InfoHub Logo

QR Bilim jáne ǵylym mınıstrligi muǵalimderdiń baǵa qoıý jumysyn jeńildetý úshin elektrondyq kúndeliktiń mobıldi qosymshasyn shyǵarýdy kózdep otyr.

QR Bilim jáne ǵylym vıse-mınıstri Ashat Aımaǵambetov Ortalyq komýnıkasıalar qyzmetinde ótken baspasóz máslıhatynda osylaı málim etti.

«Elektrondyq jýrnaldar muǵalimderdiń júktemesin azaıtý maqsatynda engizilgen. Qazirgi ýaqytta Qaraǵandy oblysy men Almaty qalasynda synalyp jatyr. Áıtse de, elektrondy jýrnaldy toltyrýdyń qaǵaz jýrnaldy qosa toltyrýdy qajet etpeıtinin qansha jazsaq ta, keı mektepterde qos jýrnaldy qatar toltyrý jaǵdaılary kezdesken. Sol sebepti, QR BǴM Buıryǵyna keń jolaqty ınternet qoljetimdi bolsa, bilim berý uıymy jýrnaldy tek qana elektrondy túrde júrgizedi degen ózgeris engizdik», - dedi Ashat Aımaǵambetov Ortalyq komýnıkasıalar qyzmetinde ótken baspasóz máslıhatynda.  

Oǵan qosa, mınıstrlik muǵalimderdiń baǵa qoıý jumysyn jeńildetý úshin mobıldi qosymsha jasaý jáne mektepterdegi Internet sapasyn jaqsartý máselelerin sheshýde.

«Elektrondy jýrnaldy ońaı paıdalaný úshin mobıldi qosymshanyń bolýy mańyzdy. Synamaly jobalar qosymshalardyń muǵalimderge óte yńǵaıly ekenin kórsetti. Shamamen kóktemde mobıldik qosymshalar daıyn bolady jáne kópshilikke tanystyrylady. Osylaısha, muǵalimder mobıldik qurylǵylary arqyly oqýshylarǵa baǵa qoıady», - dep óz sózin túıindedi vıse-mınıstr.

QazAqparat

---