InfoHub Logo

Janýarlar áleminde ǵalamshar kóleminde bolmaǵan ózgeris júzege asty. Patshalyq úı mysyǵynyń qolyna kóshti. Sol eken, kóp ýaqyt ótpeı óz-ózin Qudaı kórdi. Bıligin asyra paıdalanýdy úırendi. Óziniń esýastyǵymen patshalyq aspanyndaǵy kúndi búrkedi.  Barlyǵy shoshıtyn ámirleriniń biri ıt ataýlyny joıý edi.

Jendetter úkim oryndamaı qoıady ma, shetinen bárin qyrǵynǵa ushyratty. Sońǵy ıt qalǵanda úkim shyǵarýshy óz kózimen kórýge keledi. Aldyńǵy qatarǵa qas dushpandary ústinen jeńiske jetkenine massattana, shirene jaıǵasty.  Úkim júzege asyrylatyn sátte, qarqyldap kúlgen aıýannyń aýyzyna ıttiń qany shashyrap ketti.

Sol kúnnen ury-qarylar kóbeıdi. Kósheden shubyrǵan mas mysyqtar túnniń mazasyn qashyrdy. Keıbir janýarlar bir popýıasıa ólgen kúnine laǵynet aıtsa, keıbiri qýandy. Sebebi, sol kúnnen beri basshylaryn eshkim kórmedi. Ol, saraıdaǵy bólmesinen attap shyqqan joq. Qyzmetkerleri onyń qyńsylaǵan daýysyn ǵana esitip júrdi.

«Aýrýǵa shaldyǵyp qalǵan shyǵar» - degen oımen saraı dárigeri esigin úrke ashty. Tilge de kele almaı dirildep ıt jatyr. Júregi artqa tartyp, «Ana jolǵy... sońǵy emes eken»- deýge zorǵa tili keldi. So zamat jendetter qaptap, tósek ústindegin janýardy ustap túrmege japty. Kúlli patshalyqtyń túkpir-túkpirine sheıin izdeý bastaldy. Nátıje bergen joq. Sheshim shyǵaratyn basshysyz ol sol jerde jan tapsyrdy.

El arasynda «Ámirshi ıtke aınalypty», «Ony túrme ishine kómý kerek edi», «Ózine de sol kerek» degen syńdy qaýeset áńgimeler tolqyn aıdaǵan kóbikteı kópire berdi.

Patshalyq taǵyna arystan otyrdy. Táj kıgizý rásiminde aspandaǵy bulttar ketip, patshalyq aspanyna kún shyqty. Al, mysyqtar tyshqan aýlaǵa kiristi.

---