InfoHub Logo

Qosh bol, balabaqsha!
Júrgizýshi: Qymbatty ata - analar, balabaqsha qyzmetkerleri, qonaqtar! Búgin biz mápelep, kútip tárbıelegen búldirshinderimizdi uıamyzdan ushyryp, mektepke shyǵaryp salǵaly otyrmyz. Sol ushyp otyrǵan balapandarymyzdy qol soǵyp qoshemetpen ortaǵa shaqyraıyq.
Balalar mýzyka áýenimen zalǵa kiredi.
Júrgizýshi: Ótti qyzyq kóp kúnder
Bes jasqa da jettińder
Barasyńdar mektepke
Bir belesten óttińder
Ósti aqyl - oılaryń
Ósti mine boılaryn
Qýanyshqa ortaqpyn
Qutty bolsyn toılaryn
Balalardyń oryndaýynda «Qoshaqanym» ániń qabyl alyńyzdar.
Balalar: án oryndaıdy..

Júrgizýshi: Aq tilekti aǵytyp tastaıyq
Qoshtasatyn keshimizdi bastaıyq
Júzderinen kórem shattyq araıyn
Bolsyn solaı árbir kúniń, ár aıyń.
Balalar taqpaqtaryn aıtady

Aldıar: Qýanamyz, syılaımyz,
Qýanyshtyń myń gúlim.
Baqshamyzben qımaı biz,
Qoshtasatyn kún búgin.

Mansýr: Botaqandaı bóbek dep
Erkeletken ul - qyzyn
Anamyzdy erekshe
Qýantamyz biz búgin

Nurasyl: Qolyma gúl alamyn
Daıyn dápter qalamym
Tańqaldyryp dostarymdy
Men mektepke baramyn

Sanjar: Bul qýanysh sebebin
Bizge qarap uǵyńdar
Er jetti dep bóbegim
Týǵan otan qýansyn
Týǵan dala qýansyn
Qurmetti balalar, búgin bizge kóp qonaqtar kelipti, olar quttyqtap qýanyshymyzǵa ortaq bolyp otyr. Qazir senderdi bizdiń oqý is meńgerýshisi quttyqtaıdy.

Júrgizýshi: Qyzdardyń bıshi aıaǵy
Toı degende tura almas
Toılaryńda bılep berse
Qandaı qonaq qýanbas
Dep bizdiń bıshi qyzdarymyzdyń oryndaýynda «Aıgólek» bıin tamashalaıyq.
Bı bıleıtin qyzdar: Arýjan A., Arýjan Q., Amına T., Nursaıa B., Móldir M., Gúljaýhar A., Adelá Q.
Asyp - sasyp zalǵa mýzyka áýenimen Dymbilmes kiredi, qolynda avtomat, aýzynda ysqyrǵysh, bir balaǵy túrýli, kepkasy qısaıǵan.
Dymbilmes: Senderde munda ne bolyp jatyr?
Júrgizýshi: Bizde balabaqshamen qoshtasý keshi bolyp jatyr.
Bizdiń balalar mektepke barady.
Dymbilmes: Apaı, apaı men de mektepke baramyn, balalar meni de ózderińmen ala ketińdershi mektepke,
Júrgizýshi: Amansyń ba Dymbilmes! Kishkene sabyr et! Eshteńeden qalǵan joqsyń. Áýeli myna jurtpen amandas.
Dymbilmes: sálemetsizder me!
Júrgizýshi: Dymbilmes, sen bilesiń ba mektepke qandaı qural - jabdyqtar kerek?
Dymbilmes: Bilmeımin.
Júrgizýshi: Balalar, al sender bilesińder me?
Balalar: Ia bilemiz.
Júrgizýshi: Káne aıtyńdarshy. Qandaı qural – jabdyqtar?
Balalar ataıdy dápter, qalam, qaryndash, boıaý, ermeksaz, syzǵysh, t. b.
Dymbilmes: Durys balalar taǵyda basqa kóp qural - jabdyqtar kerek ıa?
Kórdiń be Dymbilmes mektepke baratyn bala kóp nárse bilýi kerek. Aldymen jaqsy ádepterdi bilýi kerek. Sonan soń denesin shynyqtyryp, sýret salyp, án jattap, ertegi áńgimeler, óleń taqpaqtar aıta bilý kerek. Esepti bilý kerek, ónerli bolý kerek.
Dymbilmes: Oı apaı sol da sóz bolyp pa? Mende óner degen jetedi. Mine men bylaı ysqyra bilemin. Sosyn myna avtomatpen kózdep turyp torǵaılardy jalp etkizip atyp túsiremin. Kerek bolsa taqpaqty da aıtyp beremin.
Men aıtamyn taqpaqty
Ózimdi, ózim maqtap
Keshe kıgen shalbarym
Búgin, mine satpaq
Tal terekti kesemin
Balshyq, sýdy keshemin
Keshe ápergen krasovkany
Biraq kúnde tesemin.

