InfoHub Logo

Ábdildá TÁJİBAEV:

Muqaǵalı Maqataev — bizdiń zamandaǵy ǵajaıyp aqyndardyń biri.

Maqataev atty alyp aqyndyq jarqyn júzine, mıllıon adam mıllıon túrli pikir paıymdasa da, eshbir kireýke, kóleńke túspeı keleshekke qaraı kerýen túzep, kóshe bermek.

Muqametjan QARATAEV:

...Aramyzdan tym erte ketken tamasha aqynymyz Muqaǵalı Maqataevtyń alǵashqy qadamynda-aq onyń aıaq alysynan aıryqsha talant ıesi ekenin ańǵarýǵa bolatyn edi.

Ańǵarmappyz...

K.V.SKVORSOV:

Qazirgi qazaq ádebıeti týraly sóz qozǵasam, aýzyma eń aldymen, asa iri aqyn Muqaǵalı Maqataev túsedi. Onyń tvorchestvosymen kópten tanyspyn. Aýdarmalary dittegen jerden shyqpaı jatsa da, onyń aqyndyq qýat deńgeıi men parasat órisi kim-kimdi bolsyn tańǵaltpaı qoımaıdy.

Mıhaıl KÝRGANSEV:

Muqaǵalı Maqataev poezıasy arqyly qazaq ádebıetinde óte jarqyn, kúshti de kórnekti jańa bir dara tulǵaly aqyn paıda bolǵan eken-aý dep te aıta alamyn. Onyń tvorchestvosy bizdiń boıymyzǵa qýanysh, maqtanysh, rýhanı kúsh-qýat quıady.

Ábish KEKİLBAEV:

M.Maqataev — adamdar arasyndaǵy, ómirdegi, tabıǵattaǵy jarastyq pen kelisimniń jyrshysy. Onyń... óleńderi shyn tebirenisten, shyn shabyttan, shyn kúızelis pen shyn qýanyshtan, shyn saǵynyshtan týǵan.

Tumanbaı MOLDAǴALIEV:

Qazaq jyrynyń aspanyndaǵy az ǵana juldyzdardyń arasynan seniń juldyzyńdy biz ońaı tanýshy edik. Seniń juldyzyń — eń shuǵylaly, eń meıirimdi juldyz.

Qadyr MYRZALIEV:

Ádebıetti salynyp jatqan ǵalamat bir ǵımarat, kók tiregen kúmbez, sulýlyq saraıy dep eseptesek, sen sonyń talantty tas qalaýshylarynyń biri ediń.

Zeınolla SERİKQALIEV:

Muqaǵalı murasy, sulýlyq úlgisi bizdiń búgingi ıgiligimiz ǵana emes, Muqaǵalı murasy, marjan poezıasy — bolashaq urpaqtardyń da enshisi, qasterlep-qadirleıtin qazynasy.

---