InfoHub Logo

Tárbıe saǵaty
Taqyryby: Myqty otbasy – myqty memleket
Maqsaty: Otbasy músheleriniń arasyndaǵy baýyrmaldyq, ata - anasyn, jora - joldasyn syılaı biletin, azamat tárbıeleýmen qatar, ulttyq tárbıeni nasıhattaý.
Ádisi: Suraq - jaýap, pikir alysý, óz oıyn ortaǵa sala bilý.
Kórnekiligi: Úlestirmeli kesteler, danalyq sózder, kompúter, baıandamalar, plakattar.
Naqyl sózder:
1. «Anań - asyl qazynań, ákeń - asqar taý».
2. «Ata - ananyń mindeti - tárbıeleý jáne jaqsylyqty úıretý».
3. «Bala - bizdiń bolashaǵymyz»
4. «Bala ákeden aqyl, anadan meıirim alady».
5. «Bala - ómirdiń jalǵasy, otbasynyń jemis berer gúli».
6. «Balaǵa sińirgen ata - ana eńbegin bala ómir boıy aqtap bola almaıdy. Balaǵa degen mahabbatqa eshbir mahabbat teńdese almaıdy, ol óle - ólgenshe sýsyndaıtyn mahabbat.
Ǵabıden Mustafın
Túri: Ata - ana men balanyń arasyndaǵy syılastyqty kúsheıtý.

Barysy: Qaıyrly kún, qurmetti ustazdar, ata - analar, shákirtter! Biz búgin keremet bir ǵajaıyp álemge saıahatqa baramyz. Qalaı oılaısyzdar, ol qandaı álem bolýy múmkin? Qane, oılanyp kórińdershi. Ol bir ózi kishkentaı ǵana shaǵyn memleket. Al olaı bolsa, ol memlekettiń aty «Januıa» eken. Búgingi taqyrypta osy memleket jóninde órbimek. Bul memleket qandaı bolýy kerek?
 Baqytty, tatý, ónerli, úlgili.
Sonymen, búgingi ata - analar men bala birlesken «Myqty otbasy – myqty memleket» atty tárbıe saǵatymyzǵa qosh keldińizder.

Jaqsydan jaman týady,
Bir aıaq asqa alǵysyz.
Jamannan jaqsy týady,
Adam aıtsa nanǵysyz.
Otbasy - adamzat besigin terbetken balanyń bas ustazy - ata - ana. Ultymyzda «Uıada ne kórseń, ushqanda sony ilersiń» degen dana sóz bar. «Bala qyran bolý úshin ony samǵatyp ushyratyn ata nemese áke de qyran bolý kerek»- dep otbasylyq tárbıege erekshe toqtaǵan. Ár otbasynda ata - ananyń orny bólek. Bala ákeden - aqyl, anadan - meıirim alady. Áke - otbasynyń asyraýshysy, qamqorshysy, tiregi dep bilesiń, ana otbasynyń uıtqysy, jylýy, shýaǵy, jaqsy ana otbasyna bereke ákelip, januıasyn baqytqa bóleıdi.
Ata - anaǵa baladan jaqsy eshkim joq. «Bala - adamnyń baýyr eti» degen naqyl sóz bar. Sondyqtan qaı ata - ana bolmasyn balasynyń bilimdi, mádenıetti, tártipti, ádepti bolýyn qalaıdy. Bala ómirdiń jalǵasy, kóz qýanyshy, shańyraq ıesi dep urpaq tárbıesine kóp kóńil bólgen. Qaı halyq bolsa da úmitin eń aldymen urpaǵynan kútedi. Janǵan otyn sóndirmeı, tútiniń tútetip, artyna urpaq qaldyrýdy kózdegen. Al tárbıeniń kózi - ata - babamyzdan qalǵan aqylda, dana sózderde.

Bizdiń tárbıe saǵatymyzdyń maqsaty shaǵyn memleketimiz «januıany» myqty memleketke aınaldyrý. Ol úshin myqty memleket – januıamyzǵa berik bosaǵa, keń kerege, úlken tereze, myqty shańyraq kerek.

Bizdiń oıynymyzǵa ata – analar men balalar qatysady. Kirpishterge jazylǵan sózdermen bizder ózimizdiń Úıimizdi qalaıyq. Bizder balalar barlyǵymyzda óz ómirimizdiń qurylysshysymyz. Bizdiń úıimizdiń fýndamenti neden turady eken?
Oqýshylarǵa aktýaldyq suraqtar:
1. Úı degendi qalaı túsinesiń?
2. Úıdiń jylý, ata – ananyń aıaly alaqany degendi qalaı túsinesiń?
3. Baqytty otbasy degendi qalaı túsinesizder?

