InfoHub Logo

Shubar kúzen — sýsarlar tuqymdasynyń ortasha pishindi jyrtqyshy (denesiniń uzyndyǵy 35-38 sm, salmaǵy 650-680 g). Syrt pishini kúzenge uqsas, biraq arqasy alabajaq; qursaǵy qara tústi, basynyń ortasynan kóldeneń úlken aq jolaq ótedi. Kúzenge taǵy bir uqsastyǵy — arqasyn doǵa tárizdi ıip, sekirip qozǵalýy. Qoryqqanda nemese yzalanǵanda ózine tán qımylymen shashaqtalǵan quıryǵyn arqasyna tastap, basyn kóterip, tisin sirestirip, ıt sıaqty yryldaǵan dybys shyǵarady. Kaspııden Ertiske deıin shóldi jerlerdi mekendeıdi, biraq barlyq jerde sırek, sol úshin Qazaqstannyń Qyzyl kitabyna engizilgen. Bul saryshunaqtar, qumtyshqandar, jerde uıalaıtyn qustarmen qorektenedi. 15 jyl ómir súredi. İnde uıalaıdy. Maýsym-shildede kúıleıdi, 5 aıdan keıin ininde 3-8 urpaq paıda bolady. Sanynyń azaıýynyń negizgi sebepteri — tyń jerlerdi jyrtý jáne kemirgishtermen kúresý úshin ýly hımıkattardy keń qoldaný.

---