InfoHub Logo

Dúnıetaný 2 synyp.
Sabaqtyń taqyryby: «Ósimdikter tirshiligi» bólimin qorytyndylaý

Sabaqtyń maqsaty:
Bilimdilik maqsaty: Ósimdiktiń tiri tabıǵat ekenin dáleldeý. Ósimdik músheleri, onyń tuqymnan ósetini, atqaratyn qyzmeti, ósimdikke qajetti jaǵdaılar týraly túsinik berý.
Damytýshylyq maqsaty: Oqýshylardyń ósimdik týraly bilimderin keńeıtý, tanymdyq qabiletterin damytý.
Tárbıelik maqsaty: ósimdiktiń adam jáne janýar ómirindegi mańyzynyń zor ekenin meńgerte otyryp ony qorǵaýǵa, ajyrata bilýge tárbıeleý.
Kórnekilikter: sýretter, gerbarııler, ınteraktıvti taqtada slaıdtar, tirek - syzbalar, úlestirmeler/test, top aty jazylǵan kespeler.
Sabaqtyń túri: qorytyndylaý, pysyqtaý sabaǵy.
Sabaqtyń ádisi: toppen jumys
Tehnologıasy: damyta oqytý, syn turǵysynan oılaý.
Pánaralyq baılanysy: Beıneleý, ádebıettik oqý.
Sabaqtyń barysy: 1. Uıymdastyrý kezeńi.
Psıhologıalyq daıyndyq.
Kúndeı jadyrap,
Aıdaı araılanyp,
Juldyzdaı jarqyrap,
Sýdaı móldir taza kóńilmen
Búgingi sabaqty bastaımyz!
Sabaqtyń maqsatymen tanystyrý. Balalar biz dúnıetaný páninen ósimdikter týraly kóp maǵlumattar aldyq. Endi búgingi sabaǵymyzda ósimdikterdiń tirshiligin pysyqtap, qorytyndylaý úshin ósimdik múshelerin aıtyp synypty 4 topqa bólip saıys túrinde ótkizip, bar biletinimizdi ortaǵa salaıyq.
1 - top «Tamyr» / shashaq, kindik, janama, negizgi/
2 - top «Sabaq» / tik, tómen qaraı salbyrap ósedi, oralyp, shyrmalyp/
3 - top - « Japyraq»/tynys alady, býlandyrady, pishini ár túrli/
4 - top «Jemis» / qurǵaq, shyryndy/-------/ slaıd/

Ár topqa tapsyrma: 1 - tapsyrma. Óz top attarynyń mańyzdylyǵy týraly aıtyp qorǵaý.
2 - tapsyrma. 1 - top. Ósimdiktiń tiri aǵza ekenin dálelde.
2 - top. Ósimdiktiń ósýine neler qajet?
3 - top. Ósimdikterdi qandaı toptarǵa bólýge bolady?
4 - top. Ósimdik músheleriniń qyzmeti.-------/ slaıd/
3 - tapsyrma. Ósimdikterge baılanysty maqal – mátelderdi aıaqtaý.
* Bir tal kesseń,
On tal ek.
* Aǵash kórki - japyraq,
Adam kórki - shúberek.
* Bilim basqa bitedi,
Qyna tasqa bitedi.
* Altyn, kúmis tas eken,
Arpa bıdaı as eken.

4 - tapsyrma. Ósimdiktiń mańyzy qandaı?/ barlyq topqa/
Ósimdik - taza aýa, baspana, qorek, demalys orny, taǵam, jıHaz, dári - dármek

Sergitý (qımylmen)
Terbeledi aǵashtar
Aldymnan jel esedi
Qyzyl - jasyl gúlderi
Kózdiń jaýyn alady
Úzip - julmaı bekerge
Aıalaıyq biz ony!
- Durys aıtasyńdar balalar, ósimdik týraly jaqsy meńgeripsińder. Búgingi jańa sabaǵymyzda ósimdikti qorǵaýdyń qanshalyqty mańyzdy ekendigin oqıtyn bolamyz

1. Muǵalimniń túsindirmesi /slaıd/
Ósimdik - tirshilik tiregi. Ósimdikter jylyna aýa qabatyna 400 mln. tonna ottegin bólip shyǵarady. Jylyna bir adam tynys alý úshin 173 myń lıtr ottegin qabyldaıtyny anyqtalǵan. Ósimdikter aýada aýrý týdyratyn bakterıalardy joıatyn erekshe zat bólip shyǵarady.
Sonymen birge janýarlar úshin qorek, baspana. Al adam taǵam, úı, jıhaz, aýyrǵanda em retinde paıdalanady.
Adamnyń túrli is - áreketteri ósimdikke áser etedi. Tikeleı áseri - ormandy kesý. Keshendi áseri - aýylsharýashylyq zıankesterimen kúresý úshin egistikterdi, baý - baqshany, egistikterdi joıady. Oılanbaı isteletin is - áreketteri - sharýashylyq salasynda, demalys kezderinde baıqamaı órt shyǵyp, ósimdikterge zardabyn tıgizedi. Keıingi jyldary respýblıkamyzdyń orman qory aýmaǵynda 2257 orman órti oryn aldy. Bul órttiń 70%- zy otty durys paıdalanbaýdyń saldarynan bolǵan. Qazaqstannyń qyzyl kitabyna engen ósimdikter, olardy saqtaý týraly aıtyp ótý. /slaıd/
5 - tapsyrma. Test
1. Ósimdikterdiń jer asty múshesin tap.
a) sabaq
á) japyraq
b) gúl
v) tamyr
2. Ósimdiktiń tynys alý múshesin tap
a) tamyr
á) sabaq
b) japyraq
v) gúl
3. Ósimdik bólikterin retimen tap
a) japyraq
á) gúl
b( sabaq
v) tamyr
g) jemis
4. Tiri tabıǵatqa ne jatady?
a) jańbyr, qar
á) torǵaı
b) aı
5. Tabıǵat zattaryn ata
a) shkaf, telefon
á) saz, topyraq
b) aıaq - kıim

Tekserip, baǵalaý, qorytyndylaý.
Sońynda 4 top gúl otyrǵyzady.