InfoHub Logo

Myńbaı jastaıynan pysyq bolyp ósip, «batyl bala» atanady. Ol ańǵa shyqqanda da batyldyq kórsetip, «mergen bala» atanǵan. Ústine mingen soń qandaı asaý taı, qunan túgili at týlasa da, jyǵylmaıdy eken. Myńbaı attyń ústinde ózi otyryp, qasyna kelgen adamdy jaǵasynan ustap joǵary tik kóterip áketetin kúshti de bolǵan.

Myńbaı batyr Syrym batyr jáne Súıinqaramen zamandas, birge bolǵan. Bular qalmaqtardy  Edil-Jaıyqtan Mańǵystaý, Atyraý túbekterinen qýyp, Astrahannan ári asyryp jibergen. Aqyn Murat Móńkeuly bylaı dep jyrlaǵan:

Bısmılla sóz bastaıyn Jappar Qudaı,
Asylym topyraqtan, denem sýdaı.
Ótpegen atsa myltyq, shapsa qylysh,
Ótipti Talashyda batyr Myńbaı...

Birde Myńbaı alys joldan sharshap, sýsap kele jatyp, bir jalǵyz aqboz úıge tap bolady. úıde boıjetken qyz otyrady. Áke-sheshesi qasyndaǵy aýylǵa toıǵa ketipti. Qyz kelgen adamnan qorqady.

Ony baıqaǵan Myńbaı batyr: «Qalqam, menen qoryqpa. Zıanym joq adammyn», — deıdi.

Qyz shaı qaınatyp beredi. Myńbaı kerege basyndaǵy ilýli turǵan sadaqty alyp, bir-eki ret tartyp kóredi de, ornyna qaıtyp ilip qoıady. Qyz shyǵyp, toıdan kelgen áke-sheshesine úıde qonaqtyń baryn, onyń sadaqty tartyp kórgenin aıtady. Uı ıesi Myńbaı batyrmen tanysyp, úsh kún qonaq etedi. Keterinde úı ıesi Myńbaıǵa at mingizip, sadaqty qosa beredi.

Oqýǵa keńes beremiz:

Juryn batyr

Qaralda batyr

Qozyúı batyr

---