InfoHub Logo

Ótken kúnnen alys joq,
Keler kúnnen jaqyn joq.

Qazaqtyń halyq maqaly

Mine, kózdi ashyp jumǵansha, osy jyly Qazaq halqy táýelsizdiktiń 28 jyldyǵyn toılaıdy. Táýelsizdikke jetý – ońaı jolmen kelgen joq, ol bárimizge málim. Bul qazaq halqynyń ǵasyrlar boıy kózdegen arman-murattarynyń oryndalýy.

Táýelsiz memleketke aınalý, bizge úlken serpilis, kúsh berdi. Tarıhı kúsh dese de bolady. Bizdiń óz erkimizben alǵa umtylýǵa, memleket bolyp órkendeýge jol ashyldy.

Táýelsiz memleket bola salysymen, kóptegen shuǵyl suraqtarǵa sheshim tabyldy. Neshe túrli aýyrtpashylyq ákelgen Semeı polıgony jabyldy, Aral teńizi máselesi sheshildi, tarıhı mura, mádenıetimiz, qazaq tili qaıta jańǵyrtyldy, tabıǵı baılyǵymyzdy óz ıeligimizge qaıtara aldyq.

Qazir biz bolashaǵymyzǵa senimmen qaraı alatyn, zaıyrly, órkenıetti, ındýstrıaldyq jańǵyrtý jolynda joǵarǵy qarqynmen damyp kele jatqan memleketpiz.

Táýelsizdiktiń 26 jyldyǵy qarsańynda, biz artqa karap, Keńes Odaǵy kezeńindegi tarıhty, sózben jetkize almaıtyn qıyn ómirdi eske alyp jatamyz. Jappaı qazaq mektepteriniń jabylýy, qazaq tilinde shyǵarylǵan gazet-jýrnaldar, maqalalar, kitaptardyń satylymnan joǵalýy, joǵarǵy bıleýshi taptyń basymdylyǵy, bizdiń erjúrek, batyl, namysshyl jandarymyzdy yzalandyrdy. Sóıtip, halyqtyń ulttyq múddesi úshin kúreske jol ashyldy.Osynyń bári, bizdi 1986 jylǵy Almatyda ótken jeltoqsan oqıǵalaryna alyp keledi. Sebebi, jańa alańda ótken qazaq jastarynyń sherýleri, táýelsizdikke ákelgen bastama desek, qatelespeımiz. Búgin mine, jeltoqsan oqıǵalaryna 32 jyl. Ýaqyt kele, sol tarıhı okıǵanyń mánisin endi ǵana uǵa bastaǵandaımyz.

Qazirgi tańda, Qazaqstannyń ózindik úni, pikiri, mártebesi bar. Biz álemdik deńgeıde aıaǵymyzdy senimdi basyp, basqa elder bizben sanasatyn memleketke aınaldyq. Mundaı nátıjege qol jetkizý úlken sharalardy, is-áreketterdi talap etedi. Iaǵnı, ishki jáne syrtqy saıasatty durys júrgizý, halyqtyń áleýmettik-ekonomıkalyq turǵyda órkendeýin, dúnıejúzilik qaýymdastyqta órkenıetti memlekettermen bilikti qarym-qatynas jasaý, árıne bir adamnyń qolynda emes. Biraq, halyq atynan úlken deńdeıde sóıleı alatyn, sózin qulaq salyp tyndaıtyn, memleketke baǵyt-baǵdar berip otyratyn, erekshe tulǵa, memleket basshysy – Prezıdent.

Táýelsizdik jarıalaǵan sátten bastap, Qazaqstandy kútip otyrǵan oqıǵalardyń mán-jaıyn túsiný, uǵyný, memlekettiń odan ári damý úrdisin boljaý jáne halyqtyń talǵamyna saı, eń tıimdi damý strategıasyn tańdaýda jan-jaqty, qaısar, jigerli, saıasat júrgizýde kóshbasshy jáne oı-órisi keń, ıntellektýaldy tulǵa qajet edi. Táýelsiz memlekettiń qazirgi kelbeti, bastan ótken sátsizdikteri jáne jeńisteri tuńǵysh prezıdentimiz, Elbasynyń esimimen tikeleı baılanysty. Tarıhı ótpeli kezeńde Elbasynyń róli aıqyn jáne ashyq kórinedi.

Jastarǵa zamanaýı bilim berýmen qatar, óńdeýshi ónerkásipti jaqsartý maqsatymen jańa mamandar daıarlaý kerek. Qazirgi tańda jastar kóbinese bılikke umtylady. Memleketimizde biri zańger, biri munaıshy, biri ekonomıs bolǵysy keledi. Qazir osynyń saldaryn kórip kelemiz. Halyqaralyq naryqtyń kesirinen bolǵan munaı baǵasynyń túsýinen qanshama jumysshylarymyz jumys ornynan bosatyldy. Artynan qol qýsyryp qarap otyrǵan januıalary, ini-qaryndastary bar. Mundaı senarı qaıtalanbaý úshin jastardyń ekonomıkanyń ıgerilmeı qalǵan salalaryna qushtarlyǵyn ashý kerek. Jastarmen jumysty tek saýattylyq jaǵynan ǵana emes, mektepter men joǵarǵy oqý oryndaryn qazirgi zamanǵa saı tehnıka-quraldarmen, ınovasıalyq jabdyqtarmen qamtamasyz etý kerek.  Iá, 27 jylda memleketimiz kúrt ózgerdi. Astana táýelsizdiktiń belgisi, úni, kelbeti deýge de bolady. Osy jerdi basyp júrip, shyn máninde, bizdiń bolashaǵymyz jarqyn ekenine qatty qýanam.

Qazir biz órkendeýdiń jańa jolyna, áleýmettik damýdyń jańa kezeńine bet aldyq. Elbasy bekitken jańa ekonomıkalyq baǵamda jańa baǵdarlamalar, onyń baǵyttary jáne nátıjege jetý joldary kórsetilgen. Sol baǵytty ustanyp, bolashaqqa senimmen qaraıyq!

---