InfoHub Logo

Baıarstanova Ekaterına 

Meniń armanym, meniń úmitterim men senimderim

                                                             

                                                      Bilim alý – batyldylyq ,   ony tolyqtyrý – danalyq ,    al sheber qoldana bilý - óner!

 

           «Baqyt» degen sóz aıtýǵa ońaı. Oǵan jetý she? «Arman» degen sóz de aıtýǵa ońaı. Alaıda bul sózdiń mán – maǵynasyna kez kelgen adam sıa ma?

      «Armansyz adam – qanatsyz quspen teń» - degendeı, ustaz bolý meniń mektep qabyrǵasyn  alǵash  attaǵannan bastap armanym boldy.  Qazaq tili men ádebıetke degen qushtarlyq  jastaıymnan baıqalatyn. Úıirmelerge qatysyp júrip kóptegen zattardy úırenip, ustazdaryma qyzyǵa qaraıtynmyn.  Olardyń        júris-turysy, sóıleý máneri, óleń oqý  sheberlikteri meni beı- jáı qaldyrmaıtyn.

             Birinshi synyptan   sanama singen qońyraý úniniń syldyry men syńǵyry jarysa 45 mınýttyq bilim saǵatyna shaqyryp turady. Qazir bolsa, sol  ózim kórip júrgen oıly da salıqaly ustazdarymnyń keıipin kıýge asyqpyn. Bir ańdyǵanym – ustaz bolý  asqan jaýapkershilik pen orasan eńbekti qajet eter kúrdeli  mamandyq ekeni sózsiz eken. Sondyqtan da ustazdyq jol túsingen janǵa aýyr, ári jaýapkershilikti kóp qajet etetin jumys ekeni daýsyz. Sebebi bala kóńili kirshiksiz taza, jibekteı názik. Baıqamaı jaralap alsań, ony qalpyna keltirý áldeqaıda qıyn, ári balanyń taǵdyry seniń qolyńda.Bul jaı ǵana kezdese beretin qarapaıym qubylys emes, onyń tasasynda adam taǵdyry jatqanyn  jan-tánimmen túsiný kereksin..    

   Jastaıymnan  óleń oqýǵa  áýes bolyp ósip, osy unatqan mamandyq boıynsha bilimimdi tereńdetip,  armandaǵan armanyma qol jetkizý   men úshin úlken mártebe.  Osylaısha bilim  alyp  júrip  egemendi elimniń bir ulaǵatty ustazy bolýǵa bel býyp, qazirgi ustazdarymnan tálim-tárbıe alyp, ata-anamdy qýantýǵa asyqpyn.Sondyqtan da  árbir sanaýly ýaqytymdy bosqa ótkizbeı,  úıirmege kelip , shyǵarmashylyǵymdy shyńdaýǵa  tyrysýdamyn.

 «Naǵyz muǵalim ómirdiń ashshy shyndyǵyn kórsetpeıdi, túsindirip jetkizedi» demekshi  meniń ustazdarymnyń   ustazdyq eńbek jolynda qanshama qıyndyqqa tap bolyp jatsa da, osy mamandyqtyń  bereri kóp ekenin talmaı  túsindirip jetkizip,  kúndelikti berilip otyrǵan tapsyrmany jaýapkershilikpen oryndaýǵa, izdeniske shaqyratyny ras. Sondyqtan da osy ustazdarymnyń bergen árbir bilim nárin  aldaǵy ýaqytta óz jetistigimmen kórsetip, ulaǵatty ustaz degen ataqqa ıe bolýdy armandap, senimderi men úmitterin  aqtaǵym keledi.

Ózimniń balalyq kezderimdi eske ala otyryp, jibergen qatelikterimdi  synyptastaryma  aıta júrip, durys jolǵa  salyp, baǵyt -baǵdar bere júrip, aıaýly ustazdarymnyń jemisin úlken armanymmen júzege asyrmaqpyn.

 Meniń oqytýshy ustazdarym ár jaǵdaıda  ózderinen  asyp túsýdi suraıdy.Sebebi «Ustazynan asyp túsýge tyryspaǵan shákirt beıshara»dedi  de  bizdi shabyttandyrady, qanattandyrady.                  

Sol úlken qanattandyrý men shabyttandyrýdyń arqasynda meniń armanymnyń  oryndalatyny sózsiz. Endigi armanymnyń jalǵasyn  tabýǵa shabyt bergen ustazdarymnyń arqasynda úlken bedeldi aqyn-jazýshy,  tanymal  tilshi, ulaǵatty ustaz bolsam degen úmitim men senimderim bar.  Osy senimdilik meni úmittendiredi. Sebebi men árdaıym jetistikke jetip otyrsam, ustazdarymnyń úmiti aqtalady degen senimdemin.

 «Jumys jasaǵan kezde shabyttanyp  jasaý qajet, shabyt kelýi úshin sen óz isińdi súıýiń qajet» deıtin ulaǵatty ustazdarymyz. Endeshe kez kelgen adam balasy ómirge kelgennen bastap,  janyna jaqyn isti tańdaýy qajet. Men óz tańdaýymdy jasadym. Endigi úmitim ulaǵatty ustazdarymnyń senimin aqtaý!

---