InfoHub Logo

Bilim salasy: «Áleýmettik orta»
Uıymdastyrylǵan oqý is - áreketi: Qorshaǵan orta
Maqsaty: Balalardy óziniń otbasylary, olardyń meıirimdiligi men janashyrlyǵy týraly áńgimeleýge talpyndyrý. Otbasy músheleriniń is - áreketterin baıandaýǵa, baılanystyryp sóıleýge, áńgimeleı bilýge úıretý. Otbasyna jáne týǵan úıine degen mahabbat sezimin týdyrý. Ózderin qorshaǵan ortadaǵy adamdarmen, týystarymen jaqsy qarym - qatynasta bolý áreketterin jetildirý.
Ádis - tásili: Kórsetý, oı qozǵaý, túsindirý, suraq - jaýap, sergitý, oıyn.
Kórnekiligi: Otbasy músheleriniń sýreti, teledıdar, aına, aǵashtyń maketi.

- Balalar, sender bir - birlerińmen dossyńdar, endeshe bárimiz «sıqyrly sózder» oıynyn oınaıyq.
(Balalar bir - birine jaqsy tilekter aıtady)
Teledıdardan beınerolık kórsetiledi. Birneshe balalardyń otbasy músheleriniń jumys jasap jatqan sátterinen úzindiler kórsetý.
- Balalar, biz teledıdardan kimderdi kórdik?
- Anamyzdy, ákemizdi, ájemizdi, atamyzdy, aǵa, tátelerimizdi kórdik.
- Durys aıtasyńdar, bul adamdardy bir sózben jalpy qalaı ataımyz?
- Otbasy músheleri dep ataımyz.
- Teledıdardan tamashalaǵanymyzda Aslannyń atasy ne istep júr?
- Qar kúrep júr.
- Al, Nazerkeniń ájesi ne istep otyr?
- Kórpe tigip otyr.
- Al, Erkenazdyń mamasy she?
- Tamaq pisirip jatyr.
- Al, papalarymyz úıde ne isteıdi?
(Ár bala ózinshe jaýap beredi)
- Balalar, sender úıde mama, papalaryńa kómektesesińder me? Qalaı kómektesesińder?
- Úı jınaımyz, ydys jýamyz, shaı daıyndaımyz, kıimimizdi jınap qoıamyz.
Dıdaktıkalyq oıyn: «Men kimge uqsaımyn?»
Balalar qoldaryna aına alyp, ózderiniń kimge uqsaıtyndaryn aıtyp, maqtan etip, úlgi tutatyn otbasy músheleri týraly aıtady.
Sergitý jattyǵýy:
Bir úıde biz nesheýmiz?
Bir úıde biz beseýmiz.
Bas barmaq - ákem
Balan úırek – anam
Ortan terek – aǵam
Shyldyr shúmek – men
Kishkene bóbek – men
- Balalar, bizde balabaqshada bir otbasymyz. Men senderge «Otbasy aǵashyn» alyp keldim. Osy aǵashqa árqaısymyz óz sýretimizdi ilip, úlken otbasyn jasaıyq.
(Balalar óz sýretterin aǵashqa iledi)
- Minekeı, balalar, biz de endi úlken, tatý - tátti otbasy bolýymyz kerek. Bir - birimizge qamqor bolyp, árdaıym kómektesip júrýimiz kerek. Sonda bizdiń otbasymyz berekeli de, merekeli bolmaq!
Kútiletin nátıje: Bilýi: Otbasy músheleri týraly biledi
Meńgerýi: Suraqqa tolyq jaýap berýdi, kórgenderin baıandaı bilýdi úırenedi.