InfoHub Logo

Men Baıten Aınur Daýletqyzy 1994 jyldyń 28-inshi juldyzy kúni OQO Túrkistan qalasynda qarapaıym otbasynda dúnıege keldim.Ákem men anam qarapaıym jumysshylar. Ómirdiń qıynshylyǵyn az kórmedik. Allaǵa shúkir ákem men sheshem eshkimnen kem qylmaı ósirdi.Bes balamyz otbasymyzda.Qıynshylyǵy men qyzyǵy birge júretin osynaý ómirde qalaı kúresýi kerek ekendigin ýıretti.Bireýdiń aq jolyn attamaýdy,eshkimge jamandyq jasamaýdy,jaqsylyqqa jaqsylyq isteýdi,taspen urǵandy aspen urýdy ýıretti.Esimde bala kúnimizde beseýmizdi qatarǵa tizildirip qoıyp,jeti atamyzdy,rýymyzdy,júzimizdi ýıretetin ákem.Allaǵa shúkir sol kúndegi berilgen tárbıeniń nátıjesi búginde úsh uldyń anasy bolyp basqa ýıdiń tútinin tútetıp otyrǵan jaǵdaıym bar.Allahym násip etip"Qyzdyń eń basty mindeti turmysqa shyǵyp bala súıý"-bolsa sol baqytty eselep berdi.Júreginde ımany bar urpaqtyń anasy bolý,óziniń otbasy úshin jan-tánimen tynbaı jumys istep júrgen jannyń otbasynda otyrǵanym qandaı baqyt.Otaǵasyn jumystan kútip otyryp,kúlimdep as-aýqatyn berip,ata-anasymen baýyrlaryna syılastyq kórsetıp otyrǵannan asqan baqyt joq sıaqty.Men úshin eń úlken baqyt ata-anammen baýyrlarymnyń amandyǵy,otbasymnyń denderiniń saýlyǵy dep bilemin.Ómirdi súre bilseń kóre beresiń degen.Ómir degen aǵyp jatqan bir ózen sıaqty.Birde móp-móldir taza bolsa,keıde laılanyp baryp qaıta tunyq bolatyny belgili.Sol ózenniń sýyndaı taza,jany jaısań,aqkóńil adamdarda kezdesedi,jany jamandyqqa toly,tákáppar,menmen,jalqaý jandarda aramyzdan tabylyp jatady.Eshqashan bireýge jaqsylyq jasaýdan jalyqpaý kerek.Bireý saǵan jamandyq jasasa jylama,renjime,qaıǵyrma.Basty kóterip tereńirek dem alyp myna ómirdiń tek jaqsy shaqtaryn esińe al.Ómir bir orynda toqtap qalmady,jalǵasa beredi,jalǵasa beredi.Eger ómirińiz synaqtarǵa toly bolsa jasymańyz.Synaq keldi degenshe qýanyńyz.Alla sizdi eleýsiz qaldyrmady.Eshqashan synaqqa qarsy turýdan qoryqpańyz.Synaqty bergen Alla,odan shyǵatyn jolda beredi.Eger sengen adamyńyz senimińizdi aqtamasa,jaqsylyq jasaǵan adamyńyz sizge jamanshylyq jasasa,amanat jasaǵan adamyńyz qıanat jasasa kináni ózgeden emes ózińizden izdeńiz.Ózińizdiń kináńizdi kórý arqyly ómirge aıqyn qadammen,jańa kózqarastarmen qaraı bastaısyz.Ómirdiń keıbir sátterinde kúıbeń tirlikpen júrip Áke-sheshemizdi umytyp ketip jatamyz.Jo joq olaı bolmaıdy.Árbir tiri pende úshin ómirde birinshi oryndy Áke men sheshe alýy kerek.Bizdi osynaý jaryq dúnıege kelýimizge,kórýimizge sebepshi bolǵan ol Áke men ana.Sol kisilerdiń qadirin uǵynbasaq,túsinbesek erteń bizdiń aldymyzǵa kelmesine kim kepil.Tiri kezde qadirine jetpesek,ólgennen soń ókinýdiń qajeti joq...

---