InfoHub Logo

Mamandar bas aýrýyn birneshe turpatqa bóle­di. Qajý saldarynan bastyń aýrýy teginde bas pen moıynnyń bulshyq etteriniń udaıy jıyry­la berýiniń saldarynan bolady. Ol aýrý bas sú­ıegińizdi qyspaqqa alyp, qylqyndyryp jatqan­daı qınaıdy. Saqına (mıgren) mı arterıalarynyń kenet tarylyp ketýinen, sonan keıin keńip sala berýinen týyndaıdy. Kóbine basyńyzdy bir jaǵynan aýyrtatyn, júrek loblytatyn, tym ja­ryq bolýynan, qatty dybystan shoshyndyratyn syrqat lúpil qaqqandaı bolyp kórinedi. Klas­terlik bas aýrý bárinen azap. Ol uzaqqa sozylyp, ara ­tura uzaq ýaqyt báseńdeıdi. Sony arandatý­shy — ishimdik, temeki.

— Bas barmaq pen suq saýsaq arasyndaǵy terini qatty basyp turyp, aınaldyra massaj jasańyz. Aýrý doǵarylǵansha bir qoldan ekinshi qolǵa kóship turyńyz.

—  Basyńyz aýyrǵanda, aıaǵyńyzdy ystyq sýǵa (kúıip qalmasyn) batyryńyz. Qandy aıaqqa tar­typ, mundaı vana bas arterıalaryndaǵy qysym­dy kemitedi. Bas tym qatty aýyrsa, ystyq sýǵa qysha untaǵyn qosyńyz.

— Qatty qajýdan bas aýyrsa mańdaıyńyzǵa ne moıynnyń art jaǵyna ystyq kompres qoıyńyz. Onyń jylýy qajyǵan bulshyq etti jumsartady.

— Aldyńǵy keńeske qarama-­qarsy derlik taǵy bir keńes. Ystyq kompresten mańdaıyńyz jyly­ǵan soń, sonyń ornyna salqyn kompres qoıýǵa da bolady. Bul úshin muz kesekterin oramalmen oraı­syz ne muzdatylǵan kókónis salynǵan dorbashyq­ty paıdalanasyz. Qan tamyrlaryn taryltady.

— Salqyn kompres ornyna qolyńyzdy muzdaı sýǵa batyryp, judyryǵyńyzdy ashyp, jumyp tu­ryńyz. Tym keńip ketken qan tamyry tarylady.

— Bir shynyaıaq ashshy kofe ishińiz. Kofeın qan ta­myrlaryn taryltyp, bas aýrýyn kemitedi.

— Bas aýyrǵanda mańdaıyńyz ben jelkeńizdi qo­sa shúberekpen qatty baılap tastańyz. Keńip ket­ken tamyrǵa qannyń kelýin azaıtasyz.

—  Keıbir efır maılary, ásirese lavanda maıy qajýdy, soǵan baılanysty bas aýrýyn jeńilde­tedi. Ony shekeńizge, mańdaıyńyzǵa jaılap  ja­ǵyp, shalqańyzdan jatyńyz da, ıiske eltińiz. Qa­rańǵy, tynysh, salqyn bólmede jatsańyz tipti durys.

— Jalbyz maıyn da paıdalanýǵa bolady. Ora­malyńyzǵa birneshe tamshysyn tamyzyp, birneshe ret jaqsylap ıiskeńiz.

— Jalbyz shaıy salynǵan qaltashyqtyń ylǵal­dy ekeýin sýdan aryltyp, jabylǵan kózińizge ne mańdaıyńyzǵa qoıyńyz.

— Bas aýrýyn jazýǵa ádette zimbir (ımbır) paı­dalanylady. Onyń tamyr jemisin untaqtap, bir staqan sýǵa bókpen jasańyz da, iship qoıyńyz.

Oqýǵa keńes beremiz:

Bas aýrýy

Halyq emi: Bas aýrýy, sebepteri men emi

Bas saqınasy

Bas aýrýynyń sebepteri

---