InfoHub Logo

Shymkent qalasy Ulyqbek atyndaǵy  
№3 jalpy orta bilim beretin mektebiniń  
6 «V» synyp oqýshysy Ahmedova Jasmına

Meniń Otanym — Qazaqstan
Paı-paı!
Qazaq jeri!
Netken baıtaq
Ádemi!
Taý men tasy,
Kúni, gúli
Ádemi!
Ashyq aspan,
Beıbit eli
Ádemi!
Týǵan ólkem!
Keń jazıra,
Baıtaq jerim
Gúldene ber,
Jasaı ber, Qazaqstanym!

Men — qazaqstandyqpyn! Meniń Otanym -Qazaqstan. Altyn kúmbezdi kógimde qyran qusty baıraǵy jelbiregen, aıbarly ánurany asqaqtaǵan, dańqty týǵan jerimniń jas qazaqstandyq ekenimdi maqtan tutamyn.

Týǵan elim nebir surapyl oqıǵalardy bastan keshirdi.Soǵan qaramastan, moıynusynbaı álem kartasynan oıyp turyp keregesi myqty «Qazaqstan» degen memleket oryn aldy.

Qazaqstan-kópultty da batyl, aıbatty da asqaq elderdiń biri.Osyndaı eńsesi irgeli, yrys pen yntymaǵy, bereke men birligi jarasqan eldiń azamaty ekenimdi maqtanysh etemin.

Qazaq jeriniń ata-babalarynan qýat, óreli sózderinen ónege, taǵylymdy tárbıe alyp, batyldyǵynan boıyma kúsh jınap, keregesi myqty Qazaqstan eliniń eljandy azamaty bolamyn.

«Jastary jalyn júrekti, órshil namysty, bıik rýhty bolsa, ol eldiń eńsesi bıik bolady»,-deıdi tuńǵysh Elbasymyz N.Á.Nazarbaev.Sondyqtan da bolashaqtyń irgesin biz sekildi, týǵan jerimniń  jas qazaqstandyqtary quratyn bolsa, álemde Qazaqstan elinen myqty el bolmaq emes.

Men 6-synyptyń oqýshysymyn.Kitap oqýdy súıemin. Ózimniń ultym ózbek bolǵanymen, qazaqsha tarıhı kitaptardy, aqyn-jazýshylardyń shyǵarmalaryn kóp oqımyn. Meniń  oqyǵan kitaptarymnan ańǵarǵanym, týǵan jer  jaıly jyr da, qara sózben jazylǵan shyǵarmalar da árbir halyqtyń ádebıetinde molynan kezdesedi. Árbir halyq týǵan jerin ardaq tutyp, anasyndaı qasterleıdi.Qazaq halqy da týǵan ólke  qadirin jas urpaq boıyna, sanasyna bala kezinen-aq sińirýge umtylatyndyǵyn týǵan jer jaıly maqal-mátelderden, ańyzdar men batyrlyq jyrlarynan kórýge bolady. «It-toıǵan jerine, er-týǵan jerine» nemese «Týǵan jerdeı jer bolmas, týǵan eldeı el bolmas» dep erekshelep kórsetedi.Bulardyń bárinen shyǵatyn qorytyndy: árkimge týǵan jeri, týǵan ólkesi  qymbat ekendigi dep oılaımyn.

Eki júz jyl boıy qazaq halqyna tynym bermegen jońǵar basqynshylaryna qarsy elin bastap erlikpen soǵysqan qaıtpas batyrlarymyz-Qarakereı Qabanbaı, Qanjyǵaly Bógenbaı, Shapyrashty Naýryzbaı bastaǵan batyrlardyń, Áz-Táýke, han Abylaı, Kenesary syndy handardyń týǵan eli úshin bastaryn báıgege tikken erlikterin búgingi urpaqtary, bizder maqtanysh etemiz.

Óz eli,óz erleri eskermese,

El tegi, alsyn qaıdan kemeńgerdi,- degendeı, týǵan eli barda, erjúrek uldary men qyzdary halyq jadynda máńgi saqtala bermek.

Qandaı dúnıe jetedi balaýyńa!

Bári seniń,jan Otan, qalaýyńa!

Óz beıneńdeı álemge tur tanylyp,

Qazaqstan gerbi de, jalaýy da,- degen aqyn Juban Moldaǵalıevtiń «Men — qazaqpyn» poemasyndaǵy týǵan ólkege, jerge degen ystyq mahabbaty árbirimizdiń júregimizden oryn alýy kerek.Týǵan ólkesin tuǵyryna balaǵan aqyn,jyrshylardyń jyr tili arqyly týǵan jerge degen sezimimizdi jetkizgendeımiz:

«Jalbyr ton jetim bolyp júrgenimde,

Kóterip qaratyp eń meni kúnge.

Ákem de, anam da sen, týǵan elim,

Sen úshin yrysym da, qasiretim de», - dep Qasym Amanjolov tebirene jyrlasa,bizdiń baıtaq Qazastannyń jerin, qadirmendi elin ánge, jyrǵa qospaǵan da aqyn joq-aý, sirá?!

Atyraýdan Altaıǵa deıingi, aq Esil men Alataýǵa deıingi barlyq qazaq ólkesi-meniń týǵan ólkem, tuǵyrly ólkem. Meniń oıymsha, týǵan ólke degenimiz-dúnıe esigin ashqan qala ǵana bolmaýy tıis.Burynǵy ata-babalarymyz el tutastyǵyn oılap, týǵan eliniń qaı shetine jaý tıse, sol jerge alystan at arytyp, kómekke barǵany tarıhtan belgili.Men úshin elimniń qaı qıyry bolsyn-ystyq ta, qımas meken.Álemdegi jer kólemi jaǵynan toǵyzynshy oryn alatyn alyp eldiń soltústik pushpaǵy-ataǵy Arqadan asyp, álemge ketken áıgili seksen kóldi Kókshetaý ólkesi.Osyndaı ǵajap álemde týyp-óskenime,aýasyn jutyp, topyraǵyn basyp, júrgenime tek sheksiz alǵysymdy bildiremin.

Ardaqtap anasyn, qurmettep danasyn,

Baýyrǵa basqanbyz barshanyń balasyn,- dep Ánuranymyzda aıtylatynyndaı, qýǵyn-súrgin kezinde óz elinen qýylǵan qanshama ulttyń balasyn ózekke teppeı,ógeısitpeı baýyrǵa basqan keńpeıil ólke.Myńǵyrtyp mal ósirip, mıllıardtap dán ósirgen qoınaýy qut, qabaty kendi baı ólke.

Táýelsizdikke qol jetkizgen osynaý jarqyn kúnderde meniń týǵan jerimde, baıtaq Qazaqstanda, búkil álemde tek beıbitshilik bolsa eken deımin.Týǵan eldi bizder, jas urpaqtar súımesek, onyń erteńi ne bolmaq?

---