InfoHub Logo

Mektep dırektorlary 3 jyl saıyn attestasıadan ótip turýǵa mindettelip otyr. Bul synnan jaqsy nátıje kórsetken basshylar aı saıyn aılyǵynyń 100 paıyzy kóleminde ústemeaqy alýy múmkin. QR Bilim jáne ǵylym mınıstri Ashat Aımaǵambetov Facebook paraqshasynda osy ózgeristerdiń qalaı engizilip jatqanyn túsindirdi.

Áýeli ol bir mektepke uzaq ýaqyt boıy dırektor bolý úrdisine resmı túrde shekteý qoıylǵanyn eske saldy.

«Bir uıymda uzaq ýaqyt jumys isteıtin mektep dırektorlary úshin alǵash ret rotasıa júıesi engizildi. Endi olar bir uıymda 7 jyldan artyq basshy bola almaıdy. Rotasıa bastaldy jáne jyl boıy júrgiziletin bolady.

Sondaı-aq 2021 jyly bilim berý uıymdary dırektorlary quramynyń sapasyn jaqsartý úshin naqty merzimder, krıterııler, testileýdi engize otyryp, laýazymǵa taǵaıyndaýdyń jańa júıesi engizildi», - dep jazady Ashat Aımaǵambetov.

Sonymen birge, ol dırektorlarǵa arnalǵan biliktilik sanattary qalaı iske asatynyn túsindirdi.

«Olar óz jalaqysynan 30%-dan 100%-ǵa deıin aı saıynǵy ústemaqy ala bastady. Bul qalaı jumys isteıdi? Ár 3 jyl saıyn dırektor attestasıadan ótýge mindetti. Atestattaý nátıjesi boıynsha basshy sanattardyń birin alady, onymen birge 3 jylǵa jáne aı saıynǵy qomaqty ústeme aqy (jalaqynyń 30%-dan 100%-ǵa deıin) taǵaıyndalady. Jumys tıimdiligi óte tómen bolǵan jaǵdaıda basshy jumystan shyǵarylady», - dedi Bilim jáne ǵylym mınıstri.

---