InfoHub Logo

Serke gazeti — Reseıde bolǵan birinshi revolúsıa ekpinimen shyqqan baspasóz túriniń biri bolǵan tuǵyn. Alaıda bul gazettiń jabylýyna áserin tıgizgen birden-bir sebep — aqyn-jazýshy Mirjaqyp Dýlatovtyń maqalalary. Sonyń ishinde: “ Jastarǵa” atty óleńi men “Bizdiń maqsatymyz” atty maqalasy. “Bizdiń maqsatymyz” maqalasynyń jarıalanýynda saıası astary men máni bary aıqyn.  Ony maqalanyń myna bir joldarynan baıqaımyz: “...Ózderińiz kóz jazbaı baıqap otyrǵandaı... chınovnıkter, ýrádnıkter kedeı qazaqtardy uryp- soǵyp, mal-múlkin tartyp, oıyna ne kelse sony istedi...” Iaǵnı osy sózderi    patsha ókimetiniń qytyǵyna tıip, gezettiń jabylýyna áser etýi ábden múmkin:

•Qazaqtyń shuraıly jerlerin orystarǵa bermeý qajettigi jóninde; 

•Mal-múlikterine ıe bolýy jóninde;

•Halyq óziniń talap- tilekterin ashyq bildirý qajettigi jóninde;

•Qazaq azamattary ishinen jer aýdarý  kóbeıgendigin  qozǵap, qazaqtardy oıatýǵa tyrmysqan Mirjaqyp maqalasynnyń taraýy, gazet betteriniń jabylýyna  túrtki  boldy.

Sol kezdeńde qazaqtardyń, jumysshylar men sharýalardyń jekelegen baskóterýleri oryn aldy. Ol jyldardaǵy mańyzdy oqıǵalardyń biri qazaqtardyń Reseı Memlekettik Dýmasynyń jumysyna qatysýy boldy. Halyq oıanýy úshin qazaq zıalylary úlken úles qosty. Olar, atap aıtqanda, Á. Bókeıhanov, A. Baıtursynov, M. Dýlatov jáne basqalar edi. Qazaq zıalylarynyń kóshbasshylary halyqtyń saıası jaǵynan kózin ashý úshin onyń boıynda bilimge degen qulshynysty oıatý, saýatsyzdyqty joıý qajet ekenin túsindi. Qazaq zıalylarynyń búkil qyzmeti osy maqsatqa arnaldy deýge de bolady. Maqalanyń baǵyty — halyqty oıanýǵa úndeý boldy.

Al endi qazirgi mezetke oralsaq, búgingi tańnyń jýrnalısteriniń  boıynynan osyndaı batyldyq tabyla ma? Qazir ashyq pikir, aıqyn oı, sóz bostandyǵyn paıdalanýǵa múmkindik berildi me? Bul suraqtardyń jaýabyn tabý úshin  birneshe jáıttarǵa kóz júgirtip, jan-jaqty qarastyraıyq. Qazaqstan memleketi demokratıalyq baǵyt ustanǵan memleket ekeni bárine málim. Táýelsizdiktiń alǵashqy jyldarynda buqaralyq aqparat quraldarynda nemese kógildir ekran betinen ashyq bildirilgen pikir men maqalalardy kórdik, alaıda búgingi kúnimizde  buqaralyq aqparat quraldary men jýrnalıser baspa betinde oı-pikir, kózqaras bildirý eshqandaı qıyndyqty týyndatpaıdy. Árbir sala mamany jeke pikir men oıyn ashyq aıtyp, áleýmettik jelilerge de júkteı alatyn  múmkindikke jettik. Biraq bul sóz bostandyǵyn teris paıdalanýshylyqqa jol berý degen sóz emes. Sebebi “Sóz Bostandyǵy - «Aqparat bostandyǵy”   azamattyń saıası quqyqtary men adamnyń negizgi jeke quqyqtarynyń biri.

Búrkitbaeva Aqbala Amangeldiqyzy

---