InfoHub Logo

"Ustaz bolý-júrektiń batyldyǵy,

Ustaz bolý-sezimniń aqyndyǵy",-dep alty Alashtyń ardaqtylary jyrlaǵandaı, sanaly urpaqty bilim nárimen sýsyndatyp, ushqyr oıly etip tárbıeleý de-uly is.Búgingi suqbatym -bilim ordasynda eleýli qyzmet kórsetip júrgen qazaq tili jáne ádebıeti pániniń mamany Nazıra Bopınaevamen bolmaq.

1. Sálemetsiz be?! Suqbat berýge keliskenińiz  úshin alǵysymdy bildiremin.Suqbatymyzdy ustazdyq qyzmetti tańdaý sebebińizden bastasaq..

-Qaıyrly kún! Jalpy alǵanda, men ulaǵatty ustazdyń otbasynda dúnıege keldim.Otbasymdaǵy jaqyndarymnyń barlyǵy da-ulaǵatty ustazdar.Men sol kisilerge eliktep óstim.Ustazdyq qyzmetke kelýimniń de basty sebebi-óskeleń urpaqqa sapaly bilim, sanaly tárbıe berý bolatyn.Bul mamandyq biliktilikti ǵana emes, sabyrlylyq pen jan-jaqtylyqty da talap etedi eken.Ustazdyq etý-keleshekke dańǵyl jol salý.Sondyqtan da men osy qyzmetti tańdadym.

2. Ustazdardy ulyqtaý-eń asyl is.Qazirgi tańdaǵy ustaz ben oqýshynyń arasyndaǵy syılastyqqa kóńilińiz tola ma?

-Búginde qoǵam arasynda túrli keleńsiz jaıttar oryn alyp jatqany daýsyz.Keıbir mektep oqýshylarynyń jaǵymsyz qylyqtary kóńilimdi túsiredi.Ustazǵa syılastyq tanytý qajet.Iá, muǵalim tarapynan qatelik ketpeıdi dep aıta almaımyn.Biraq, bilikti ustaz-shákirtin jaqsylyqqa ǵana jeteleıdi, bilim kógine shyǵarady.Menińshe, kez-kelgen oqýshynyń boıyndaǵy syılastyq qasıetin oıatýy qajet.

3. Ustazdyq qyzmet neni maqsat etedi dep oılaısyz?

-Ustazdyq etý-ǵıbratty is.Ol-tálim men tárbıeni ushtastyrý, shákirt bolashaǵyn kúıtteý jáne oqýshyny bıik belesterge jeteleý.Keleshek urpaqty ultjandylyqqa tárbıeleý de-ustazdyń paryzy.Erteńgi el jaqsylaryn qalyptastyrý jolynda aıanbaı ter tógetin de-ustaz.Sondyqtan da onyń baǵasy bıik.Ustazdyq qyzmettiń muraty san qıly dep bilemin.

4. Shákirtterdi jeńis tuǵyryna shyǵarý úshin ustaz talmaı eńbek etetini haq.Oqýshy boıyndaǵy qyzyǵýshylyqty oıatý úshin qandaı sharalardy qolǵa alý qajet?

-SHákirtin bilimdilikke tárbıeleý úshin ustazdyń boıynda etıka men estetıkanyń bolýy shart.Ár sabaǵyn qyzyqty ári este qalarlyqtaı etip ótkizse, oqýshynyń da talaby oıanady.Ustaz shákirtterin bólip-jarmaýy kerek.Osy baǵytty ustanamyz dep oqýshynyń qyzyǵýshylyǵyn joıamyz.Bar kináni onyń boıynan izdeımiz.Al, shákirtin qanattandyrýshy-ustaz.Sabaqty uǵynymdy túrde túsindirsek-qyzyǵýshylqty da oıatatynymyz aıdan-anyq.

5. Áńgimemizdi jeke ómirińizge oıystyrsaq, bala kúnińizden kimge eliktep óstińiz?

-Myna jaryq dúnıedegi shýaǵyn tóger jaqsyny -aq sút bergen aıaýly ana tálim bere otyryp, boıyna bar baǵalyny sińirtedi.Bıik bastamany qalaýyma sebepker bolǵan da-meniń ardaqty anam.Es bilgen shaǵymda:  "Qyzym, eshýaqytta adamdyqtyń arynan attama.Kúndeı kúlimdep, ózgelerge ystyq meıirimmen qarasań, nur ústine nur bolady.Kez-kelgen isti baıyppen basta.Synaqtarǵa mújilip, ózińdi qurdymǵa ketirme.Jaqsylyq jasaýdan jalyqpa." dep asyl sózderin jadyma toqıtyn.Osyndaı tunyp turǵan danalyqtyń ıesi-anamdaı qadirli adam atanǵym keledi.

6.Keremet! Al, myna ómirde ne nársege alǵys aıtar edińiz?

-Eń áýeli, Jaratýshynyń syılaǵan árbir tańyna alǵysymdy bildirgim keledi.Jaqyn jandarym men aıaýly shákirtterimniń qamqorlyǵy men qurmeti janymdy erekshe jadyratady.Kóńilimdi kóktemdeı qubyltatyn ustazdyq qyzmetime aıtar alǵysym bir tóbe.

Suqbatyńyzǵa kóp raqmet! Sizge shyǵarmashylyq tabystar tileımin.

Arýjan Samıdın

---