InfoHub Logo

Óshpes úmit

Zarlykov Merlan Rýstemuly

Men bala kúnimnen meniń kúshigim men mysyǵym bolsa dep armandaıtynmyn. Biraq men qanshalyqty armandasam da meniń armanym oryndalmaıtyny sózsiz edi. Sebebi meniń ata –anamnyń  úı janýarlaryna  qyshymasy bolatyn.

         Sóıtip  kúnderdiń kúninde kórshi turatyn úıdiń janynda bir mysyq tóldegen eken. Onyń balalary sondaı súıkimdi, biraq qaraýsyz edi. Ata-anam jumysqa ketkennen keıin dala  marǵaýlaryna tamaq aparyp, tamaqtandyryp, birge oınaıtynmyn. Al keshkilik sol marǵaýlardy ýaıymdap, panalaıtyn jerleri joqtyǵyna mazasyzdanatynmyn. Sóıtip qaraýsyz qalǵan marǵaýlardy  kúndiz qaraýyldap, túnde ýaıymdap, ertesine ata-anamnyń jumysqa ketkenin kútip, olardy úıge  kirgizip, qaıta tamaqtandyryp, jýyndyryp, árbir kúnimdi qyzyqty ótkizetinmin. Sol mysyqtar meniń ómirimnen úlken oryn alsa kerek. Olardy álpeshtep kútý men úshin úlken jaýapkershilik.

         Ata-anam  meni únemi jalǵyz qaldyratyn. Sol jalǵyzdyqtan  sharshaǵan men osy marǵaýlardy serik etip, dostasyp aldym. Olardyń meniń ómirimdegi orny erekshe edi. Biraq ol meniń úlken qupıam bolatyn.

Sóıtip kúnderdiń kúninde jaz mezgili aıaqtalyp, kúzdiń qara sýyq  kúnderi de kelip jetti.Ata-anammen demalysta qalada bolǵan edik. Sol kezdegi meniń ýaıymym aýzyma jetti. Biraq amal neshik. Meniń qolymnan eshteńe kelmedi. Sol  marǵaýlardy  kelgennen keıin, qaıta kórgenim joq.

         Kúnderdiń kúninde jaıdarly jaz mezgili de kelip jetti. Meniń úmitim óshken emes. Sol kózderi móltildegen eki marǵaýdy ýaıymdap, júdep bittim. Biraq sonda da olardyń janymda júretinin ishteı sezetinmin.

         Bir kúni kórshi úıdiń kishkentaı qyzy  sol marǵaýlardy eki qoltyǵyna qysyp, júgirip kele jatqany kózime ottaı kórindi. Meniń qýanǵanym sonsha kózime jas kelip «áıteýir aman eken» dep bir kúrsinip, qýanyp, qýanyshym kókke jetti.

         Sondaǵy túıgenim dala mysyqtaryn keleside qaıta kórsem,  ony eshkimnen jasyrmaı, birden shyndyqty ata-anama aıtyp panalatý meniń mindetim ekenin túsindim.

---