Bizdiń aldymyzda úı salatyn mynandaı kirpishter jatyr:
1. baılyq.
2. baýyrmaldyq
3. tatýlyq
4. qaıyrymdylyq
5. ádeptilik
6. ınabattylyq
7. shydamdylyq
8. toleranttyq
9. túsinistik
10. izettilik
11. aýyzbirlik
12. senimdilik
13. mahabbat
14. ata – ananyń balaǵa degen mahabbaty

Osy kirpishterdiń kómegimen bizder óz úılerimizdi turaıyq. (Balalar úı turǵyzýǵa kirisedi)
Balaǵa teris áser etedi.
 Januıadaǵy janjal
 Úlkenderdiń aýzyna kelgen sózderine aıtýy
 Balalardyń kózinshe basqa bireýdi sógýi
 Basqalardyń syrtynan ósek aıtý
 Araq ishý
 Temeki tartý

Buzaqylyqtyń basy bos júrýden bastalady.

Qıpaqtaıdy qıt etse anań, ákeń,
Qaıtsem ǵana osyny adam etem,
Basqalardyń osyndaı balalary,
Tap osyndaı jańǵalaq shala ma eken
Oıym emes, ollahı, bizdikiniń…
Enjarlyǵy elde joq alabóten
Týa sala tulpardyń jalyn tartqan;
Qyrǵılarǵa qyzyǵyp qarap ótem.
Jaryq syılap mańyna jylý syılap,
Bu da bir kún alaýdaı jana ma eken?
El qatarly eleýli eńbek etse - aý
Bolmasa da top jarǵan dara bóten.
Múshe tistep myqtylar toı jasasa,
Jerge qarap men sorly qalar ma ekem?
…. Úmit pen kúdiktiń ortasynda
Ata - ananyń úmiti talady eken!
Muzafar Álimbaev

Mine osylaısha óz balasynyń bolashaǵyna alańdap, «Qaıtsem de balamdy adam etem» degen ata - ananyń armany balasymen birge jasaıdy eken.
Ata – anaǵa beriletin keńes

1 1. Balańyzdy ózine — ózi qyzmet etýge daıyndańyz
2. Januıada bala tárbıesine birdeı talap qoıa bilińizder
3. Balaǵa ýáde bergennen keıin oryndaýǵa tyrysyńyz
4. Balańyzdyń óz betimen áreket jasaýǵa múmkindik berińiz.
5. Balańyzǵa súıispenshilikpen qarańyz.

Oı tolǵanysy.

1. Eger balany synyp otyrsa, oqýǵa qulqy bolmaıdy.
2. Balany qoldap otyrsa, bilimge degen yntasy artady.
3. Balaǵa senim artsa, ol batyl bolady.
4. Bala tózimdilikte ósse, adal bolady.
5. Bala qaýipsiz jaǵdaıda ósse ol adamǵa senimmen qaraıdy.
6. Bala kekshildikte ósse, ol qatigez bolady.
7. Bala adaldyqta ósse, ádil bolady.

Bizdiń balalarymyz turǵan úıimizge qarap, ata – analar men oqýshylardyń pikirin tyńdaımyz.

Maqal - mátel ortalyǵy.
№ 1
1. Áke týraly maqal bilesizder me? Aıtyp kórińiz.
2. Maqaldy jalǵastyr. Otandy súıý ………
3. Myna maqaldyń maǵynasyn ashyp berińizshi: «Áke - altyn dińgek»
№ 2
1. Otan týraly maqal bilesizder me? Aıtyp kórińiz.
2. Maqaldy jalǵastyr Mektep…… bilim….
3. Myna maqaldyń maǵynasyn ashyp berińizshi: « Jaqsy sóz jan súısindiredi, jaman sóz jan kúıindiredi.»
№ 3
1. Ana týraly maqal bilesizder me? Aıtyp kórińiz.
2. Maqaldy jalǵastyr: Bala - adamnyń…
3. Myna maqaldyń maǵynasyn ashyp berińizshi: «Otbasyna qarap bala ósedi, qaraǵaıǵa qarap tal ósedi»

№ 4
1. Dos týraly maqal bilesizder me? Aıtyp kórińiz.
2. Maqaldy jalǵastyr Ata…… bala….
3. Myna maqaldyń maǵynasyn ashyp berińizshi: « Balaly úı bazar»
№ 5
1. Bala týraly maqal bilesizder me? Aıtyp kórińiz.
2. Maqaldy jalǵastyr: Ananyń súti bal,……….
3. Myna maqaldyń maǵynasyn ashyp berińizshi: «Ata - ananyń aqyly - qazýly qara jolmen teń»

Qorytyndy.
Tal terekke aınalý úshin, al bala kókiregi oıaý, jan - jaqty damyǵan Adam bolý úshin qandaı jaǵdaılar áser etýi múmkin?
Tal - terek
Qolaıly ---
Qolaısyz ---

Bala - Adam
Jaqsy ---
Jaman ----

Muǵalim: Qurmetti ata - analar, ustazdar jáne oqýshylar!
Sizderdiń otbasylaryńyzǵa synybymnyń atynan tek jaqsylyq tileımin!
Qyzdaryńyz qyzǵaldaqtaı qulpyra bersin, uldaryńyz izgi armandaryńyzdy oryndaı bersin degen tilekpen búgingi tárbıe saǵatyn tamamdaımyn. Kelgen qadamdaryńyzǵa gúl bitsin! Kelesi kezdeskenshe hosh saý bolyńyzdar!