InfoHub Logo

Italályq sýperkar óndirýshileri jańa ónimderin usyndy. Olardyń bul usynystary birqatar ınjenerlik sheshimdermen búgingi barlyq avtoónerkásipti myńjyldyqqa ozyp tur. Kompanıa kem degende, óz ónimderin úshinshi myńjyldyqtyń jobasy túrinde tanystyrýda.

Terzo Millenio - atynyń ózi aıtyp turǵandaı, kóliktiń ataýy ıtalán tilinen aýdarǵanda «úshinshi myńjyldyq» degen maǵynany bildiredi. Bul avtokóliktiń basty jańalyǵy — asa jeńil kýzovy bolyp tabylady, óıtkeni ol ózdiginen qalpyna keletin erekshe karbonnan jasalǵan.

Lamborghini men MIT-tiń birlesip shyǵarǵan erekshe tehnologıa kýzovqa kelgen zaqymdy taýyp, ony óziniń arnaıy hımıalyq quramy arqyly «emdeı» alalady.

Bul kýzovtyń keremet erekshelikteriniń negizgisi emes. Sýperkar tórt elektromotormen qozǵalady, olardyń qýaty ázirshe jasyryn. Biraq, árıne, qýattary az emes ekeni anyq. Endi osy jerde kýzovtyń basqa ereksheligi aldyńǵy planǵa shyǵady, sebebi ol elektromotorlar úshin batareıa da bolyp tabylady.

Batareıa blogy nanotútikterdi qoldaný arqyly ınovasıalyq materıaldan jasalǵan. Ol óte jińishke bolyp, kýzovtyń ishindegi ishki jáne syrtqy batareıalardyń arasyna quıylǵandaı.

Sonymen qatar, Terzo Millenio bir zarádpen uzaqqa júrý jáne energıa qorlaryn tez toltyrýmen qamtamasyz ete alatyn sýperkondensatorlarmen jáne kınetıkalyq energıany qalpyna keltirý júıesimen jabdyqtalǵan.

Atalǵan sýperkar serıalyq shyǵarylymdy bolmaýy múmkin. Biraq jaqyn arada birqatar ınjenerlik sheshimder avtoónerkásipte qoldanys taba alýy ábden múmkin.

Lamborghini kompanıasynyń jetekshi menejerleriniń biri Maýrısıo Reggıanıdiń aıtýynsha, keıbir komponentter serıalyq shyǵarylymǵa enýine jaqyn, al keıbireýine áli ýaqyty kelmedi.

Qalaı bolǵanymen Terzo Millenio jobasy avtomobıl túrinde bolmasa da, ınjenerlik sheshimder serıasy retinde iske asyrylatyny anyq.

Derekkózi: auto.vesti.ru

---