InfoHub Logo

Taqyryby: Meniń baqytty otbasym
Ótkizilgen kúni:
Maqsaty: Oqýshy januıasy múshelerin bir - birin túsine bilýge jáne jaqsy qasıetterge tárbıeleý.
Qatysqandar: Ata - analar, sany -
Kórnekilikter: Otbasy sýreti, boıaý qaryndashtar, qalam, taza paraq, vatman, sharlar, qaıshy, jelim.
Taqtaǵa: «Biz ákem, sheshem, men - dos, baqytty januıamyz!» jáne aǵash japyraqtaryna ár januıanyń tolyq túsken sýretter japsyryp ilinedi.
Kirispe sóz: Qymbatty ata - analar, sizdermen kezdeskenime óte qýanyshtymyn. Aldymen ózimiz, otbasymyz týraly áńgimelep, tanysaıyq.
İ. Tanysý.
Ata - analar ózderi, otbasy týraly aıtyp, tanystyrady.
İİ. «Men qalaǵan túsim».
Qazir sizder qobdıshadan qalaǵan tústerińizdi tańdap, ár túske sáıkes topqa bólinesizder.
Qyzyl tús - energıa túsi, ol adamdy is – áreketke ıtermelep, únemi jigerlendirip otyrady. Joǵary senimdi, jigerli, minez - qulqy batyl tulǵa.
Sary tús - kóńildi tús, adamdarmen tez aralasýǵa kómektesedi. Bul tústi tańdaǵandar – isker, minez - qulqy myqty, jaratylystaný pánine jaqyn.
Aq tús - óz maqsatyna jetedi, daryndy ári mádenıet salasynda ónerli.
İİİ. Tynyshtyq sáti: (baıaý mýzykanyń únimen ótkiziledi.)
Tereń demalaıyq! Qudiretti jaryq túsip turǵanyn elestetip kórińizder. Bul qaıyrymdylyq, baqyt, beıbitshilik jáne qýanysh jaryǵy. Qandaı tamasha! Qane, sulýlyqty tamashalap kóreıik! Bul tańǵajaıyp jaryq júregimizge tynyshtyq, qaıyrymdylyq, súıispenshilik ákelsin. İshki dúnıemiz tap - taza, jap - jaryq bolyp ketti. Mine, keremet! Júregimizde ádemi gúl ashylyp keledi. Qandaı ádemi! Túrli - tústi japyraqtar qulpyryp tur. Bul sizdiń otbasyńyz. Al gúldiń ortasyndaǵy dóńgelek bul sizdiń balańyz. Bul jáı gúl emes, súıispenshilik gúli.
İÚ. Oıyn « Ata - ana meıirimi».
Ata - analar aq paraqqa gúldiń sýretin salyp, boıap, qıyp, vatmanǵa japsyrady. Gúldestege balasyna degen súıispenshiligin jazyp, óz oı - pikirlerin aıtady.
Ú. Jaǵdaıat.
Ata - analar ár topqa berilgen jaǵdaıatty oqyp, óz oılaryn aıtady.
İ topqa: Balańyzdyń óneri, qandaı da bir iske qyzyǵýshylyǵy, beıimdiligi baıqalsa, ne ister edińiz?
İİ topqa: Balamen sóılese bilý de úlken óner. 4 - 6 jastaǵy bala kúnine kóptegen suraq qoıatyn kórinedi. Sizdiń balańyz osyndaı saýaldardy kóp qoısa, jaýap berýge tyrysasyz ba, joq álde eleýsiz qaldyrasyz ba?
İİİ topqa: Keıbir ata - analardyń balasynyń árbir istegen is – áreketine kóńili tolmaı: «Sen sala almaısyń, sen isteı almaısyń»,- dep aıtyp jatatynyn baıqaımyz. Bala is - áreketine teris baǵa berýge qalaı qaraısyz?
Úİ. Maqal - mátel.
İ topqa: Áke - asqar taý, ana - baýyryndaǵy bulaq, bala – jaǵasyndaǵy quraq.
İİ topqa: Ulyń ósse, uly úlgilimen aýyldas bol, qyzyń ósse qyzy úlgilimen aýyldas bol.
İİİ topqa: Bala jas shybyq sıaqty, qalaı ıseń, solaı ıiledi.
Ata - analar top boıynsha maqal - máteldiń maǵynasyn óz oı - pikirlerimen ortaǵa salady.
Úİİ. Júrekten júrekke.
Ata - analar qosylyp Q. Ydyrysovtyń «Kelshi, kelshi balashym» ánin shyrqaıdy.
Aıym bolyp týdyń ba?
Kúnim bolyp týdyń ba?
Ata jolyn qýdyń ba?
Áke jolyn qýdyń ba?
Bul dúnıege kelgen soń,
Suraýy bar sýdyń da.
Aıdaryńnan aınaldym,
Mańdaıyńnan aınaldym.
Torsyq sheke, toq sheke,
Baq bolar dep oıladym.
Ashyq janar kóńiliń,
Aq bolar dep oıladym.
Qýanyshym - araı júz,
Sóılesermiz talaı biz.
Bar aǵaıyn jınalyp,
Máz bop saǵan qaraımyz.
Sendeı bala eshkimde,
Bolmaǵan dep sanaımyz.
Jalǵyz dara - ózińsiń,
Atasynyń kózisiń,
Ájesiniń sózisiń,
Men barymdy aıaman,
Botqanym, sen úshin.
Trenıńtiń sońynda balalar ózderiniń jasaǵan júrekshelerin ata - analaryna syılap, jyly tilekterin aıtady.
Ata - anaǵa kóz qýanysh,
Aldyna alǵan erkesi.
Kóńiline kóp jubanysh,
Gúldenip oı - ólkesi. – dep Abaı atamyz aıtqandaı balalaryńyz sizderge tek qýanysh, shattyq ákelsin!
Trenıńke qatysqandaryńyzǵa kóp rahmet! Otbasylaryńyzda tek árqashan baqyt bolsyn! Osymen trenıń