InfoHub Logo

Aq kıimdi, deneli, aq saqaldy,

Soqyr, mylqaý, tanymas tiri jandy.

Ústi-basy aq qyraý, túsi sýyq,

Basqan jeri syqyrlap, kelip qaldy.

Abaı

Iá, shirkin, Abaı atam qalaısha qys mezgilin erekshe pash etken! Meniń súıikti mezgilim qys keldi. Bul mezgildi qalaı unatpaýǵa bolady? Qys- eń tamasha jyl mezgili.Qys mezgili ózindik appaq qarymen, qaharly minezimen,úskirik aıazymen erekshe. Bul mezgilde jer betin aq qar basady. Qarsha qyz úlpildegen sándi kóılegin kıip, aınalaǵa sán bergendeı.Qys mezgilin ásirese balalar asyǵa kútedi. Shanalaryn arqalap,syrǵanaq jasaıdy. Júzderinde tolǵan kúlki, qýanysh sátteri.Bul mezgildi taǵy da asyǵa kútýimniń bir sebebi-qysqy demalys.

Áne-mine degenshe ekinshi toqsan da aıaqtaldy. Barlyq oqýshylar qysqy demalysqa shyqty.Men de kópten kútken qyzyǵy men qýanyshy mol qystyń ǵajaıyp umytylmas kúnderine jettim. Nuryn tókken shýaqty kúnder maǵan kóterińki kóńil-kúı syılady.

Qys appaq qarymen sándi. Kún birde jylynyp, birde sýytyp tur. Bul kezde bárimiz Jańa jyl merekesin qarsy alamyz.Adamdar jyly kıimderin kıip, dalada serýendeıdi. Balalar dalaǵa shanamen syrǵanaýǵa, aqqala jasaýǵa shyǵady. Men syrtqa shyǵyp, dostarymmen qar atysyp oınadym. Sodan keıin qardan aqqala, qorǵandar jasadyq.Qysqy oıyndar, ádemi jerlerdegi serýender óte keremet boldy.

Qysqy demalys men úshin este qalarlyqtaı kezeń boldy, óıtkeni Jańa jyl merekesin qarsy aldyq. Jańa jyl tamasha ótti. Otbasymyzben úıge Aıaz ata men Aqshaqardy qonaqqa shaqyrdyq.Olar kelgende men de, inilerim de qatty qýandy. Aıaz ata bizge syılyqtar berdi. Ádemi oramaǵa salynǵan tátti shokoladtar, mandarınder, kámpıtter tilińdi úıiredi.Kishkentaı inilerim taqpaqtar aıtty.Men Jańa jyl týraly án aıttym. Ákem men anam, barlyǵymyz aq tilekterimizdi aıttyq. Jańa jyl meıramy maǵan qatty unady.2020 jyl-Tyshqan jyly. Jańa jyl barlyǵymyzǵa mol baqyt pen tabys ákelsin.

Men úshin qyzyqty kúnder, ásirese, dostarymmen «Serippe  ortalyǵyna » barǵanym. Meniń dostarym óte kóp. Biz túrli atraksıondyq oıyndar oınadyq. Bul oıyndar er balalar úshin kerek, óıtkeni deneń shynyǵady  ári sergip qalasyń.Eń qyzyǵy serippeden  sekirý úshin, áýeli sergitý sátin oryndaý kerek eken.Jumsaq úrmeli shar sıaqty batýtta túrli qımylǵa salyp, ábden sekirdik.

Demalystyń ortasynda atam men ájemniń úıine qonaqqa bardym.Ol jaq men úshin erekshe. Atam men ájemniń úıine jıi baryp turamyn. Olar óte jaqsy adamdar. Meni erkeletedi, bar táttisin aldyma qoıady. Atam maǵan únemi aqylyn aıtady. Men olardy muqıat tyńdap, jadymda saqtaımyn. Atamnyń sózderi dana ári adam bolýǵa  baǵyttaıtyn sózder.

Men bos ýaqytymdy qur ótkizbeımin.  Kitap oqımyn,sýret salamyn,sportpen shuǵyldanamyn.Demalys-qýanyshty kúnderdiń aıaqtalýyna da az qaldy.Birneshe kúnnen keıin mektepke baramyn. Úshinshi toqsanǵa erekshe yqylaspen, úlken kúsh-qýatpen sabaǵyma kirisemin.

Qys mezgili men úshin erekshe tańǵajaıyp mezgil. Meniń oıymsha, bul kúnderdi óte paıdaly etip ótkizdim. Mine,osylaı meniń qysqy demalysym qyzyqty ári este qalarlyqtaı ótti.

Shymkent qalasy №3 jobbm
6 «g» synyp oqýshysy Mashatbaev Jalal

---