InfoHub Logo

Bala boıynda bilim nárin sebetin, adamgershilik dánin egetin basty tulǵa - ustaz. Adam janyn nurlandyrar uǵymynyń ulysy – ustaz. Elbasymyz N. Nazarbaev halqymyzdyń bolashaǵy týraly tereńnen tolǵaı, «Memleketimizdiń eń basty dúnıesi tek qana tabıǵı baılyq emes, sonymen qatar jasóspirim urpaǵy, óıtkeni olar- bizdiń ultymyzdyń bolashaq aınasy» degeni málim. Olaı bolsa, jas urpaqqa bilim men tárbıe beretin ustaz – baǵa jetpes bıik tulǵa.

Ustazdyq uly qasıet. Ustaz – bilim nárimen sýsyndaǵan jan. Abaı atamyz «sen de bir kirpish dúnıege,ketigin tap ta, bar qalan» dep aıtqandaı ár oqýshyǵa bilim berip, oǵan ómirlik baǵyt siltep ómirge «kirpish» bolyp qalanýyna zor úles qosýshy- muǵalim. Bilimdi, tártipti, tárbıeli, ınabatty,jany taza rýhy bıik, Otanshyl adamdy, tulǵany qalyptastyryp, baptaıtyn adamnyń ózi de qandaı bolýy kerek, ol kim? Árıne, ol «uly» degen sózben tirkesip keletin ustaz, muǵalim. Elbasymyz Nazarbaev N.Á «Elimizdiń erteńi búgingi jas urpaqtyń taǵdyry ustazdyń qolynda» -dep atap kórsetkendeı, urpaqtyń taǵdyry ustazdyń qolynda» - dep atap kórsetkendeı, urpaq taǵdyry úshin jaýap berý- ustaz ataýlyǵa úlken salmaq tastap otyr. Sondyqtan bizder ustazdar, kúndelikti ómirdiń jaı ǵana adamy emes, bolashaqty qurýshylardy, adamzattyń sáýletti bolashaǵyn jasaýshylardy tárbıelep otyrǵanymyzdy umytpaýymyz kerek.

Mamandyqtyń bári jaqsy desek te, ustaz orny erekshe. Árıne, bári emes, bala janymen bite qaınasqandary ǵana. Ustazdyqty bar ulaǵattyń basy dep biletinderdiń ǵana orny – mektep.

Elimizde túbegeıli ózgerister oryn alyp otyrǵanda ana tilimiz ben tól ádebıetimizdi odan ári damytý – qasıetti paryz. Osyndaı isti abyroı men

Atqarýǵa úlesimdi qosý maqsatynda qazaq tili men ádebıeti pánin tańdadym. Qazaq tili qashanda qudiretti, qasıetti til. Qazaq tili qazaqtyń uly aqyny Abaıdyń, zamanymyzdyń zańǵar jazýshysy Muhtardyń, daýylpaz jyrdyń Qulageri İlıastyń, sulý sózdiń ıesi Sáken men Maǵjannyń tili. Til – ǵasyrdan ǵasyrǵa, zamannan zamanǵa jetkizetin halyqtyń asyl murasy, sarqylmas baılyǵy desek, ádebıet-kórkem shejiresi, tarıhy. H.Dosmuhameduly aıtqandaı, «Tilinen aıyrylǵan jurt-joıvlǵan jurt». Mektep pen baspananyń tili durys bolsa, eldiń tilin kórkeıtip, baıytyp, gúldendiredi, mektep pen baspada qoldaýdan qalǵan til-baqytsyz til. Ol el-sorly el, táýelsizdigi tildiń táýelsizdigimen tikeleı baılanysty jáne tilimizdiń taǵdyry-ózimizdiń taǵdyrymyz. Sondyqtan da ana tilimiz ben týǵan ádebıetimizdiń mereıi úshin qyzmet etip, tilimizdi ózine laıyqty shyńyna qondyrýǵa úlesimizdi qossaq ıgi. Bul týǵan Otan, halyq aldyndaǵy, memleket aldyndaǵy azamattyq, ári perzenttik paryzymyz dep bilemin.

Qazaq tili men ádebıeti –balanyń júregine, boılaı enip, onyń rýhanı órisin boljaı alatyn pán. Qazaq tili men ádebıetin oqytýdaǵy maqsatym – bala qıalyn qıaǵa órleter ǵajaıyp ertegiler, shynshyl da synshyl ańyz-áńgimeler, erlikti dáriptegen batyrlar jyry, shynaıy mahabbatty murat etken áserli ǵashyqtyq jyrlar, ótkir de ómirsheń sheshendik sózder arqyly halqymyzdyń rýhanı qundylyqtaryn boıyna sińirgen, erteńgi elimizdiń tizginin ustaıtyn, jas jetkinshekti tárbıeleý. Árıne shákirtterim ádebı shyǵarmalardy oqý arqyly halqynyń armany men qıalyn, ótkeni men búgingi ómirin tanıdy. Súıikti keıipkerlerdiń arasyndaǵy dostyǵy men súıispenshilinen, patrıottyǵy men eńbekkorlylyǵynan, adaldyǵy men adamgershilik qasıetterinen úlgi alyp, jaqsysyna jany súısinip, jamanynan jırenip, ózinshe oı túıip, jan-jaqty izdene biledi. Daıylpaz aqyn M.Dýlatov «Jalǵyz súıenish, jalǵyz úmit-oqýda...Nadan jurttyń kúni-qarań, keleshegi-tuman» degen eken. Endeshe, egemen eldiń erteńine úles qosatyn táýelsiz memlekettiń sanaly urpaǵy sanalatyn shákirtterimniń izgi saraıyn bilimmen sáýlelendirip, bilimniń bıiginen kórý-men úshin úlken baqyt.

Ablaeva Dalıda

Aqtóbe oblysy, Hromtaý aýdany, Tasótkel orta mektebi.

---