InfoHub Logo

Taqyryby: Meniń balabaqsham
Maqsaty: balabaqshaǵa degen súıispenshiligin damytý, óziniń balabaqsha ujymynyń múshesi ekenin sanasyna sińirý, dostyq qarym - qatynas sezimderine tárbıeleý.
Mindetteri:
- úlkenderdiń eńbekterin baǵalaýǵa úıretý;
- balabaqshaǵa degen maqtanysh, qurmet sezimderin damytý
- aınalasyndaǵy adamdardy jaqsy kórýge tárbıeleý.
Ádister: túsindirý, áńgime, oıyn.
Kórnekilik: balabaqsha sýreti, balabaqsha qyzmetkerleriniń sýreti.

Tárbıeshi:
- Balalar búgin bizge qonaqtar kelipti. Qane qonaqtarmen sálemdesip alaıyq! (balalar amandasady)
- Balalar búgingi sabaǵymyzdyń taqyryby «meniń balabaqsham»
- Endeshe balalar, barlyǵymyz bir - birimizge, qonaqtar men ustazdarǵa jaqsy kóńil - kúı syılaıyqshy! Qane, shattyq sheńberin quraıyq.

«Shattyq sheńberi»
Tárbıeshi balalarmen birge E. Ótetileýulynyń óleńin aıtady

«İzgi sózder»
Baqshamyzǵa barǵanda,
Jolyqqan bar jandarǵa,
«Qaıyrly tań!»- deımin men.
Kúndiz de eldi eleımin:
«Qaıyrly kún!»- tileımin.
Úıge keshke kelemin,
Ne derimdi bilemin:
«Kesh jaryq!»- dep kiremin.
Tárbıeshi: Keremet! Al sender úıde, balabaqshada osyndaı izgi sózderdi qoldanasyńdar ma?
Erteńgisin adamdarmen qalaı amandasamyz?
Qane bárimiz birge qaıtalaıyqshy.-«Qaıyrly tań!».
Taǵy qandaı ádepti sóz qoldanamyz?-«Sálemetsiz be!».
Kúndiz kezdesken adamdarǵa ne dep aıtýymyz kerek?-«Qaıyrly kún!».
Al, keshke she?-«Kesh jaryq!»

Shyǵarmashylyq jumys
Tárbıeshi ujymdyq jumys arqyly balalarǵa balabaqsha qyzmetkerleriniń eńbegimen tanystyryp, olardy baǵalaýǵa, qurmetteýge úıretý maqsatynda «óz úıim – meniń birinshi úıim, balabaqsha – ekinshi úıim»degen taqyrypta áńgime júrgizedi.
Tárbıeshi: Balalar bizge qonaqqa torǵaı ushyp kelipti. Torǵaıdy balabaqshamen tanystyryp, oǵan óleń aıtyp bereıik.
Tárbıeshi balalarmen birge óleń aıtady

Torǵaı
Torǵaı - torǵaı, toqyldaq
Jerden tary shoqyp ap
Bótegesi bultıyp
Shıq-shıq etip otyrmaq

Balalar, men senderge birneshe suraq qoıǵym kelip tur.
(tárbıeshi taqyrypty tereń ashý maqsatynda birneshe suraqtar qoıady)
- Balalar balabaqsha degenimiz ne?
- Balabaqshada biz ne isteımiz?
- Al balabaqshany biz ekinshi úıimiz dep aıta alamyz ba?
- Bul úlken úıimizde bizge kim qamqorlyq kórsetedi, aıalaıdy?
- Balabaqshada sender úshin qanshama adam jumys isteıdi?
- Qane, olar kimder jáne ne isteıdi eken?
(tazalyqshy, aspazshy, dáriger, kir jýýshy, tárbıeshi apaılar).
Tazalyqshy – ekinshi úıimizde óz úıimizdeı jyly, taza bolsyn dep bólmemizdi jýyp, tazalaıdy.
Aspazshy - biz úshin dámdi tamaq ázirleıdi.
Dáriger – senderdiń denderińniń saý bolýyn qadaǵalaıdy.
Kir jýýshy – bizdiń súlgilerimizdi jýyp beredi.
Tárbıeshi apaılar – sender jaqsy adam bolyp ósýleriń úshin bárin úıretedi.
Balalar apaılaryna taqpaq aıtyp beredi.