Júrgizýshi: (basyn shaıqaıdy) balalar sol durys pa?
Dymbilmes: Sosyn..... sosyn men 20 - ǵa deıin sanaı alamyn 1, 2, 3..... 20......
Júrgizýshi: Jaraıdy Dymbilmes, seniń syryn belgili boldy. Seniń myna túrińmen mektepke qabyldamaıdy. Sondyqtan sen bizdiń balalardan úıren, kórip al qandaı daıyndyqty balalar balabaqshada alǵanyn.
Aınalaıyn, balalar
Alda mektep ana bar
Ózderińnen ósedi
Ónerpazdar, danalar

Balalar taqpaqtaryn aıtady.
Dılnaz B: Balabaqsha esigin
Sábı bolyp ashqanbyz
Balapandaı mápelep
Ósiredi baqshamyz

Arýjan A: Bul ekinshi úıimiz
Bir týǵanbyz bárimiz
Biz osy úıdiń gúlimiz
Biz osy úıdiń sánimiz

Erkenaz: Ár neni bildik mánisin
Syrtyn qoıyp jáne ishin
Aıtamyz sizge myń alǵys
Osylardyń bári úshin

Amına A: Aqyly bar balasyn
Aıtqan tildi alasyn
Namysty bolyp ósseń sen
Naǵyz adam bolasyn

ArýjanQ: Súıgen óz qyz, óz ulyn
Bóbegim dep aıanbaı
Balabaqsha óz úıim
Apaı boldy anamdaı

Aızer: Baýlyp, baptap ósirgen
Buzyqtyq etsek keshirgen
Umytpaımyz ózińdi
Umytpaımyz sózińdi

Albına: Bólmede keńes beresiz
Bolashaǵymyzǵa senesiz
Bizden keıin ketesiz
Bizden buryn kelesiz

Sabına: Qosh bol oıynshyqtarym,
Jasyryp keıde tyqqanym.
Ketkendeı keshe qoshtasyp,
Kelgende aldan shyqqanym.

Balalar taqpaqtaryn aıtyp oryndaryna otyrady.
Júrgizýshi: Al endi bizdiń kishkentaı balapandarymyzdyń oryndaýynda «Úırekter bıi» qabyl alyńyzdar.
Bı: Amına A, Gúljaýhar, Amına T, Aldıar, Mansýr; Nurasyl, Sabına, Adelá, Arýjan A, Arýjan Q.
Júrgizýshi: ortaǵa bizdiń kishkentaı ánshimizdi shaqyraıyq Erkenaz «Ánshi balapan» ánimen.
Júrgizýshi: Endi senderdiń aldarynda shyǵystyń arýlary bı bılep óner kórsetkeli tur. Amına M, Aızere, Araı.
Ata – analarǵa sóz beriledi. Balalarǵa fotolar taratylady.

Balalar taqpaqtaryn aıtady.

Aldıar: Oıynshyqty jınaımyz
Bóbekterge syılaımyz
Óner bilim úıretken
Ózińizdi qımaımyz.
Sanjar: Balabaqsha qosh endi
Árkez aman bol deımin
Ákem menen sheshemdi
Endi ertip kelmeımin
Nurasyl: Mektepke erteń baramyz
Oqımyz, saýyq quramyz
Qashyq emes aramyz
Baqshaǵa kelip turamyz
Mansýr: Tárbıe bergen uıamyz
Tártipti bala bolamyz
Qoshtasyp balabaqshamen
Biz mektepke baramyz
Júrgizýshi: Kórip turmyn mektepke daıyn ekensińder. Al ázirshe bala baqshamen qoshtasyńdar, balabaqshanyń qyzmetkerleri sender aman - saý, myqty, aqyldy, bilimdi bolýlaryna talaı eńbek sińirdi. Mine balalar, senderdiń kópten kútken qımastyǵy mol, qýanyshy birdeı merekelerin aıaqtaldy. Bizdiń senimimizdi aqtaıdy, mektepte úlgili de tártipti bala bolatyndaryna senemiz. Senderge aq jol, sát sapar tileımiz.