InfoHub Logo

Ótken jyly elimizdiń alǵashqy ýnıversıteti – Ál-Farabı atyndaǵy QazUÝ qurylǵanyna 85 jyl toldy. Joǵary bilim berý júıesiniń turaqty avangardynda bola otyryp, QazUÝ ǵylymı turǵyda damýdyń dańqty jolynan ótip, búgingi tańda Qazaqstandy bedeldi halyqaralyq ǵylymı - bilim berý qaýymdastyqtary tanytýda.

QazUÝ búgingi tańda eldiń eń joǵary oqý orny bolyp qana qoımaı, memleket basshysynyń strategıalyq baǵytyn iske asyrý barysynda bilim berý salasyndaǵy sapaly pozısıalardy baǵyndyryp otyr. Bıylǵy jyly QS-da " WUR by Subject " bes pándik salada álemniń 1200-den astam ýnıversıtetteri  saralandy. Ótken jylmen salystyrǵanda QazUÝ "óner jáne gýmanıtarlyq ǵylymdar" páni boıynsha 339 - dan 277-orynǵa, sondaı-aq "áleýmettik ǵylymdar jáne menejment" páni boıynsha 351-orynǵa kóterildi.

"Qazirgi til bilimi" mamandyǵy boıynsha ol, álemniń eń úzdik 100 JOO-na kiredi, al lıngvısıka salasy boıynsha 250 úzdikterdiń qataryna qosyldy. Sonymen qatar, atalǵan kórsetkishke matematıka, ekonomıka jáne ekonomometrıka, fızıka jáne astronomıa mamandyqtary endi. Álemdik standarttarǵa saı bolý úshin QazUÝ ınfraqurylymdy belsendi damytýda. Máselen, 9 jyl ishinde 8 iri jańa nysan paıdalanýǵa berildi. QazUÝ sondaı-aq , IT tehnoparki , ınovasıalyq jáne medısınalyq klassterler quramyna kiretin Ál - Farabı ǵylymı-tehnologıalyq alqabyn qurýmen aınalysýda. Bul oqý ornyn damytý úshin kóptegen ınvestısıa tartýǵa múmkindik beredi.

QazUÝ qazirgi tańda, álemdik deńgeıdegi zertteý ýnıversıtetine aınala otyryp, álemdik reıtıńterde edáýir jyljyp kele jatqanyn atap ótken jón. Máselen, 2019 jyly QS jahandyq reıtıńisiniń nátıjesi boıynsha jetekshi qazaqstandyq ýnıversıtet álemniń úzdik JOO tiziminde 207-orynǵa ıe boldy. QazUÝ elimizdiń jetekshi ýnıversıteti retinde Tuńǵysh Prezıdent– Elbasy Nursultan Nazarbaev qoıǵan - álemniń 200 úzdik JOO tizimine qosylý maqsatynda jumys isteıdi. Sońǵy bes jylda ýnıversıtet "QS WUR" reıtıńisinde 400-den astam pozısıaǵa kóterildi.

QazUÝ basqa da bedeldi halyqaralyq reıtıńterde de alǵa jyljýdyń joǵary qarqynyn kórsetýde. Máselen, "Times Higher Education" Brıtan agenttiginiń zertteý nátıjesi boıynsha QazUÝ Ortalyq Azıadaǵy birinshi bolyp álemdegi eń úzdik joǵary oqý oryndarynyń qataryna endi. "UI Green Metric Ranking of World Universities" eń úzdik ekologıalyq ýnıversıtetterdiń jahandyq reıtıńisinde 172-orynǵa ıe boldy.Eýropalyq ǵylymı-ónerkásiptik palatanyń reıtıńisinde "AA" baǵasyna ıe bolyp, jetekshi eýropalyq joǵary oqý oryndaryna qataryna qosyldy. Belgili halyqaralyq "Great Value Colleges" uıymynyń (AQSH) zertteý qorytyndysy boıynsha ýnıversıtet tehnologıalyq damyǵan joǵary oqý oryndarynyń arasynda 31-oryndy ıelendi.

Ýnıversıtettiń álemdik tanymaldyǵy, turaqty damý jáne onyń halyqaralyq jobalary boıynsha BUU "Akademıalyq yqpal" baǵdarlamasynyń Jahandyq Haby retinde QazUÝ-dyń belsendi qyzmetimen baılanysty. Olardyń ishinde QazUÝ usynǵan " Ýnıversıtet 4.0." sımbıoz negizinde ınovasıalyq-tehnologıalyq jáne rýhanı-adamgershilik platformalar úlken mańyzǵa ıe.

2018 jyldyń 19 sáýir kúni Ál- Farabı atyndaǵy QazUÝ-ne BUU-nyń 2020 jylǵa deıingi turaqty damý jónindegi jahandyq habynyń mártebesin tapsyrýǵa arnalǵan baspasóz konferensıasy ótti. BUU Bas hatshysynyń jahandyq komýnıkasıa jónindegi orynbasary Alıson Smeıl qol qoıǵan serıtıfıkatty tapsyrǵanda, BUU-nyń Almatydaǵy qoǵamdyq aqparat departamentiniń basshysy Vlastımıl Samek Ál-Farabı atyndaǵy QazUÝ-dyń bilim berýde ǵylymı kóshbasshysy bolyp tabylatynyn eskere otyryp, onyń turaqtylyq boıynsha BUU Jahandyq habynyń ókilettigin álemniń myńdaǵan ýnıversıtetteriniń arasynda bildirý úshin úlken abyroıǵa ıe bolǵanyn aıtty.

Ýnıversıtet tarıhy árbir tabysty qadamda, ǵylymı ashylýda, kúndelikti pedagogıkalyq qyzmette jáne onyń ınovasıalyq ıgerýinde bizdiń ótken tájirıbemizdiń bir bólshegi bar ekenin dáleldedi. Búgingi jetistikter QazUÝ-dyń 85 jyldyq tarıhymen jáne qalyptasqan dástúrlerimen kórinip otyr.

A.A. Nurjanova ál - Farabı atyndaǵy Qazaq Ulttyq Ýnıversıtetiniń 4 kýrs stýdenti   

R.S. Jarqynbaeva ál - Farabı atyndaǵy Qazaq Ulttyq Ýnıversıtetiniń profesory

---