Ádebı montaj
Nurasyl:
Kıimderdi ilgen kim?
Báriniń jónin bilgen kim?
Tereze ashyp biz joqta
Taza aýa bolyp kirgen kim:

Móldir:
Jarqyrap esik, tereze,
Súrtilip shkaf, kebeje,
Turatyny qashanda
Buljymaıtyn ereje.

Ajar:
Edendi kim jýatyn,
Jolatpaı shandy qýatyn?
Tazalyqshyǵa myń alǵys,
Kórinbeı júrip - turatyn!

Mansýr:
Tyndaýshy moınynda,
Ólsheýishi qolynda.
Aq halattydáriger
Árqashan óz onynda.

Sanjar:
Jaıdary júz, aı qabaq,
Aýzy - murnyn baılap ap.
Dári ısi burqyrap,
Júredi bizdi aımalap.

Aldıar:
Mańdaıymyzdy ustaıdy,
Júregimizdi tyńdaıdy.
Aýzymyzǵa qasyq sap,
«A»dep aıt dep ymdaıdy.

Dılnaz:
Balabaqsha esigin
Sábı bolyp ashqanbyz
Balapandaı mápelep
Ósiredi baqshamyz.

Sulýbaı:
Bul ekinshi úıimiz,
Bir týǵanbyz bárimiz.
Biz – osy úıdiń gúlimiz,
Biz – osy úıdiń sánimiz.
Adelá:
Bala, bala, balamyz,
Baqshamyzǵa baramyz.
Kúni boıy qyzyqqa
Batamyz da qalamyz!

Sabına:
Men baqshaǵa baramyn,
Oınaımyn, án salamyn.
Tárbıeshi apaılar.
Dosy barlyq balanyń.
Bizdiń aqyldy, ári denimiz saý, tárbıeli, qaıyrymdy, meıirimdi bolyp ósýimiz úshin kóp adamdar eńbektenedi.
Balabaqsha – bizdiń ekinshi úıimiz sıaqty eken, al birinshi úıimiz óz úıimiz, sebebi onda senderdi jaqsy kóretin jaqyn adamdar turady, áke - sheshen, ata - ájeń, aǵań, apaıyn. Olar senderge qamqorlyq kórsetedi.

Sergitý sáti
Balalar tárbıeshilermen birge E. Ótetileýulynyń «Bala, bala, balamyz»óleńin birigip aıtyp, óleń mazmunyna sáıkes qımyl – qozǵalys jasaıdy.

Bala, bala, balamyz
Bala, bala, balamyz,
Baqshamyzǵa baramyz.
Kúni boıy qyzyqqa
Batamyz da qalamyz!
Iilemiz ońǵa bir,
Iilemiz solǵa bir.
Tárbıeshi qaraıdy,
Aıaqqa bir, qolǵa bir.
Mine, «vagon», kiremiz,
«Poıyzben»jol júremiz.
«Kemege» de minemiz,
Tolqyndardy tilemiz.

Tárbıeshi: Balalar, sabaqta úırengen ónegeli sózderdi qaıtalap aıtyńdarshy.
Qaıyrly tań! Sálemetsiz be! Qaıyrly kún! Kesh jaryq! Rahmet!
Balalar búgingi sabaqta ne jaıynda áńgimelestik? Balabaqsha bizdiń ekinshi úıimiz. Biz balabaqsha múshesimiz. Balabaqshany, dostarymyzdy, apaılarymyzdy óte jaqsy kóremiz.

Júrekten júrekke sheńberi.
Jaqsylyqqa qumarmyz,
Jaqsy adam bop shyǵarmyz.
Bizdi jaqtap otyrǵan,
Senderge de myń alǵys!
Balalar oryndaryna otyrady.
Tárbıeshi: Al osymen sabaǵymyz aıaqtaldy. Kelgenderińizge rahmet!
Saý bolyńyzdar!