myna tamasha óleń joldarymen aıaqtaımyn:

Ornyǵyp sizden úlgi sanaǵa nyq,
Sol tálim boıdan jolyn tabady anyq.
Qandaı bir qurmetke de laıyqsyz,
Jatsa eger eńbegińiz baǵalanyp.

Búldirshin tárbıesi - tabysyńyz,
Búgin de qaryzdarmyz bári úshin biz.
Shákirtten alǵys alyp qashanda da,
Jemisti bola bersin ár isińiz! 

Shymkent qalasy №3 jobbm  
6 «d» synyp oqýshysy Gaıbýllaev Dıarbek           

---