InfoHub Logo

Sabaqtyń taqyryby: M. Áýezov «Kókserek» áńgimesi
Sabaqtyń maqsaty:
1. Áńgime mazmuny arqyly keıipkerler is - áreketine, avtor kózqarasyna boılaý;
2. Oqýshylardyń taqyrypqa qyzyǵýshylyǵyn oıatý, maǵynany tanyp bilýge, ajyratýǵa, oı tolǵaýǵa iskerlik daǵdysyn qalyptastyrý, shyǵarmashylyq qabiletin damytý;
3. Tabıǵatty qorǵaýǵa, aıalap baptap kútýge, adamgershilikke tárbıeleý;

Sabaqtyń túri: bilimdi bekitý, syn turǵysynan oılaý sabaǵy
Sabaqtyń ádisi: suraq - jaýap, taldaý, izdený t. b
Sabaqtyń kórnekiligi: ınter. taqta, syzbalar, úlestirmeli qaǵazdar t. b
Pánaralyq baılanys: tarıh

Sabaqtyń barysy:
İ. Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý, synyptyń tazalyǵyna kóńil bólý. Oqýshylardyń zeıinin sabaqqa aýdarý.
Epıgraf
Sen janbasań lapyldap,
Men janbasam lapyldap
Aspan qalaı ashylmaq.
Nazym Hıkmet

İİ. Bekitý. Búgingi sabaǵymyz 3 kezeńnen turady.
İ. Taldaý.
İİ. Jalǵaý.
İİİ. Samǵaý.

İ kezeń. Taldaý.
• Shyǵarmanyń avtory kim? Muhtar Áýezov.
(Tirek – syzba boıynsha sóıleý)
• Shyǵarmanyń taqyryby men ıdeıasyn anyqtaý
Taqyryby: Qasqyrdyń minez - qulqy, ózine tán tabıǵı qasıetteri
Ideıasy: Tabıǵat pen adam arasyndaǵy baılanys, túsinistik
• Taqyryby boıynsha vıdeo materıal kórý «Qasqyrlar» (alǵan áserlerimen bólisý)
• Tirek – syzba boıynsha sóıleý.
• Shyǵarmanyń kompozısıalyq josparyn qurý.
1. Oqıǵanyń bastalýy — Qasqyr mekeni. Bóltirikter taǵdyry.
2. Baılanysy - Kókserektiń uıalastarymen tabysýy.
3. Damýy - Qaradyr elindegi mazasyzdyq
4. Sharyqtaý shegi - Qurmashtyń qazasy
5. Sheshimi - Kókserektiń jazasyn tartýy.

İİ kezeń. Jalǵaý.
• Vıdeo materıal «Kókserek» 1 mınýt
Kókserek áńgimesi jelisi boıynsha kórkem fılm túsirilgen bolatyn.

Zańǵar jazýshy Muhtar Áýezovtiń «Kókserek» shyǵarmasy jelisimen túsirilgen "Kókserek" kórkem fılmi 1973 jyly kórermenderge jol tartty. Búkilodaqtyq tusaýkeseri 1974 jyly 8 sáýirde Máskeý qalasynda ótti.
1974 jyly Ázirbaıjan astanasy Bakýde ótken Búkilodaqtyq kınofestıvaldiń birinshi júldesine ıe bolyp, Shveısarıanyń Lokorno qalasynda ótken kınofestıvalinde qurmet gramotasymen marapattaldy.
Qyzyqty derekter:
Fılmge haıýanattar baǵynan jas qasqyrlar alynǵan. Kókserek bolyp eki qasqyr oınaǵan, ekeýin de fılmge túsirý úshin Máskeý qalasynan arnaıy ákelgen.
«Qoıǵa qasqyr shabý» kórinisine túsken qylshyq júndi, tegen quıryqty qoılar mal sharýashylyǵy ınstıtýtynyń tájirıbe otarynan alynǵan.
Fılm Qyrǵyz taýlarynyń baýraıynda, Ystyqkól jaǵalaýynda túsirilgen.

Oqıǵanyń mazmunyna toqtalý.
1. Kókserek Qaraadyr aýylynda.
2. Kókserek – túz taǵysy.
3. Jekpe – jek.

• Toptyq tapsyrmalar oryndaý. (jeke oqýshylar kartochkamen jumys jasaıdy)
1 - top.
Kýbızm. Kýbızm ádisi boıynsha myna kýbıkti eki topqa kezekpe - kezek ıiremin. Qaı qyrynyń suraǵy tússe soǵan jaýap beresiz.
1. Sýrette. Kókserektiń portretin sýretteńiz.
2. Salystyr. Dala qasqyry men Kókserekti salystyryńyz.
3. Zertte. Qasqyr týraly taǵy qandaı shyǵarma bilesiz?
4. Qoldan. Kókserek týraly el adamdary ne deıdi?
5. Dálelde. Kókserekti jaýyzdyqqa ıtermelegen de, Qurmashqa aýyz saldyrǵan da qandaı jaǵdaı?
6. Talda. Kókserektiń qatygezdigin qaı tustarda baıqadyńyz?

2 - top. Bes jol óleń strategıasy. Sınkýeı ádisi boıynsha «qasqyr», «ańshy» sózderine bes joldy óleń jazyp kóreıik.
1. Qasqyr
2. Jyrtqysh, qomaǵaı.
3. Ulıdy, shabýyldaıdy, jortýyldaıdy
4. Qasqyr - túz taǵysy, perzenti.
5. Bóri, kókjal.
1. Ańshy
2. Qyraǵy, saq
3. Atady, kózdeıdi, aýlaıdy,
4. Ańshy qansonarda ańǵa shyǵady.
5. Mergen.

3 - top. Venn dıagramsy.
İİİ kezeń. Samǵaý.
Endi sabaǵymyzdyń sońǵy bólimine keldik. Jazýshymen, onyń shyǵarmasymen tanystyq, taldadyq, baǵa berdik. Al sonda budan qandaı áser aldyq? Endi sol týraly áńgimeleıik.
Taqyryptar:
1. Jazýshymen syrlasý,
2. Tabıǵatqa til qatý,
3. Adamdarǵa ún qatý.

İİİ. Baǵalaý. Top basshylary baǵalaıdy.
İÚ. Úıge tapsyrma berý. «Kókserek – tabıǵatyń taǵy perzenti» shyǵarma jazýǵa daıyndalý.

Tirshilik ıesimiz bárimiz de,
Súrýge ómir quqylymyz áli biz de.
Saqtaıyqshy tabıǵat zańdylyǵyn
Sabaq bolsyn Kókserek taǵy bizge!
Shattyqqa shyrqalsa eken ánimiz de!