InfoHub Logo

Mobılızasıalanǵan sarbazdyń biri 27 qyrkúıekte kóz jumǵany belgili boldy. Zvezdnyı aýylynyń turǵyny Borıs Shavaev Kabardın-Balqarda, áskerı bazada sapqa turý kezinde júrek talmasynan kóz jumǵan. 

Qyrkúıektiń 28-i kúni Tómen mańyndaǵy Andreevskıı eldi-mekeninde mobılızasıaǵa shaqyrylǵan er adam qaıtys boldy. 11 qazanda Tómen garnızony boıynsha Tergeý komıtetiniń áskerı tergeý basqarmasy er adamnyń ólimine qatysty qylmystyq is qozǵalyp, tergelip jatqanyn habarlady, biraq egjeı-tegjeı naqty aqparat aıtylmady.

28 qyrkúıekte Zabaıkale ólkesiniń ońtústik-shyǵysyndaǵy áskerı bólimde de er adamnyń máıiti tabyldy. Ólim faktisi áskerı tergeý departamentinde jýrnalıserge rastaldy, biraq sodan beri basqa málimetter aıtylǵan joq.

3 qazanda Novosibir joǵary áskerı komandalyq ýchılıshesinde mobılızasıalanǵan er adamnyń qaza tapqany týraly habarlandy. Bul týraly aqparatty Novosibir oblysyndaǵy Adam quqyqtary jónindegi ýákil Nına Shalabaeva rastady. Onyń aıtýynsha, er adam uıyqtap jatqanda qaıtys bolǵan. Keıinirek marqumnyń 35 jastaǵy Bratsk qalasynyń týmasy Aleksandr Koltýn ekeni anyqtaldy.

3 qazanda Sverdlov oblysynda mobılızasıalanǵan úsh adamnyń qaıtys bolǵany belgili boldy. Eki adam Poroshıno aýylyndaǵy Qorǵanys mınıstrliginiń oqý-jattyǵý ortalyǵynyń Elan garnızony aýmaǵynda kóz jumǵan. Taǵy bireýi aýyryp, úıine jiberilgennen keıin qaıtys bolǵan. Bılik úsheýiniń ólimine qatysty qysqasha ǵana "tergep, zerttep jatyrmyz" dep jaýap qatty.

4 qazanda BAQ Omby áskerı bóliminde mobılızasıaoanǵan Krasnoıarsk azamaty Dmıtrıı V-nyń (aty-jóni belgisiz) qaıtys bolǵanyn habarlady.

5 qazanda mobılızasıalanǵandardyń biri Penzadaǵy polıgonda oqý-jattyǵý jıyndary kezinde qaıtys boldy. Áli kúnge deıin 41 jastaǵy marqumnyń aty-jóni jarıalanǵan joq. 11 qazanda Penza oblysyndaǵy adam quqyqtary jónindegi ýákil Elena Rogova RBK-ǵa mobılızasıalanǵan adamnyń qaza tapqanyn rastady.

Asemhan Arýjan

---