InfoHub Logo

Qazaq halqy óziniń batyl ul-qyzdaryn árqashan  Er dep baǵalaı bilgen. Eýrazıanyń en keńistiginde kóshpeli ómir keshken babalarymyzdyń jeri men elin qorǵaý jolynda aıanbaı qan tókkenine kóne tarıh kýá. Atılla, Alyp Er Tuńǵa, Kúltegin, Tonykók, Alpamys, Qobylandy syndy aty urpaqqa ańyz babalardyń erlikke toly joly qazaqtyń tarıhynda tolastaǵan emes. Eldiń irgesin qalaýda naızasy men qalamyn, otty jyrlaryn qatar alyp júrgen erler qanshama? «Otandy súıý-ımannan»  dep urandaǵan jyraýlardan bastap, talaı qazaq erleri elin qorǵaý jolynda  jan keshti.

Qarańǵylyqtyń tuńǵıyǵyna boılap, orys otaryna jutylyp bara jatqan eline arystandaı aqyryp, sara jol nusqaı bilgen dana Abaıdy batyr emes dep kim aıtady? Júreginde batyldyq, qaıraty qatar júrgen  osy  danyshpan atalarymyzdyń  arqasynda memleket atandyq.

Sondaı-aq  búgingi urpaqqa  jelisin úzbeı, otyn sóndirmeı qazaqtyń qyzyǵyn da,  rahatyn da , tarıhy men baı murasyn   salıqaly saıasatynyń arqasynda jetkizip otyrǵan memleket basshysynyń kósemdigi men sheshendigi, bilimi men bileginiń arqasynda qazaq eli álemge tanylýda. Osyndaı elimizde júzege asyp jatqan ómirsheń ózgeristerdiń basynda tuńǵysh Prezıdentimiz Nursultan Nazarbaev sıaqty talantty tulǵanyń, halqyn súıetin ultjandy azamattyń turǵanyn kórmeý, sony sezinbeý,onyń  el úshin tyndyrǵan ulan-ǵaıyr isteriniń túp-tórkinine kóńil júgirtip,aıtpaı ketý múmkin emes. Ómirdiń talaı bel-belesterinen ótip, memleket tizginin halyqtyń qalaýymen sarabdal saıasatynyń qarqysynda qorashty qarqynmen damyp kele jatqandyǵy álemge aıan. Muny álemniń kóptegen belgili saıasatkerleri de moıyndap, Otanymyzdyń ár qadamyna qyzyǵa kóz tigip, qadaǵalap otyrǵany jasyryn emes. Ortaq úıimizdiń búkil jurtshylyǵy úshin jarǵaq qulaǵy jastyqqa tımeı júrip, óziniń aýyr jumysta aı saıyn, jyl saıyn tolysyp, naǵyz memlekettik parasat bıligine kóterilgendigin is-júzinde tanytty. Bul- Nursultan Ábishulynyń saıasatker retinde alysty kóre biletin qasıeti men der kezinde qabyldaǵan batyl sheshimderiniń nátıjesi ekendigine kózimizdi jetkize alamyz.

«Otan-ottan ystyq» demekshi qazaq halqynyń atamekendi ardaqtaý sezimi óte tereń, olar úshin týǵan jerdi qasıet tutý-qanǵa sińgen minez, ejelgi dástúr. Bul tanym bizdiń janymyzǵa ana sútimen taraǵan, ana sútimen daryǵan. Batyrlar jyrynda:

Atam kúıeý bolǵan jer,

Anam kelin bolǵan jer,

Kindik qanym tamǵan jer,- degen qarapaıym joldarda týǵan jerge degen sheksiz súıispenshiligi men tereń de ystyq sezimi tamasha beınelengen.Sondyqtan da elbasy atameken topyraǵyn mekendegen otandastarymyzdyń bári-bárin ortaq úıimizdiń kóriktenip, jetilýi úshin, sıyr búırektenbeı, bir jaǵadan bas, bir jeńnen qol shyǵaryp, ujymdasa jumyla, kirshiksiz adal nıetpen berekeli eńbek etýge,  ata-babalarymyzdyń qasıetin,qazaq jastarynyń qanyna sińýine atsalysyp,eńbek etýge qazaq halqynyń aqıyq aqyny Muqaǵalı babamyzmyń

Senderdiki qoǵam, ómir, zaman da,

Sen túzegen qalańmenen dalań da,

Bolashaqta barlyǵyda senderdiki, jas urpaq, degen óleń joldarymen qazaq jastarynyń boıyna patrıottyq sezimdi uıalatyp,  babalar murasynynyń mol dúnıesi jastar qolynda, ıaǵnı jıyrma birinshi ǵasyr-jastar ǵasyry dep  táýelsiz el urpaqtaryna senim artty.

Nester Dana

---